SRH vs GT IPL 2025 : आधी सिराजचा तांडव, नंतर शुभमन गिलच्या 'क्लास'मुळे पॅट कमिन्सला घाम फुटला, गुजरातने हैदराबादचा 7 गडी राखून केला पराभव

SRH vs GT Live Updates IPL 2025 : आयपीएल 2025 मध्ये रविवारी सनरायझर्स हैदराबाद आणि गुजरात टायटन्स यांच्यात सामना खेळला जात आहे.

पार्श्वभूमी

Sunrisers Hyderabad vs Gujarat Titans Live Updates IPL 2025 : आयपीएल 2025 मध्ये रविवारी सनरायझर्स हैदराबाद आणि गुजरात टायटन्स यांच्यात सामना खेळला गेला. गुजरात टायटन्सने सनरायझर्स हैदराबादचा 7 विकेट्सने पराभव केला.  हैदराबादने त्यांच्या घरच्या मैदानावर खेळताना 152 धावा केल्या होत्या. प्रत्युत्तरात, गुजरातने 20 चेंडू शिल्लक असताना 7 विकेट्सने सामना जिंकला. आयपीएल 2025 मध्ये गुजरातचा हा सलग तिसरा विजय आहे, तर हैदराबाद संघाला सलग चौथा पराभव पत्करावा लागला आहे. कॅप्टन शुभमन गिल आणि मोहम्मद सिराज हे गुजरातच्या विजयाचे हिरो होते. 

06/04/2025 23:01:17

गुजरातने हैदराबादचा 7 गडी राखून केला पराभव

गुजरात टायटन्सने एकतर्फी सामन्यात सनरायझर्स हैदराबादचा 7 विकेट्सने पराभव केला. प्रथम फलंदाजी करताना हैदराबादने 153 धावांचे लक्ष्य ठेवले. त्यानंतर गुजरातकडून कर्णधार शुभमन गिल आणि वॉशिंग्टन सुंदर यांनी चमकदार कामगिरी केली. सुंदरने 29 चेंडूत 49 धावा केल्या. त्याने 5 चौकार आणि 2 षटकार मारले. जोस बटलरला खातेही उघडता आले नाही. साई सुदर्शन 5 धावा करून बाद झाला.

प्रथम फलंदाजी करताना हैदराबादने 20 षटकांत 8 गडी गमावून 152 धावा केल्या. यादरम्यान नितीश रेड्डीने 31 धावांची खेळी खेळली. अभिषेक शर्मा 18 धावा काढून पॅव्हेलियनमध्ये परतला. अनिकेत वर्मा 18 धावा करून बाद झाला. क्लासेन 31 धावांचे योगदान देऊन बाद झाला.

गुजरातकडून मोहम्मद सिराजने घातक गोलंदाजी केली. त्याने 4 विकेट घेतल्या. साई किशोर आणि प्रसिद्ध कृष्णाने प्रत्येकी 2 बळी घेतले.

06/04/2025 21:48:19

शमीने दिला गुजरातला पहिला धक्का, साई सुदर्शन OUT

मोहम्मद शमीने गुजरातला पहिला धक्का दिला. त्याने साई सुदर्शनला आऊट केले. तो नऊ चेंडूत फक्त पाच धावा करू शकला.  

06/04/2025 21:18:44

हैदराबादने गुजरातसमोर ठेवले 153 धावांचे लक्ष्य

सनरायझर्स हैदराबादने गुजरात टायटन्ससमोर 153 धावांचे लक्ष्य ठेवले आहे.

 

06/04/2025 21:17:50

मोहम्मद सिराजने सिमरजीत सिंगला केले आऊट

मोहम्मद सिराजने इम्पॅक्ट प्लेअर म्हणून आलेल्या सिमरजीत सिंगला बाद केले. त्याला खातेही उघडता आले नाही. आता मोहम्मद शमी फलंदाजीसाठी आला आहे.

06/04/2025 20:30:42

हैदराबादला तिसरा धक्का

आठव्या षटकात हैदराबादची तिसरी विकेट पडली. प्रसिद्ध कृष्णाने इशान किशनला आऊट केले. तो 17 धावा काढून पॅव्हेलियनमध्ये परतला.  

06/04/2025 20:29:42

पॉवरप्ले संपला! हैदराबादची सुरुवात खराब

या सामन्यात हैदराबादची सुरुवात खराब झाली आहे. दोन्ही धक्के मोहम्मद सिराजने दिले. प्रथम, त्याने ट्रॅव्हिस हेडला बाद करतो. यानंतर अभिषेक शर्माला पॅव्हेलियनमध्ये पाठवण्यात आले. सध्या इशान किशन आणि नितीश रेड्डी क्रीजवर आहेत. सहा षटकांनंतर धावसंख्या 45/2 आहे.

06/04/2025 20:19:11

हैदराबादला 38 धावांवर दुसरा धक्का

मोहम्मद सिराजने हैदराबादला दुसरा धक्का दिला आहे. त्याने अभिषेक शर्माला आऊट केले. तो 18 धावा काढून पॅव्हेलियनमध्ये परतला. 

06/04/2025 19:49:57

हैदराबादमध्ये मियाँची जादू! ट्रॅव्हिस हेड आऊट, केल्या फक्त इतक्या धावा

पहिल्याच षटकात मोहम्मद सिराजने हैदराबादला मोठा धक्का दिला आहे. ट्रॅव्हिस हेडची विकेट घेतली. त्याला फक्त आठ धावा करता आल्या.  

06/04/2025 19:09:30

सनरायझर्स हैदराबाद संघाची प्लेइंग इलेव्हन :

ट्रॅव्हिस हेड, अभिषेक शर्मा, इशान किशन, नितीश कुमार रेड्डी, हेनरिक क्लासेन (यष्टीरक्षक), अनिकेत वर्मा, कामिंडू मेंडिस, पॅट कमिन्स (कर्णधार), झीशान अन्सारी, जयदेव उनाडकट, मोहम्मद शमी

06/04/2025 19:09:03

गुजरात टायटन्स संघाची प्लेइंग इलेव्हन :

साई सुदर्शन, शुभमन गिल (कर्णधार), जोस बटलर (यष्टीरक्षक), राहुल तेवतिया, शाहरुख खान, रशीद खान, वॉशिंग्टन सुंदर, साई किशोर, मोहम्मद सिराज, प्रसिद्ध कृष्णा, इशांत शर्मा

06/04/2025 19:07:41

कर्णधार पॅट कमिन्स काय म्हणाला?

सनरायझर्स हैदराबादचा कर्णधार पॅट कमिन्सने सांगितले की, हर्षल पटेलच्या जागी जयदेव उनाडकटला प्लेइंग इलेव्हनमध्ये समाविष्ट करण्यात आले आहे.

 

06/04/2025 19:07:01

कर्णधार शुभमन गिल काय म्हणाला?

कर्णधार शुभमन गिल म्हणाला की, या सामन्यात वॉशिंग्टन सुंदरला पदार्पणाची संधी मिळाली आहे. तो अर्शद खानच्या जागी खेळेल. 

06/04/2025 19:06:19

गुजरातने नाणेफेक जिंकून घेतला गोलंदाजी करण्याचा निर्णय

गुजरात टायटन्सने नाणेफेक जिंकून प्रथम गोलंदाजी करण्याचा निर्णय घेतला.