Mohit Kamboj Aditya Thackeray : राजकीय खुन्नस ते बर्थडे पार्टी,चर्चांना जोर... Special Report

राजकारण आणि वैयक्तिक नातेसंबंध या वेगवेगळ्या गोष्टी आहेत, हे सर्वांनाच माहित असतं. मात्र तरीही काही गाठीभेठी अशा असतात, ज्यामुळं सर्वांच्याच भुवया उंचावल्या जातात. भाजपचे नेते आणि उद्योगपती मोहित कंबोज आणि ठाकरे यांच्यातला राजकीय संघर्ष महाराष्ट्रानं अनेकदा पाहिलाय. दोन्ही नेत्यांची एकमेकांविषयीची मतं आणि ती मतं व्यक्त करताना वापरली जाणारी भाषाही अनेकदा आपण ऐकलीय. आता या सगळ्या पार्श्वभूमीवर जर आदित्य ठाकरे हे मोहित कंबोज यांनी बोलावलेल्या पार्टीला जात असतील तर? चर्चा तर होणारच. याच पार्टीचा आढावा घेणारा हा स्पेशल रिपोर्ट. 

हे फोटो आहेत भाजप नेते आणि उद्योगपती मोहित कंबोज यांची कन्या मिशिकाच्या बर्थडे पार्टीचे. 

मुख्यमंत्री फडणवीस, मंत्री आशिष शेलार, अमित साटम, सुप्रिया सुळे, श्रीकांत शिंदे,  उद्योगपती अनंत अंबानी, शाहरूख खान, संजय दत्त, रितेश देशमुख असे अनेक नेते, अभिनेते आणि उद्योजक या पार्टीत सहभागी झाले..  

पण राजकीय वर्तुळात सर्वाधिक चर्चा रंगली ती आदित्य ठाकरेंच्या उपस्थितीची. 

आदित्य ठाकरेंना मोहित कंबोज यांच्यासोबत पाहून सोशल मीडियावर ट्रोलर्सनी असा काही गराडा घातला, की ही ट्रोलधाड थांबवण्यासाठी पक्षाच्या नेत्यांना पुढं येत युद्धशास्त्राचे नियम सांगावे लागले.