Sachin Tendulkar Viral Video: क्रिकेटचा देव म्हणून ओळखला जाणारा सचिन तेंडुलकर सोशल मीडियावर खूप सक्रिय आहे. तो अनेकदा आपल्या वैयक्तिक आयुष्यातील खास क्षण चाहत्यांसोबत शेअर करतो. यावेळी सचिनने त्याच्या इन्स्टाग्राम अकाउंटवर एक व्हिडिओ शेअर केला आहे, ज्याने चाहत्यांची मने जिंकली आहेत. या व्हिडिओमध्ये सचिन त्याची मुलगी सारा तेंडुलकर आणि सुनेसोबत क्रिकेट खेळताना दिसत आहे.
दृष्टिकोन बदलता कामा नये
हा व्हिडिओ शेअर करताना सचिनने एक खास संदेशही दिला आहे. त्याने कॅप्शनमध्ये लिहिले आहे, "एखाद्याची उंची कितीही असली तरी, त्याचे वागणे आणि दृष्टिकोन बदलता कामा नये."व्हिडिओमध्ये सचिन फलंदाजी करत आहे, तर सारा आणि दुसरी मुलगी त्याला बाद करण्याचा प्रयत्न करत आहेत. सारा झेल घेण्याचा प्रयत्न करते, पण ती अयशस्वी ठरते. तेव्हा सचिन गंमतीने म्हणतो, 'Guys, you’ll never be able to get me out. You’ll never be able to get me out.' त्यानंतर, व्हिडिओमध्ये सचिन बॅट वेगळ्या पद्धतीने पकडतो आणि म्हणतो, “Only way, there is only remote possibility if the bat is like this.” तो असा संकेत देत होता की कदाचित अशा प्रकारे त्याला बाद केले जाऊ शकते.
व्हिडिओच्या शेवटी, सारा तेंडुलकर चेंडू पकडण्यात यशस्वी होते. त्यामुळे सचिन बाद होतो आणि उपस्थित असलेले सर्वजण खळखळून हसतात. या व्हिडिओमध्ये वडील आणि मुलीमधील हलकेफुलके आणि मजेशीर वातावरण दिसून येते.
इतर महत्वाच्या बातम्या