Irfan Pathan on Virat Kohli slow knock in IPL 2025 Final : रॉयल चॅलेंजर्स बंगळुरूचा स्टार फलंदाज विराट कोहली आयपीएलच्या (IPL 2025) अंतिम सामन्यात फारशी चांगली कामगिरी करू शकला नाही. पंजाब किंग्सविरुद्ध खेळताना विराटने 35 चेंडूत 43 धावा केल्या, पण त्याची ही खेळी संघाच्या दृष्टीने प्रभावी ठरली नाही. त्याच्या या संथ खेळीवर माजी भारतीय अष्टपैलू इरफान पठाण यांनी थेट प्रश्नचिन्ह उपस्थित केलं आहे. इरफान पठाणने ट्विट केले की, अहमदाबादच्या खेळपट्टीवर विराट कोहलीची फलंदाजी खूपच निराशाजनक होती. त्याने विराटच्या फलंदाजीवर प्रश्न उपस्थित केले. इरफान पठाण म्हणाला की खेळपट्टी चांगली होती पण विराट चांगली फलंदाजी करू शकला नाही.
पठाणने पुन्हा विराटवर धरले धारेवर
अंतिम सामन्यात विराट कोहली आऊट होताच इरफान पठाणने इंस्टाग्रामवर लिहिले की, 'पंजाबचे गोलंदाज विराटवर सतत शॉर्ट आणि स्लो चेंडू टाकत होते. 35 चेंडूंनंतर त्याचा स्ट्राइक रेट फक्त 123 होता, या खेळपट्टीवर हे निराशाजनक आहे.' विराट कोहलीने अंतिम सामन्यात 35 चेंडूत 43 धावा केल्या. त्याने फक्त 3 चौकार मारले. पॉवरप्लेमध्ये विराट कोहली फक्त एक चौकार मारू शकला, जे खरोखरच आश्चर्यकारक होते.
काइल जेमिसनच्या चेंडूवर विराट कोहलीने पहिले चौकार मारला, पण त्यानंतर तो खुपच हळू खेळला. यानंतर, आश्चर्यकारक गोष्ट म्हणजे विराट कोहलीने दहाव्या षटकाच्या चौथ्या चेंडूवर त्याचा दुसरा चौकार मारला. मग, 14 व्या षटकात विराटच्या बॅटवर एक चौकार लागला. विराट कोहली पूर्णपणे सेट झाला पण त्यानंतर त्याने आपली विकेट गमावली. अझमतुल्लाहच्या बाउन्सरने विराटला फसवले आणि या खेळाडूने स्वतः एक अद्भुत झेल घेतला आणि आरसीबीला मोठा धक्का दिला.
आरसीबीने केल्या 190 धावा
अहमदाबादमध्ये प्रथम फलंदाजी करताना रॉयल चॅलेंजर्स बंगळुरूने 190 धावा केल्या. बंगळुरूसाठी विराट कोहलीने सर्वाधिक 43 धावा केल्या. जितेश शर्माने 10 चेंडूत 24 धावा केल्या. लिव्हिंगस्टोनने 25 धावा केल्या. पाटीदारने 26 आणि मयंक अग्रवालने 24 धावा केल्या. पंजाबबद्दल बोलायचे झाले तर, अर्शदीप सिंग आणि काइल जेमिसनने 3-3 बळी घेतले.
हे ही वाचा -