Cox & Kings | 'कॉक्स अॅंड किंग्ज' ट्रॅव्हल कंपनीच्या अधिकाऱ्याची आत्महत्या की घातपात?
Download ABP Live App and Watch All Latest Videos
View In Appगेल्या 11 ऑक्टोबरपासून बेपत्ता असलेल्या कॉक्स अँड किंग्ज कंपनीचे माजी फायनान्स एक्झिक्यूटिव्ह सागर देशपांडे यांचा मृतदेह टिटवाळा स्टेशन जवळ रेल्वे ट्रॅकवर आढळून आला आहे. एका मोठ्या आर्थिक घोटाळ्यातील महत्त्वाचे साक्षीदार असल्याने सागर यांच्या मृत्यूमुळे संशयाचे वलय निर्माण झाले आहे.
सागर देशपांडे, (वय 38) हा कॉक्स अँड किंग्ज आर्थिक घोटाळा प्रकरणातील मुख्य साक्षीदार आहे. या संपूर्ण प्रकरणातील तपास आणि त्याचा निकाल या एका व्यक्तीच्या साक्षीवर अवलंबून होता. मात्र, हा व्यक्तीच आता या जगात नाहीये. 11 तारखेला टिटवाळा इथे जातो सांगून सागर घराबाहेर पडले. मात्र, पुन्हा परतले नाही. एक दिवसानंतर त्यांच्या कुटुंबाने ठाण्यातील नौपाडा पोलीस स्टेशनमध्ये हरवल्याची तक्रार नोंदवली. त्यानुसार नौपाडा पोलिसांनी शोध सुरू केला.