West Indies vs South Africa: तर आज टीम इंडिया जिंकूनही मार्ग अत्यंत खडतर होणार! ज्या दक्षिण आफ्रिकेच्या हातून रोहित सेनेनं वर्ल्डकप खेचला तीच घायाळ दक्षिण आफ्रिका मायदेशात काळ बनून आली
West Indies vs South Africa: आफ्रिकेने पहिल्या सुपर 8 सामन्यात भारताचा 76 धावांनी पराभव केला. यामुळे स्पर्धेत भारताची विजयी मालिका संपुष्टात आली. यापूर्वी, संघाने सलग 12 सामने जिंकले होते.
West Indies vs South Africa: टी-20 विश्वचषकाच्या सुपर 8 टप्प्यातील सातवा सामना आज (26 फेब्रुवारी) दक्षिण आफ्रिका आणि वेस्ट इंडिज यांच्यात खेळला जाणार आहे. अहमदाबाद येथील नरेंद्र मोदी स्टेडियमवर दुपारी तीन वाजता हा सामना सुरू होईल. आफ्रिकेने पहिल्या सुपर 8 सामन्यात भारताचा 76 धावांनी पराभव केला. यामुळे स्पर्धेत भारताची विजयी मालिका संपुष्टात आली. यापूर्वी, संघाने सलग 12 सामने जिंकले होते. दरम्यान, सुपर 8 मध्ये वेस्ट इंडिजने झिम्बाब्वेचा 107 धावांच्या मोठ्या फरकाने पराभव केला. प्रथम फलंदाजी करताना विंडीजने 254 धावा केल्या आणि झिम्बाब्वेला 147 धावांवर रोखले.
आज आफ्रिका जिंकल्यास भारताचा मार्ग खडतर
दरम्यान, आफ्रिकेनं भारताला धक्का दिल्यानं सेमीफायनलचा मार्ग खडतर झाला आहे. एका बाजूला झिम्बाब्वेविरोधात मोठ्या विजयाची गरज असतानाच दक्षिण आफ्रिका सुद्धा पराभूत होईल, अशी आशा करावी लागणार आहे. आफ्रिका विजय झाल्यास भारताच्या आव्हानांमध्ये मोठी भर पडणार आहे. ज्या आफ्रिकेला नमवून भारत विजयी झाला होता तीच आफ्रिका मायदेशात भारतासाठी डोकेदुखी झाली आहे.
दक्षिण आफ्रिका आणि वेस्ट इंडिज हेड-टू-हेड
दक्षिण आफ्रिका आणि वेस्ट इंडिजने आतापर्यंत 29 टी-20 आंतरराष्ट्रीय सामने खेळले आहेत. यापैकी 15 सामने वेस्ट इंडिजने जिंकले, तर 14 सामने दक्षिण आफ्रिकेने जिंकले. दोघांमधील शेवटचा टी-20 सामना 2026 मध्ये खेळला गेला होता, ज्यामध्ये वेस्ट इंडिजने दक्षिण आफ्रिकेचा 6 धावांनी पराभव केला होता.
मार्को यान्सन सर्वाधिक विकेट घेणारा गोलंदाज
एडेन मार्करामने या स्पर्धेत दक्षिण आफ्रिकेसाठी सर्वाधिक धावा केल्या आहेत. त्याने पाच सामन्यांमध्ये 182 धावा केल्या आहेत, ज्याचा सर्वोत्तम स्कोअर 86* आहे. मार्को यान्सन दक्षिण आफ्रिकेचा सर्वाधिक विकेट घेणारा गोलंदाज होता, त्याने चार सामन्यांमध्ये 11 विकेट घेतल्या आहेत.
शिमरॉन हेटमायर, वेस्ट इंडिजचा सर्वोत्तम फलंदाज
शिमरॉन हेटमायरने या स्पर्धेत वेस्ट इंडिजसाठी सर्वाधिक धावा केल्या आहेत. त्याने पाच सामन्यांमध्ये 219 धावा केल्या आहेत, ज्याचा सर्वोत्तम स्कोअर 85 आहे. गोलंदाजीत, गुडाकेश मोती संघाचा सर्वाधिक विकेट घेणारा गोलंदाज होता, त्याने पाच सामन्यांमध्ये 10 विकेट घेतल्या आहेत.
पिच रिपोर्ट
अहमदाबादमधील नरेंद्र मोदी स्टेडियममधील खेळपट्टी फलंदाजीसाठी अनुकूल मानली जाते. नवीन चेंडू वापरताना पहिल्या काही षटकांमध्ये वेगवान गोलंदाजांना मदत मिळू शकते. मधल्या षटकांमध्ये फिरकी गोलंदाजांनाही काही वळण मिळू शकते.
हवामान परिस्थिती
26 फेब्रुवारी रोजी अहमदाबादमध्ये हवामान उबदार असेल, पावसाची शक्यता कमी असेल. कमाल तापमान 30 ते 32 अंश सेल्सिअस राहण्याची अपेक्षा आहे.
दोन्ही संघांसाठी संघ
- दक्षिण आफ्रिका: एडेन मार्कराम (कर्णधार), क्विंटन डी कॉक (यष्टीरक्षक), रायन रिकेल्टन, डेवाल्ड ब्रुविस, डेव्हिड मिलर, ट्रिस्टन स्टब्स, मार्को जॅन्सन, कॉर्बिन बॉश, केशव महाराज, कागिसो रबाडा, लुंगी एनगिडी.
- वेस्ट इंडिज: ब्रँडन किंग, शाई होप (कर्णधार आणि यष्टीरक्षक), शिमरॉन हेटमायर, रोवमन पॉवेल, शेरफेन रुदरफोर्ड, जेसन होल्डर, रोमारियो शेफर्ड, मॅथ्यू फोर्ड, अकिल हुसेन, गुडाकेश मोती आणि शमार जोसेफ.
इतर महत्वाच्या बातम्या
महत्त्वाच्या बातम्या
