Dhananjay Munde On Walmik Karad : निवडणुकीचं वऱ्हाड, आठवला कराड? Special Report

Dhananjay Munde On Walmik Karad : निवडणुकीचं वऱ्हाड, आठवला कराड? Special Report 
राजकारणात विनाकारण कुणाला कुणाची आठवण येत नाही. आणि आलीच तर ती कुणी जाहीरपणे व्यक्त करत नाही. राष्ट्रवादीचे नेते धनंजय मुंडेंना आज बऱ्याच दिवसांनी एका व्यक्तीची आठवण आली. आणि त्यांनी जाहीर व्यासपीठावरून ही आठवण व्यक्तही केली. धनंजय मुंडेंनी ही आठवण काढल्यानंतर राजकीय आणि सामाजिक वर्तुळातील अनेकांच्या आठवणीदेखील जाग्या झाल्या आणि सुरु झाला आठवणींचा राजकीय गोंधळ. पाहूया, याचाच आढावा घेणारा राजकीय शोलेचा हा रिपोर्ट.  
ही गोष्ट आहे एका व्यक्तीची…  आणि ही व्यक्ती कोण…?  ही व्यक्ती तीच, ज्यानं परळीच्या राजकारणाची अख्खी गोष्ट बदलली.  ही व्यक्ती तीच, ज्यानं एका नेत्याचं राजकारण बदललं..  ही व्यक्ती तीच, ज्यामुळं एका मंत्र्याचं पद गेलं..  ही व्यक्ती तीच, ज्यामुळं महाराष्ट्राच्या राजकारणात आका हा शब्द प्रचलित झाला..  तर ढवळून निघालेलं हे राजकारण थोडंफार स्थिर होत असताना आता पुन्हा एकदा त्या व्यक्तीची स्टेजवर एन्ट्री झालीय.   ती व्यक्ती काही प्रत्यक्षात स्टेजवर आली नाही.  ती आली धनंजय मुंडेंच्या तोंडून.. 
नऊ-दहा महिने, कार्यालयाचं काम आणि एक व्यक्ती या तीन शब्दांवरून धनंजय मुंडे हे वाल्मिक कराडविषयी बोलतायत, हे समजायला कुणालाच फार विचार करावा लागला नाही.   संतोष देशमुख हत्या प्रकरणात सध्या तुरुंगात असणाऱ्या वाल्मिक कराडचा, नाव न घेता मुंडेंनी केलेला उल्लेख सामाजिक कार्यकर्त्या अंजली दमानियांचा संताप वाढवणारा ठरला.   संतोष देशमुख हत्येतील क्रौर्याची आठवण करून देत त्यांनी पुढची मदार परळीकरांवर सोडून दिली.  
मराठा आरक्षण आंदोलक मनोज जरांगेंचंही यामुळं पित्त खवळलं.  त्यांनी अजित पवार आणि फडणवीसांनाच याचा विचार करण्याचा सल्ला दिला.