Chhatrapati Sambhajinagar Dowry : 9 वर्ष अत्याचार, घरचेच उठले जीवावर..हुंड्यासाठीचा छळ कधी थांबणार? Special Report

Chhatrapati Sambhajinagar Dowry : 9 वर्ष अत्याचार, घरचेच उठले जीवावर..हुंड्यासाठीचा छळ कधी थांबणार? Special Report

पुण्यातलं वैष्णवी हगवणे प्रकरण ताजं असतानाच छत्रपती संभाजीनगरहून महिला अत्याचाराचं एक प्रकरण रविवारी समोर आलं. एबीपी माझानं हे प्रकरण लावून धरलं आणि २४ तासांच्या आत पोलिसांनी संशयित आरोपींना बेड्या ठोकल्या आणि पीडित महिलेला न्याय दिला. पाहूयात याविषयीचा हा सविस्तर रिपोर्ट...

छत्रपती संभाजीनगरची ही महिला

एक दोन नव्हे तर तब्बल ९ वर्ष

कौटुंबिक हिंसाचाराची बळी ठरली...

घरच्यांनी अंगावर चटके दिले...

पट्ट्याने मारहाण केली...

हात-पाय दोरीनं बांधून छळ केला

संभाजीनगरच्या फुलंब्रीतील चौकावाडीत

शेख कुटुंबातल्या महिलेच्या छळाला एबीपी माझानं वाचा फोडली...

आणि त्यानंतर पोलिसांनी दोषींवर कारवाईचा बडगा उगारला....

या महिलेकडे माहेरुन पैसे आणण्यासाठी

अख्ख्या कुटुंबानं तगादा लावला होता...

नवरा अझीम शेखसह नणंद, सासू, दीर असे सगळेच

या महिलेच्या जीवावर उठले होते...

मुलीचा होणारा छळ थांबावा म्हणून

पीडित महिलेच्या वडिलांनी याआधी लाखो रुपये शेख कुटुंबाला दिले

पण पीडितेच्या घरातल्यांची हाव वाढत गेेली...

अखेर एबीपी माझानं १ जून रोजी ही बातमी दाखवली...

आणि महिलेवर अनेक वर्ष होणाऱ्या छळाची कहाणी समोर आली...

पोलिसांनी छळवणूक करणाऱ्या सहा जणांना बेड्या ठोकल्यायत...

मात्र दोषींना कठोरात कठोर शिक्षेची मागणी पीडितेच्या वडिलांनी केलीये...

वैष्णवी हगवणे प्रकरण ताजं असतानाच

महिला अत्याचाराच्या या आणखी एका प्रकरणानं महाराष्ट्र हादरलाय...

असंख्य वैष्णवींचा हुंड्यासाठी होणारा हा छळ

महिलांवर होणारा अत्याचार

घरच्या लक्ष्मीचा पैशांसाठी होणारा जाच

हे सगळं आता थांबायलाच हवं...