विराटचा जबरदस्त फॉर्म श्रीलंकेविरुद्धच्या वन डे मालिकेतही कायम होता. वन डेतील 30 शतकं पूर्ण करत सर्वाधिक वन डे शतकांच्या यादीतही तो रिकी पाँटिंगसोबत दुसऱ्या स्थानावर विराजमान झाला आहे.
विराटने आयसीसी वन डे रँकिंगमध्ये ऑस्ट्रेलियाचा सलामीवीर फलंदाज डेव्हिड वॉर्नरवर 12 अंकांहून 26 अंकांनी बढत मिळवली. विराटच्या खात्यात सध्या 887 गुण आहेत. सचिनने 1998 साली आयसीसी वन डे रँकिंगमध्ये 887 गुण मिळवले होते. भारतीय फलंदाजाने मिळवलेले आतापर्यंतचे हे सर्वाधिक गुण आहेत. विराटने या विक्रमाची बरोबरी केली.
रोहित शर्मा आणि धोनीचं टॉप 10 मध्ये पुनरागमन
रोहित शर्माने श्रीलंकेविरुद्धच्या वन डे मालिकेत सर्वाधिक धावा केल्या. त्यामुळे रोहित शर्मा आणि मालिकेत 162 धावा करणारा महेंद्रसिंह धोनी यांनी टॉप 10 फलंदाजांमध्ये पुनरागमन केलं आहे. रोहित शर्माने नववं, तर धोनीने दहावं स्थान मिळवलं आहे.
संबंधित बातम्या :