Riyan Parag : रियान परागकडून सलग 6 षटकारांची आतषबाजी! पण संघाच्या पराभवानंतर संतापला, कोणावर रागावला?
इंडियन प्रीमियर लीगच्या एका रोमहर्षक सामन्यात राजस्थान रॉयल्सचा युवा फलंदाज रियान परागने विक्रमी कामगिरी करत क्रिकेट विश्वाचं लक्ष वेधून घेतलं.
Kolkata Knight Riders vs Rajasthan Royals : इंडियन प्रीमियर लीगच्या (IPL 2025) एका रोमहर्षक सामन्यात राजस्थान रॉयल्सचा युवा फलंदाज रियान परागने विक्रमी कामगिरी करत क्रिकेट विश्वाचं लक्ष वेधून घेतलं. त्याने सलग 6 षटकार मारून मैदानात धुमाकूळ घातला.ही खेळी पाहून स्टेडियममधील प्रेक्षकांनी उभं राहून टाळ्यांचा कडकडाट केला, तर सोशल मीडियावर त्याचे कौतुक करण्याची लाट उसळली. कोलकाता नाईट रायडर्स विरुद्धच्या सामन्यात रियान परागने एक अद्भुत खेळी खेळली आणि आपल्या संघाला विजयाच्या उंबरठ्यावर आणले, परंतु एका मोक्याच्या क्षणी तो आऊट झाला आणि सामना राजस्थान रॉयल्सच्या हातातून निसटला.
शुभम दुबेने शेवटच्या षटकात दोन षटकार आणि एक चौकार मारून कोलकाता नाईट रायडर्सच्या हृदयाचे ठोके निश्चितच वाढवले, परंतु राजस्थान रॉयल्सला एका चुरशीच्या सामन्यात 1 धावेने पराभव स्वीकारावा लागला. या पराभवानंतर कर्णधार रियान पराग खूप रागात दिसला. हा राग संघातील इतर खेळाडूंसाठी नव्हता तर स्वतःसाठी होता.
#RR put on a superb fight 👏
— IndianPremierLeague (@IPL) May 4, 2025
And it all started when their captain Riyan Parag shifted the gears with 6️⃣ sixes in a 𝗥𝗢𝗪!
Watch his brutal hitting ▶ https://t.co/cJgk1XSmEm #TATAIPL | #KKRvRR | @ParagRiyan pic.twitter.com/UCkPjMc0pl
रियान परागने पराभवासाठी स्वतःला जबाबदार धरले
कोलकाता नाईट रायडर्सविरुद्ध पराभवानंतर मुलाखतीसाठी आला, तेव्हा रियान पराग नाराज दिसत होता. त्यामुळे तो असेही म्हटले की त्याला इंटरव्यू देण्याची इच्छा नाही. सामना गमावल्यानंतर रियान पराग म्हणाला, "मी शेवटच्या दोन षटकांपर्यंत थांबण्याचा विचार करत होतो, पण दुर्दैवाने मी 18 व्या षटकात आऊट झालो. हा माझा चुकीचा अंदाज होता. मला शेवटपर्यंत खेळायचे होते."
गोलंदाजीबद्दल बोलताना रियान पराग म्हणाला की, मला वाटते की शेवटच्या 6 षटकांमध्ये आम्हाला चांगले पर्याय सापडले असते. कदाचित इतर गोलंदाजीचे पर्यायही असतील. आपण स्वतःकडेच तक्रार करावी, दुसऱ्याकडे नाही. हरल्यानंतर इंटरव्यू देणे चांगले वाटत नाही. आम्ही मैदानावर चांगली कामगिरी करू शकलो नाही आणि त्याचे परिणाम आम्हाला भोगावे लागत आहेत.
रियान परागने रचला इतिहास
ईडन गार्डन्सवर खेळलेला सामना केकेआरने जिंकला असला तरी राजस्थान रॉयल्सच्या विजयापेक्षा त्यांच्या पराभवाचीच चर्चा जास्त होत आहे. आयपीएलच्या 17 वर्षांच्या इतिहासात कोणीही केले नव्हते असा पराक्रम रियान परागने केला आहे. तो आयपीएलमध्ये सलग 6 षटकार मारणारा पहिला फलंदाज बनला आहे.
मोईन अलीच्या षटकात रियान परागने सलग 5 षटकार मारले आणि त्यानंतर पुढच्याच षटकात तो स्ट्राईकवर येताच वरुण चक्रवर्तीच्या चेंडूवर षटकार मारला. त्याने 45 चेंडूत 95 धावांची अद्भुत खेळी खेळली, पण तो आपल्या संघाला विजय मिळवून देऊ शकला नाही. राजस्थान रॉयल्सने या हंगामात आतापर्यंत 12 सामने खेळले आहेत आणि त्यापैकी 9 सामने गमावले.
महत्त्वाच्या बातम्या
