SRH vs RCB IPL 2025 : हैदराबादविरुद्ध बंगळुरूचा लाजिरवाणा पराभव! गुणतालिकेत मोठी उलटफेर, बंगळुरू तिसऱ्या क्रमांकावर घसरली अन्...
SRH vs RCB IPL 2025 Points Table : रॉयल चॅलेंजर्स बंगळुरू संघाला हैदराबादविरुद्ध पराभव पत्करावा लागला.
Sunrisers Hyderabad VS Royal Challengers Bangalore IPL 2025 : रॉयल चॅलेंजर्स बंगळुरू संघाला हैदराबादविरुद्ध पराभव पत्करावा लागला. लखनौच्या अटलबिहारी वाजपेयी स्टेडियमवर खेळल्या गेलेल्या सामन्यात हैदराबादने प्रथम फलंदाजी करत 231 धावा केल्या, नंतर आरसीबीचा संघ खूप मागे पडला. आरसीबी 42 धावांनी पराभूत झाला आणि यासह, ते पॉइंट्स टेबलमध्ये तिसऱ्या स्थानावर घसरले. पंजाब किंग्ज दुसऱ्या स्थानावर आला आहे. त्यांचेही आरसीबीइतकेच 17 गुण आहेत, पण त्यांचा नेट रन रेट चांगला आहे.
𝗢𝗿𝗮𝗻𝗴𝗲 𝗮𝗹𝗲𝗿𝘁 in Lucknow! 🧡@SunRisers secure back-to-back wins with a convincing all-round show against #RCB 👏
— IndianPremierLeague (@IPL) May 23, 2025
Updates ▶ https://t.co/sJ6dOP9ung#TATAIPL | #RCBvSRH pic.twitter.com/J5YLwtUvo3
तुफानी सुरुवातीनंतर हैदराबादला बसले धक्के
नाणेफेक गमावल्यानंतर सनरायझर्स हैदराबाद प्रथम फलंदाजी करण्यासाठी आला आणि त्यांची सुरुवात पण चांगली झाली. अभिषेक शर्मा आणि ट्रॅव्हिस हेड यांच्या जोडीने चौथ्या षटकातच संघाची धावसंख्या 50 च्या पुढे नेली. पण ही जोडी लुंगी एनगिडीने फोडली आणि अभिषेक 17 चेंडूत तीन चौकार आणि तीन षटकारांसह 34 धावा काढल्यानंतर आऊट झाला. पुढच्या षटकात हेडही त्याच धावसंख्येवर आऊट झाला. ऑस्ट्रेलियन फलंदाजाने 10 चेंडूत तीन चौकारांच्या मदतीने 17 धावा केल्या. यानंतर, पॉवरप्लेमध्ये आणखी एकही विकेट पडली नाही आणि हैदराबादला 71 धावा करता आल्या. हेनरिक क्लासेनने 13 चेंडूत 24 धावा केल्या. त्याच वेळी, अनिकेत वर्माने 9 चेंडूत 26 धावांची शानदार खेळी खेळली. तर नितीश रेड्डी आणि अभिनव मनोहर अनुक्रमे 4 आणि 12 धावांवर स्वस्तात बाद झाले.
Travis Head and Abhishek Sharma are reunited 🤝
— IndianPremierLeague (@IPL) May 23, 2025
And they are up and running in style💪
Updates ▶ https://t.co/sJ6dOP9ung#TATAIPL | #RCBvSRH | @SunRisers pic.twitter.com/Jo0W4E4HTs
शेवटी इशान किशनची तुफानी फटकेबाजी...
सनरायझर्स हैदराबादच्या मधल्या फळीने धावा लवकर करण्याच्या प्रयत्नात विकेट गमावल्या, पण तिसऱ्या क्रमांकावर फलंदाजीला आलेला इशान किशनची एका टोकाकडून तुफानी फलंदाजी सुरू होती. इशानने फक्त 28 चेंडूत अर्धशतक पूर्ण केले. यानंतरही त्याची आक्रमक फलंदाजी सुरूच राहिली आणि एकेकाळी तो शतक करेल असे वाटत होते पण तसे झाले नाही. इशानने 48 चेंडूत सात चौकार आणि पाच षटकारांसह 94 धावा केल्या आणि नाबाद राहिला. कर्णधार पॅट कमिन्सनेही 6 चेंडूत 13 धावा काढून नाबाद राहिला. आरसीबीकडून रोमारियो शेफर्डने सर्वाधिक दोन विकेट घेतल्या.
आरसीबी 189 धावांवर ऑलआउट
लक्ष्याचा पाठलाग करताना बंगळुरूचा संघ 189 धावांवर ऑलआऊट झाला. विराट आणि साल्ट वगळता कोणताही फलंदाज चांगली कामगिरी करू शकला नाही. सॉल्टने 32 चेंडूत 62 धावा केल्या, विराट कोहलीने 25 चेंडूत 43 धावा केल्या. त्याच्यानंतर, मयंक अग्रवाल 11 धावा करू शकला आणि रजत पाटीदार 18 धावा करू शकला. जितेश शर्माने 24 धावांची खेळी खेळली. तर पहिल्याच चेंडूवर रोमारियो शेफर्ड पण आऊट झाला. कृणाल पांड्याने 8 आणि टिम डेव्हिडला फक्त 1 धाव करता आली. पॅट कमिन्सने 3 विकेट घेतल्या. जयदेव उनाडकटने एक विकेट घेतली. अशन मलिंगाने 2 विकेट घेतल्या. हर्ष दुबे, रेड्डी आणि हर्षल पटेल यांनी प्रत्येकी 1 विकेट घेतली.
Brilliant Bowling 🤝 Excellent Fielding 🫡
— IndianPremierLeague (@IPL) May 23, 2025
Eshan Malinga turns things around for #SRH with a double-wicket over 🧡
Updates ▶ https://t.co/sJ6dOP9ung#TATAIPL | #RCBvSRH | @SunRisers pic.twitter.com/ICjk0zQ3PJ
महत्त्वाच्या बातम्या
