Ashok Kharat and Government Officer : मंत्रालयातले अधिकारी खरातच्या दरबारी? Special Report

नेत्यांप्रमाणेच आयएएस आणि आयपीएस अधिकारी देखील अशोक खरातच्या दरबारात हजेरी लावायचे... नुसते हजेरीच नाही, तर टेबलाखालून जमा केलेला ब्लॅक मनी व्हाईट करण्याचं काम अशोक खरात करायचा... हे आरोप आम्ही नाही तर एका कॅबिनेट मंत्र्यांनी केलेत.. त्यामुळे सरकारचा पगार घेऊन अशोक खरातची सेवा करणाऱ्या अधिकाऱ्यांचा चेहरा जगासमोर येणार का? हा प्रश्न महाराष्ट्राची जनता विचारू लागलीय.. 

अशोक खरातची राजकारणातल्या भक्तांची यादी आता महाराष्ट्राला पाठ झालीय

मात्र या भोंदू मांत्रिकांच्या भक्तांमध्ये....

आयएएस, आयपीएस आणि इतर बड्या प्रशासकीय अधिकाऱ्यांचा भरणा होता असा खुलेआम आरोप होतोय

ब्लॅक मनी व्हाईट करण्यासाठी अधिकारी अशोक खरातचा दरबार गाठत, असा गंभीर आरोप काँग्रेस नेते विजय वडेट्टीवारांनी केलाय

भोंदू मांत्रिक अशोक खरातच्या मंदिरासाठी पर्यटन विभागाकडून  १ कोटी ५ लाखाचा निधी मंजूर झाल्याचं समोर आल्यानंतर भाजपला टीकेचं धनी व्हावं लागलं

पर्यटनस्थळांच्या यादीत नसताना मंदिराला कोटीच्या
निधीसाठी कोणी प्रस्ताव दिला? त्यासाठी कुणी शिफारस केली? हे प्रश्न अजुनही अनुत्तरीतच आहे

प्रशासनाकडे संबंधित कागदपत्रांची स्पष्ट माहिती नसल्यानं
पर्यटन विभागाच्या निधी मंजुरी प्रक्रियेवरच आता गंभीर प्रश्नचिन्ह निर्माण झाले

एकीकडे नेत्यांची कृपा तर दुसरीकडे अधिकाऱ्यांकडून मिळणारी रसद...

हेच तर अशोक खरातच्या कथित दैवी शक्तीचे स्त्रोत नव्हते ना असा प्रश्न आता महाराष्ट्राला पडलाय