Olympics 2028 Cricket Schedule : क्रिकेटचं ऑलिम्पिकमध्ये कमबॅक, 2028 चं वेळापत्रक जाहीर, सुवर्णपदकासाठी कधी अन् कुठे होणार सामना? जाणून घ्या सर्वकाही
Los Angeles Olympics 2028 Cricket Schedule News : क्रिकेट प्रेमींसाठी मोठी बातमीसमोर येत आहे. 2028 मध्ये लॉस एंजेलिसमध्ये होणाऱ्या ऑलिम्पिकमध्ये तब्बल 128 वर्षांनंतर क्रिकेट पुन्हा एकदा दिसणार आहे.
Los Angeles Olympics 2028 Cricket Schedule : क्रिकेट प्रेमींसाठी मोठी बातमीसमोर येत आहे. 2028 मध्ये लॉस एंजेलिसमध्ये होणाऱ्या ऑलिम्पिकमध्ये तब्बल 128 वर्षांनंतर क्रिकेट पुन्हा एकदा दिसणार आहे. आयोजकांनी अधिकृत वेळापत्रक जाहीर केलं असून, यामध्ये पुरुष व महिला दोन्ही गटांचा समावेश आहे.
ऑलिम्पिकमध्ये कधी सुरू होईल क्रिकेट स्पर्धा?
क्रिकेट स्पर्धेची सुरुवात 12 जुलै 2028 रोजी होणार आहे. पुरुषांचा सुवर्णपदक सामना 29 जुलैला, तर महिलांचा अंतिम सामना 20 जुलैला खेळवला जाईल. ही स्पर्धा लॉस एंजेलिसपासून 50 किमी अंतरावर असलेल्या पॉमेना शहरातील फेअरग्राउंड्स स्टेडियम येथे पार पडणार आहे.
Big news!🚨
— LA28 (@LA28) July 14, 2025
We're celebrating being exactly three years out from the 2028 Olympic Games by sharing the OFFICIAL OLYMPIC COMPETITION SCHEDULE! From where the first medal will be awarded to action-packed days that already have us cheering, this schedule is the first step in… pic.twitter.com/8rgSjFwlgQ
दररोज दोन सामने; 6 पुरुष आणि 6 महिला संघ
या स्पर्धेत पुरुष आणि महिला गटात प्रत्येकी 6 संघ भाग घेणार आहेत. एकूण 180 क्रिकेटपटू मैदानावर खेळतील. आयोजकांच्या माहितीनुसार दररोज 2 सामने खेळवले जातील. अमेरिका, वेस्ट इंडीजसह क्रिकेटला नवा मंच मिळत असल्याने क्रिकेटला ऑलिम्पिकमध्ये स्थान देण्यात आले आहे.
भारताचा सहभाग निश्चित?
भारतीय संघाचा सहभाग निश्चित होण्याची शक्यता आहे. ऋतुराज गायकवाडच्या नेतृत्वाखालील भारतीय संघाने एशियन गेम्समध्ये सुवर्णपदक जिंकलं होतं. आता सर्वांचं लक्ष भारताच्या ऑलिम्पिकमधील यशाकडे लागलं आहे. तसेच ऑस्ट्रेलिया, इंग्लंडसारखे पारंपरिक क्रिकेट राष्ट्रदेखील स्पर्धेत सहभागी होण्याची शक्यता आहे.
🚨 CRICKET ACTION IN LA28 WILL START TWO DAYS EARLY 🚨
— Tanuj (@ImTanujSingh) July 14, 2025
- Cricket will be played from 12 to 29th July in Olympics 2028. (Cricbuzz). pic.twitter.com/vX6JiMwy8e
1900 साली शेवटचं ऑलिंपिक क्रिकेट, ब्रिटन एकमेव सुवर्णविजेता
तुम्हाला माहिती आहे का? ऑलिंपिकमध्ये आतापर्यंत फक्त एकदाच क्रिकेटचा समावेश झाला होता, 1900 पॅरिस ऑलिंपिकमध्ये. त्यावेळी फक्त दोन संघ फ्रान्स आणि ग्रेट ब्रिटन सहभागी झाले होते. ब्रिटनने तो सामना 158 धावांनी जिंकून सुवर्ण पदक पटकावलं होतं.
हे ही वाचा -
Before You Go
IPL 2026 : राजस्थान रॉयल्सने पंजाब किंग्सचा घरच्या मैदानावर पराभव करत विजयीरथ रोखला
महत्त्वाच्या बातम्या
