Ajit Pawar Last Rites Baramati :बारामती पोरकी,महाराष्ट्रही सुना सुना!! Special Report

Ajit Pawar Last Rites Baramati :बारामती पोरकी,महाराष्ट्रही सुना सुना!! Special Report
अजितदादा अनंतात विलीन झाले असले तरी त्याच्या आठवणी सदैव आपल्या सोबत राहतीलच.. आज अजितदादांना निरोप देण्यासाठी पोहोचलेल्या अनेक नेत्यांचा कंठ.. अशाच आठवणींनी दाटून आला होता.. पाहुयात कसे होते राजकारणापलिकडचे अजित दादा..

मुंबई : राज्याचे उपमुख्यमंत्री अजित पवार (Ajit Pawar) हे अनंतात विलीन झाले आहेत. परंतु त्यांच्या निधनानंतर आता त्यांचा राजकीय वारसदार कोण असा प्रश्न विचारला जात आहे. त्यासंबंधी पडद्यामागे राजकीय हालचालीही सुरू झाल्या आहेत. त्यातच आता सुनेत्रा पवारांनाच (Sunetra Pawar) उपमुख्यमंत्री करा अशी एक मागणी जोर धरताना दिसत आहे. राज्यसभेवर असलेल्या सुनेत्रा पवार यांना पक्षाच्या हंगामी अध्यक्ष करावे आणि त्यांनी बारामती विधानसभेची पोटनिवडणूकही लढवावी अशी मागणी केली जात असल्याची माहिती सूत्रांनी दिली. 

अजित पवारांच्या अकाली निधनामुळे राष्ट्रवादी काँग्रेसमध्ये मोठी पोकळी निर्माण झाल्याचं चित्र आहे. दोन्ही राष्ट्रवादी एकत्र येण्याची जोरदार चर्चा सुरू असताना, तशी पावलंही पडत असताना अजित पवारांचे निधन झाले. त्यामुळे आता त्यांचा राजकीय वारसदार कोण याची चर्चा सुरू झाल्याचं दिसतंय.

राष्ट्रवादीचे नेते प्रफुल पटेल आणि छगन भुजबळ यांनी सुनेत्रा पवारांची भेट घेतली आणि त्यांच्याशी चर्चा केली. तर नरहरी झिरवाळांनी सुनेत्रा पवार यांनाच उपमुख्यमंत्री करा अशी मागणी केली. त्यामुळे सुनेत्रा पवार यांना राष्ट्रवादीचे हंगामी अध्यक्ष केलं जाण्याची शक्यता असल्याची चर्चा सुरू आहे.