मोहाली : किंग्स इलेव्हन पंजाबने आयपीएलच्या चुरशीच्या सामन्यात चेन्नई सुपर किंग्सवर अवघ्या चार धावांनी विजय मिळवला. या सामन्यात पंजाबने चेन्नईला विजयासाठी 198 धावांचं आव्हान ठेवलं होतं.

मात्र महेंद्रसिंग धोनीच्या नाबाद 79 धावांच्या खेळीनंतरही चेन्नईचे प्रयत्न चार धावांनी कमी पडले. धोनीच्या या खेळीत सहा चौकार आणि पाच षटकारांचा समावेश होता.

त्याआधी ख्रिस गेलने यंदाच्या मोसमातला आपला पहिलाच सामना खेळताना दमदार अर्धशतकी खेळी केली. त्याने 33 चेंडूत सात चौकार आणि चार षटकारांसह 63 धावा फटकावल्या. गेलच्या या खेळीमुळे किंग्स इलेव्हनला 20 षटकांत सात बाद 197 अशी आव्हानात्मक धावसंख्या उभारता आली.