Abhishek Sharma : गुड न्यूज, अभिषेक शर्माला रुग्णालयातून डिस्चार्ज, नामिबियाविरुद्ध खेळणार की नाही? तिलक वर्मानं उत्तर दिलं
Abhishek Sharma Health Update: टीम इंडियासाठी एक गुड न्यूज असून अभिषेक शर्माला रुग्णालयातून डिस्चार्ज मिळाला आहे. पोटात संसर्ग झाल्यानं तो रुग्णालयात दाखल झाला होता.
Abhishek Sharma Discharged From Hospital नवी दिल्ली : टी 20 वर्ल्ड कपमध्ये उद्या भारत आणि नामिबिया यांच्यात लढत होणार आहे. त्यापूर्वीच टीम इंडियाला दिलासा मिळाला आहे, अभिषेक शर्मा पोटात संसर्ग झाल्यानं रुग्णालयात दाखल झाला होता मात्र त्याला रुग्णालयातून डिस्चार्ज देण्यात आल्याची माहिती भारताचा स्टार फलंदाज तिलक वर्मा यानं दिलं आहे. अभिषेक शर्माची प्रकृती उद्या सामन्याच्या वेळी कशी असेल त्यावर त्याला सामन्यात संधी देणार की नाही ठरणार असल्याचं वर्मानं म्हटलं. 12 फेब्रुवारी म्हणजे उद्या दिल्लीत अरुण जेटली स्टेडियमवर भारत आणि नामिबिया यांच्यात सामना होणार आहे.
अभिषेक शर्माच्या पोटात वेदना होत असल्यानं तो अमेरिकेविरुद्ध क्षेत्ररक्षण करण्यास आला नव्हता. त्यानंतर दिल्लीत आल्यानंतर त्याची प्रकृती बिघडली होती. यामुळं त्याला रुग्णालयात दाखल करण्यात आलं होतं. अभिषेक शर्मा फिट नाही झाला तर संजू सॅमसनला संधी मिळेल, अशी शक्यता होती.
अभिषेक शर्मा खेळणार की नाही?
अभिषेक शर्मा उद्याच्या सामन्यात खेळणार की नाही याचा निर्णय उद्या होईल असं तिलक वर्मानं म्हटलं. तिलक वर्मा म्हणाला मॅचपूर्वी अभिषेक शर्मा फिट असेल तर त्याला संघात स्थान मिळेल. अभिषेक शर्माला अमेरिकेविरुद्ध चांगली कामगिरी करता आली नव्हती. तो पहिल्याच बॉलवर बाद झाला होता.
संजू सॅमसननं नेटस मध्ये बराच वेळ सराव केल्याचं पाहायला मिळालं होतं. त्यामुळं जर अभिषेक शर्मा पूर्णपणे फिट नाही झाला तर टीम इंडिया संजू सॅमसनला संधी मिळू शकते. अभिषेक शर्मानं रविवारी गौतम गंभीरच्या घरी डिनर केला होता, असं सांगितलं जातं.
दरम्यान, भारतानं पहिल्या सामन्यात अमेरिकेला पराभूत करत टी 20 वर्ल्ड कपमध्ये विजयी सलामी दिली आहे.
टी-20 वर्ल्ड कपसाठी टीम इंडिया
ईशान किशन (यष्टीरक्षक), अभिषेक शर्मा, सूर्यकुमार यादव (कर्णधार), तिलक वर्मा, रिंकू सिंग, हार्दिक पंड्या, अक्षर पटेल, शिवम दुबे, जसप्रीत बुमराह, अर्शदीप सिंग, मोहम्मद सिराज, वरुण चक्रवर्ती, कुलदीप यादव, संजू सॅमसन, वॉशिंग्टन सुंदर.
महत्त्वाच्या बातम्या
