वयाच्या 37 व्या वर्षीही क्रिकेटमध्ये हजारो-लाखोंची प्रेरणा असलेल्या धोनीला मुलगी झिवाने एका व्हिडीओत गाणं म्हणत शुभेच्छा दिल्या आहेत. धोनी सध्या पांढऱ्या दाढीमध्ये दिसत आहे. हे पाहत झिवा म्हणते, “की पापा तुमचं वय आता वाढत आहे.’’
बीसीसीआयने धोनीला शुभेच्छांचा एक व्हिडीओ शेअर केला आहे, ज्यामध्ये टीम इंडियाचा कर्णधार विराट कोहलीसह इतर खेळाडू आणि झिवाने शुभेच्छा दिल्या आहेत.
इंग्लंडविरुद्धचा दुसरा टी-20 सामना संपल्यानंतर संघातील खेळाडू, विराटची पत्नी अभिनेत्री अनुष्का शर्मा यांनी बर्थ डे सेलिब्रेशन केलं.
जन्मदिनाच्या पूर्वसंध्येलाच धोनीच्या नावावर मोठा विक्रम झाला. 500 आंतरराष्ट्रीय सामने खेळणारा तो तिसरा भारतीय खेळाडू बनला.
व्हीव्हीएस लक्ष्मण, मास्टर ब्लास्टर सचिन तेंडुलकर, वीरेंद्र सेहवाग, सुरेश रैना यांच्यासह जगभरातील खेळाडूंनी धोनीला जन्मदिनाच्या शुभेच्छा दिल्या.