Ashok Kharat : भोंदू खरातचं पाप सगळ्याच गुन्ह्याचा बाप! 4 वर्षात 70 कोटींची मालमत्ता Special Report

Ashok Kharat : भोंदू खरातचं पाप सगळ्याच गुन्ह्याचा बाप! 4 वर्षात 70 कोटींची मालमत्ता Special Report

Follow AI generated Transcription - (खालील डिस्क्रिप्शन AI जनरेटेड आहेत. त्यामध्ये त्रुटी असू शकतात)
नाशिकचा भोंदू बाबा अशोक खरातच्या पापांचा आकडा दिवसेंदिवस वाढत चाललाय. महिलांच्या लैंगिक शोषणाच्या आरोपानंतर हे प्रकरण उजेडात आल्यानंतर अनेकांना गंडा घालून खरातनं कोट्यवधींची माया जमवल्याचं उघड झालंय. आता त्याची मोडस ऑपरेंडी देखील समोर आलीये आणि स्वतःचे व्यवहार रोखीनं किंवा बनावट खात्यांमधून होत असल्याची माहिती तपासातून समजतेय. बघूया नव्यानं उघडकीला आलेल्या खरातच्या कारनाम्यांचा हा स्पेशल रिपोर्ट. अनेकांची आधार आणि पॅन कार्ड घेऊन बनवाबनवी अवघ्या चार वर्षात खरेदी केली 70 कोटींची प्रॉपर्टी बोगस कंपन्या दाखवून गोरगरीब शेतकऱ्यांची फसवणूक आत्महत्येला प्रवृत्त केल्याच्या फिर्यादीत नाव चार्जशीट मधून गायब हे सगळे कारनामे एकाच महाभागानं केलेत आणि तो आहे हात महा भोंदू अशोक खरात अटक झाल्यापासूनच खरातचे नवनवे गोरखधंदे दररोज उघड होतायत. अनेकांची आधार आणि पॅन कार्ड खरातनं ताब्यात घेतली होती आणि पतसंस्थामध्ये अनेक खाती उघडली होती असं आता समोर आलंय. इतरांच्या नावे खात्यांच्या केवायसीसाठी खरात पॅन आणि आधार कार्डांचा वापर करत असल्याचा संशय ही खाती तो स्वतःच हाताळत होता आणि त्याद्वारे कोट्यवधींचे बेनामी व्यवहार करत होता. वेगवेगळ्या नावे असलेल्या अनेक खात्यांना खरातचाच मोबाईल नंबर लिंक केल्याचं ही आढळलंय. त्यापैकी एक खातं रूपाली साकळकरांच्या संपर्कात असलेल्या व्यक्तीचं ही असल्याचं समजतंय. खरातची ही खाती असलेल्या पतसंस्थेची एसआयटीनं चौकशी सुरू केली असून त्यातून आणखी माहिती बाहेर येण्याची शक्यता आहे. विशेष म्हणजे खरात स्वतः सगळे व्यवहार रोखीत करत असल्याचं एसआयटीच्या तपासातून समोर येतंय. आतापर्यंत खरातच्या बँक खात्यांची तीन वेळा तपासणी करण्यात आल्यानंतर व्यवहारांची साखळी उलगडण्यास सुरुवात झालीये. तसंच त्याच्या मोबाईल मधील माहिती ही हाती आली असून त्यातून खरातच्या आर्थिक व्यवहारांचे महत्त्वाचे पुरावे एसआयटीच्या हाती लागलेत. कोणताही व्यवहार चेक किंवा ऑनलाईन न करता रोखड मोजत त्यानं आपलं साम्राज्य उभं केलंय. गेल्या चार वर्षात त्यानं विविध शहरांमध्ये 70 कोटींपेक्षा जास्त किमतीच्या मालमत्ता खरेदी केल्या आहेत. नाशिक, पुणे, अहमदनगर मध्ये त्यानं मोठी गुंतवणूक केली आहे आणि हे सगळे व्यवहार कॅश मध्ये झालेत. अनेक व्यवहारांमध्ये पार्टनर म्हणून त्यानं इतरांची नाव वापरली आहेत. नाशिकचा बंगला आणि ऑफिसचं काम केलेल्या कामगारांना 25 लाख रोख दिल्याचं तपासात उघड झालंय. अशोक खरातनं बनावट कंपन्या तयार करून शेतकऱ्यांची फसवणूक केल्याचं उघडकीस आलंय. सरकारी अधिकाऱ्यांशी असलेल्या संबंधाचा उपयोग करून खरातनं वेंकटेश फार्मर प्रोड्युसर कंपनी स्थापन केली होती. खरात आणि त्याची पत्नी कल्पना या कंपनीचे संचालक आहेत. कांदा मक्याची नाफेड मार्फत खरेदी केली जाते. मात्र या बोगस कंपनीच्या नावे शेतीमाल खरेदी करण्याच्या नावाखाली खरात शेतकऱ्यांना गंडा घालत असल्याचं आता उघडकीस आलंय. याशिवाय किमान 15 कंपन्यांमध्येही खरात भागीदार असण्याची शक्यता आहे. या प्रकरणी खरातला मदत करणाऱ्या अधिकाऱ्यांची ईडी चौकशी करण्याची मागणी होतेय. त्याचे स्वतःची वेंकटेश्वरा आणि ईशानेश्वरा नावाचे कंपनी फार्मर प्रोड्युसर कंपनी स्थापन केलेली आहे. आणि त्याचबरोबर त्याच्या इतर 17 ते 18 फार्मर प्रोड्युसर कंपनीमध्ये तो स्वतः संचालक आहे. असं त्यांनी या बोगस फार्मर प्रोड्युसर कंपन्या स्थापन करून नाफेड आणि एनसीसीएफ जे सरकारी खरेदी योजना आहेत की कांदा मका आणि सोयाबीनची या खरेदीचे कॉन्ट्रॅक्ट मिळवलेत. शिर्डीच्या विकास दिवटे या तरुणानं 2022 साली आत्महत्या केली होती. त्यावेळी विकासच्या सासरच्या मंडळींसह भोंदू बाबा खरात विरोधात आत्महत्येला प्रवृत्त केल्याचा गुन्हा दाखल झाला होता. विकास दिवटे हा साई संस्थानमध्ये नोकरी करत होता. घरगुती भांडणामुळे त्याची पत्नी माहेर जाऊन राहिली होती. त्यातून सासरच्या मंडळींच्या वतीनं खरातनं धमकावल्याचा उल्लेख फिर्यादीत करण्यात आलाय. साई संस्थानच्या नोकरीतून काढून टाकण्याची तसंच ठार मारण्याची धमकी खरातनं आल्याची तक्रार चार वर्षांपूर्वीच दाखल झालीये. सततच्या मानसिक त्रासाला कंटाळून विकासनं गळफास घेऊन आत्महत्या केली होती. मात्र फिर्यादीत नाव असताना पुढे पोलिसांनी दोषारोप पत्रातून खरातचं नाव वगळल्याचा आरोप विकासच्या भावानं केलाय. त्याने प्रत्यक्ष लिहून ठेवलेलं आहे का अशा अशा रोजी मी फाशी घेऊन मरत आहे. मी मला मारण्यास कारणीभूत नाशिक कॅप्टन खरात जबाबदार आहे व माझी सासरवाडी जबाबदार आहे. सगळी काही परिस्थितीत नमूद केलेले असताना याच्यात पूर्ण चौकशी झाली नाही. फिर्यादीतून खरातचं नाव वगळण्यासाठी नेमका कोणाचा दबाव होता हे शोधावं. खरातच्या अटकेनंतर तर आता पुन्हा विकासच्या आत्महत्येची फाईल उघडावी अशी अपेक्षा राजेंद्र दिवटेंनी बोलून दाखवली. भोंदू खरातनं अनेक महिलांचं लैंगिक शोषण केल्याचं आतापर्यंत उघड झालंय. मात्र या भोंदू बाबाच्या जाळ्यात अडकलेल्या महिलांचं काही अधिकाऱ्यांनीही शोषण केल्याचा आरोप झालाय. राज्यातील अनेक बडे आयएएस आणि आयपीएस अधिकारी हे भोंदू अशोक खरातच्या संपर्कात होते. अनेक अधिकाऱ्यांचं खरातकडे जाणं येणं होतं आणि त्यामुळे अनेक आयएएस आणि आयपीएस अधिकारी या भोंदू खरातच्या मुलीच्या लग्नात सुद्धा गेले होते. वारंवार या अधिकाऱ्यांचं तिथं जाणं म्हणजेच खरातच्या संपर्कात असलेल्या महिलांचं ते लैंगिक शोषणही करत होते असा आरोप आता होतोय आणि त्या दृष्टीने चौकशी सुद्धा सुरू आहे. राज्यातील या सर्व आयएएस आणि आयपीएस अधिकाऱ्यांची चौकशी व्हावी अशी मागणी आता ठाकरेंच्या सेनेनं सुद्धा केली आहे. अतिशय गंभीर बाब आहे राज्यातले जर प्रशासकीय अधिकारी सुद्धा त्या ठिकाणी या भोंदू अशोक खरातच्या या सगळ्या बनावाला बळी पडलेले असतील तर ही गंभीर बाब आहे कारण या आडून खूप मोठ्या प्रमाणात महिलांचं शोषण झालंय आणि राज्य सरकारला केवळ आता भोंदू अशोक खरातचा पर्दाफाश केला म्हणजे जबाबदारी संपली असं नाही तर राज्य सरकारने मुख्यमंत्र्यांनी या सगळ्या प्रकाराची गांभीर्याने दखल घेऊन राज्यातल्या सगळ्या प्रशासकीय अधिकाऱ्यांची ती नाव जाहीर केली पाहिजेत जे या सगळ्या प्रकाराला त्यांनी साथ पाणी घातलेलं होतं. खरातचे एकापेक्षा एक गंभीर गुन्हे उघडकीस येत असताना झालेल्या या नव्या आरोपामुळे अनेक शंका निर्माण होतायत. खरातचं साम्राज्य केवळ भोंदूगिरी पुरतं मर्यादित नाही. बलात्कार, फसवणूक, अफरातफर, हत्या आणि सेक्स रॅकेट पर्यंत खरातचे हात बरबटल्याचं दिसतंय.