Narayan Rane आणि Shiv Sena यांच्यातील संघर्ष शिगेला, जुन्या प्रकरणांवरून एकमेकांवर टीकास्त्र

नारायण राणे आणि शिवसेना यांच्यातला संघर्ष आज पुन्हा एकदा दिसला. नारायण राणे यांच्या अधीश बंगल्याच्या बांधकामाबाबत महापालिकेनं नोटीस बजावल्यानंतर राणेंनी आज पत्रकार परिषद घेऊन ठाकरेंच्या मातोश्री २ बंगल्याकडे बोट दाखवलं. याचवेळी राणेंनी शिवसेनेवर गंभीर आरोपही केले. पण काही वेळातच शिवसेनेनं पत्रकार परिषद घेऊन राणेंवर पलटवार केला. खासदार संजय राऊत आणि महापौर किशोरी पेडणेकर यांच्या उपस्थितीत खासदार विनायक राऊत यांनी घेतलेल्या या पत्रकार परिषेदेत राणेंवर प्रतिहल्ला चढवला.