T20 World Cup: न्यूझीलंडची विजयी सलामी; टी-20 वर्ल्डकपच्या इतिहासात सर्वात मोठ्या टार्गेटचा यशस्वी पाठलाग
टी-20 वर्ल्डकप इतिहासातील न्यूझीलंडचा हा सर्वाधिक लक्ष्याचा पाठलाग होता. यापूर्वी, 2021 मध्ये अबू धाबी येथे किवीज संघाने इंग्लंडविरुद्ध 167 धावांचे लक्ष्य यशस्वीरित्या गाठले होते.
New Zealand vs Afghanistan, 4th Match: न्यूझीलंडने टी-20 वर्ल्डकप मोहिमेची दमदार विजयासह सुरुवात केली. गट ड च्या पहिल्या सामन्यात संघाने अफगाणिस्तानचा 5 विकेट्सने पराभव केला. चेन्नईच्या चेपॉक स्टेडियमवर झालेल्या सामन्यात अफगाणिस्तानने नाणेफेक जिंकून प्रथम फलंदाजी करताना 20 षटकांत 6 विकेट्सच्या मोबदल्यात 182 धावा केल्या. प्रत्युत्तरादाखल न्यूझीलंडने 17.5 षटकांत 5 विकेट्सच्या मोबदल्यात 183 धावांचे लक्ष्य गाठले. टी-20 वर्ल्डकप इतिहासातील न्यूझीलंडचा हा सर्वाधिक लक्ष्याचा पाठलाग होता. यापूर्वी, 2021 मध्ये अबू धाबी येथे किवीज संघाने इंग्लंडविरुद्ध 167 धावांचे लक्ष्य यशस्वीरित्या गाठले होते.
New Zealand seal a statement win against Afghanistan to kickstart their #T20WorldCup campaign 💪
— T20 World Cup (@T20WorldCup) February 8, 2026
Watch highlights from every match of the ICC Men’s T20 World Cup on https://t.co/5AuGFN3SRa 🎥https://t.co/aAOVF9VPu6
संघाकडून सलामीवीर टिम सेफर्टने (65) अर्धशतक झळकावले. ग्लेन फिलिप्सने 42, मार्क चॅपमनने 28 आणि डॅरिल मिशेलने नाबाद 25 धावा केल्या. अफगाणिस्तानकडून मुजीब उर रहमानने सर्वाधिक दोन विकेट्स घेतल्या. रशीद खान, मोहम्मद नबी आणि अझमतुल्ला उमरझाईने प्रत्येकी एक विकेट घेतली. त्याआधी, अफगाणिस्तानकडून गुलबदिन नायब (63) ने अर्धशतक झळकावले. सेदिकुल्लाह अटलने 29, रहमानउल्लाह गुरबाजने 27 आणि दरविश रसूलीने 20 धावा केल्या. न्यूझीलंडकडून लॉकी फर्ग्युसनने दोन विकेट घेतल्या. मॅट हेन्री, रचिन रवींद्र आणि जेकब डफी यांनी प्रत्येकी एक विकेट घेतली.
A spectacle to soak in Chennai as the fans turn up the levels for the New Zealand-Afghanistan #T20WorldCup clash 🔊
— T20 World Cup (@T20WorldCup) February 8, 2026
Grab your tickets now and be a part of such memorable experiences 🎫 https://t.co/gv2WCKyhbY pic.twitter.com/ZZ2CpitChl
इतर महत्वाच्या बातम्या
महत्त्वाच्या बातम्या
