Shruti Haasan Crying Video Goes Viral : आयपीएल 2025 च्या 43 व्या सामन्यात चेन्नई सुपर किंग्ज (CSK) आणि सनरायझर्स हैदराबाद (SRH) आमनेसामने आले होते. चेन्नईतील एमए चिदंबरम स्टेडियम (चेपॉक) येथे खेळल्या गेलेल्या सामन्यात सनरायझर्स हैदराबादला पराभवाच्या मालिकेनंतर विजयाची चव चाखता आली आहे.  हैदराबादने चेन्नईचा 5 विकेट्सने पराभव केला. हा सामना पाहण्यासाठी जिथे अभिनेत्री श्रुती हासन देखील आली होती. श्रुतीने तिचे काही फोटो सोशल मीडियावर शेअर केले आहेत, ज्यामध्ये ती चेन्नई संघ आणि महेंद्रसिंग धोनीला पाठिंबा देताना दिसत आहे. 

पण,चेन्नई सुपर किंग्जला एसआरएचविरुद्ध दारुण पराभव पत्करावा लागला. तिच्या आवडत्या संघाला हरताना पाहून श्रुती इतकी भावनिक झाली की ती स्टेडियममध्येच रडू लागली. या सामन्यात धोनीही आपली जादू दाखवू शकला नाही, ज्यामुळे श्रुतीला काही आनंद मिळाला असता.

श्रुती हासन स्टेडियममध्ये लागली रडू 

चेन्नई सुपर किंग्ज आणि सनरायझर्स हैदराबाद यांच्यातील सामन्यातील श्रुती हासनचा एक व्हिडिओ सोशल मीडियावर व्हायरल होत आहे. यामध्ये ती खूप भावनिक दिसत आहे आणि तिचे अश्रू पुसताना दिसत आहे. तिच्या आवडत्या संघाला हरताना पाहून तिचे मन दुखावले आणि ती नाराज झाली. इच्छा असूनही, श्रुती स्वतःला रडण्यापासून रोखू शकली नाही. त्यांच्याशिवाय ज्येष्ठ अभिनेते अजित कुमार देखील त्यांच्या कुटुंबासह सामना पाहण्यासाठी स्टेडियममध्ये पोहोचले होते. त्याचा मुलगा चेन्नई सुपर किंग्जच्या जर्सीमध्ये दिसला. म्हणजे तो धोनीच्या संघालाही पाठिंबा देत होता.

चेन्नईचा दारुण पराभव....

सनरायझर्स हैदराबादने चेन्नई सुपर किंग्जचा 8 चेंडू शिल्लक असताना 5 विकेट्सने पराभव करून इतिहास रचला. एसआरएचने नाणेफेक जिंकून प्रथम गोलंदाजी करण्याचा निर्णय घेतला आणि सीएसकेचा डाव फक्त 154 धावांवर गुंडाळला. चेन्नईकडून युवा फलंदाज आयुष म्हात्रेने 30 धावा केल्या, तर पदार्पण करणाऱ्या डेवाल्ड ब्रेव्हिसने 44 धावांची खेळी केली. पण, कर्णधार धोनी फलंदाजी अपयशी ठरला आणि तो 10 चेंडूत फक्त 6 धावा करू शकला. एसआरएचने हे छोटे लक्ष्य 18.4 षटकांत पूर्ण केले. आयपीएलच्या इतिहासात पहिल्यांदाच, सनरायझर्स हैदराबादने चेपॉकवर चेन्नई सुपर किंग्जचा पराभव केला आहे.

कामिंदू मेंडिस ठरला हिरो

या सामन्यात एसआरएचच्या विजयात कामिंदू मेंडिसने मोठे योगदान दिले. त्याआधी, त्याने चेन्नईसाठी सर्वाधिक धावा करणारा डेवाल्ड ब्रेव्हिसला आऊट करण्यासाठी क्षेत्ररक्षण करताना एक अविश्वसनीय झेल घेतला. ब्रेव्हिसने 42 धावांची खेळी खेळली आणि चेन्नईला सन्मानजनक धावसंख्येपर्यंत पोहोचवले.

जेव्हा त्याच्या संघाला 8 षटकांत विजयासाठी 65 धावांची आवश्यकता होती, तेव्हा मेंडिस सहाव्या क्रमांकावर फलंदाजीला आला. येथून मेंडिसने एका टोकाला धरून 22 चेंडूत 32 धावांची नाबाद खेळी खेळली. त्याने नितीश कुमार रेड्डीसोबत सहाव्या विकेटसाठी नाबाद 49 धावांची भागीदारी करून एसआरएचचा विजय निश्चित केला.