Bhandara Crime 10 दिवसांच्या बाळाची 3 लाखांना विक्री, डॉक्टरचा प्रताप,5 जणांवर गुन्हा Special Report

भंडारा जिल्ह्यातून वैद्यकीय क्षेत्राला हादरवून टाकणारी एक संतापजनक घटना समोर आली आहे. ज्या डॉक्टरला देवदूत मानलं जातं, त्याच डॉक्टरने एका १० दिवसांच्या चिमुकलीला चक्क ३ लाख रुपयांना विकल्याचा धक्कादायक प्रकार उघडकीस आला आहे. याप्रकरणी गोंदियातील मुख्य सूत्रधार डॉ. नितेश बाजपेयी यांच्यासह ५ जणांवर गुन्हा दाखल करण्यात आला असून, एका महिलेला अटक करण्यात आली आहे. काय आहे हे नेमकं प्रकरण? पाहूयात. 
हा आहे डॉक्टर नितेश बाजपेयी...  खरं तर आपल्याकडे डॉक्टरला देवदूत मानलं जातं  पण गोंदियातील या डॉक्टरनं एका दहा दिवसांच्या बाळाची  अवघ्या तीन लाखांना विक्री केल्याचा धक्कादायक प्रकार उघडकीस आलाय... 
गोंदियाच्या एका रुग्णालयात १० दिवसांची मुलगी उपचारासाठी दाखल  डॉ. नितेश बाजपेयीनं मुलीच्या  पालकांना उपचाराचा खर्च  जास्त होईल अशी घातली भीती    मुलीवर मोफत उपचार करू,  अशी खोटी बतावणी करून  डॉक्टरनं मुलीला घेतलं ताब्यात  उपचाराऐवजी डॉक्टरकडून भंडाऱ्याच्या पांढराबोडीतील महिलेला मुलीची ३ लाखात विक्री  
पण हे प्रकरण उघडकीस आलं  आणि पोलिसांनी एका महिलेला अटक केली  पण या सगळ्या प्रकरणातील मुख्य आरोपी   डॉक्टर नितेश बाजपेयी आणि इतर तीन आरोपी फरार आहेत... 
पोलीस तपासात अनेक गोष्टी समोर आल्यायत...  मुलीच्या विक्री व्यवहारातील ३ लाखांपैकी १ लाख रुपये रोख   आणि १ लाखाचा धनादेश डॉक्टरच्या मध्यस्थी असलेल्या महिलेच्या खात्यात जमा झाला होता.   उर्वरित १ लाख रुपये ५ फेब्रुवारीला दिले जाणार होते...