RCB Captain Rajat Patidar : रिप्लेसमेंट खेळाडू म्हणून एन्ट्री, आरसीबीसाठी लग्नही पुढे ढकलले; आता किंग कोहलीचे स्वप्न पूर्ण केले, कर्णधार रजत पाटीदारची रंजक कहाणी
2022 साली एक फोन आला आणि आयुष्याचा संपूर्ण प्रवास बदलला.... तो होता रजत पाटीदार!
RCB Captain Rajat Patidar Story : 2022 साली एक फोन आला आणि आयुष्याचा संपूर्ण प्रवास बदलला.... तो होता रजत पाटीदार! रॉयल चॅलेंजर्स बंगळुरू संघात एक रिप्लेसमेंट म्हणून आलेला खेळाडू. कोणाला वाटलं होतं, की हा शांत स्वभावाचा फलंदाज एक दिवस विराट कोहलीचं 18 वर्षांचं स्वप्न पूर्ण करेल? 18 वर्षे आणि 18 आयपीएल हंगाम... रॉयल चॅलेंजर्स बंगळुरूची (RCB) प्रतीक्षा अखेर संपली. कर्णधार रजत पाटीदारच्या नेतृत्वाखाली आरसीबीने आयपीएलच्या इतिहासातील पहिली ट्रॉफी जिंकली.
आता किंग कोहलीचे स्वप्न पूर्ण केले...
आणि स्पर्धेच्या अठराव्या हंगामात 18 नंबरची जर्सी घालणारा महान खेळाडू विराट कोहलीला आनंद साजरा करण्याची संधी मिळाली. सुरुवातीपासून एकाच संघाकडून खेळणाऱ्या या महान फलंदाजाचे स्वप्न पूर्ण झाले. अहमदाबादमधील नरेंद्र मोदी स्टेडियममध्ये सुमारे 90 हजार प्रेक्षकांसमोर त्याने ट्रॉफी उचलली.
Tears. Roars. Jubilation 🥹
— IndianPremierLeague (@IPL) June 3, 2025
The emotions of #RCB were raw, real, and 1⃣8⃣ years in the making ❤️#TATAIPL | #RCBvPBKS | #Final | #TheLastMile | @RCBTweets pic.twitter.com/fXVTbfCZFp
आरसीबीच्या विजयानंतर विराट कोहलीची सर्वाधिक चर्चा होत आहे, परंतु कर्णधार रजत पाटीदारचे योगदान यात कमी नाही. त्याने अखेर इतक्या वर्षांपासून ट्रॉफीसाठी आसुसलेल्या संघाला चॅम्पियन बनवले. पंजाब किंग्जविरुद्धच्या अंतिम सामन्यात तो महत्त्वाच्या क्षणी शांत राहिला आणि गोलंदाजीत चांगला बदल करत विरोधी संघावर दबाव आणला. जेव्हा आरसीबीने 190 धावा केल्या तेव्हा बहुतेक क्रिकेट पंडितांचे मत होते की पंजाब संघाकडे 191 धावांचे लक्ष्य सहज गाठण्यासाठी मजबूत फलंदाजी आहे. पण, असे घडले नाही आणि रजत पाटीदारच्या हुशार कर्णधारपदामुळे आरसीबीला 6 धावांनी सामना जिंकण्यास मदत झाली.
रिप्लेसमेंट खेळाडू म्हणून एन्ट्री....
2022 च्या IPL हंगामात RCB चा खेळाडू लवनीथ सिसोदिया जखमी झाला, आणि त्याच्या जागी रजत पाटीदारला संघात घेतलं गेलं. सुरुवातीला पाटीदारला वाटलं की त्याला खेळायला संधी मिळणार नाही, पण नशिबाने त्याला संधी मिळाली. 25 मे 2022 रोजी, लखनऊ सुपर जायंट्सविरुद्धच्या Eliminator सामन्यात पाटीदारने 112 धावांची नाबाद खेळी केली. ही IPL प्लेऑफमध्ये कोणत्याही अनकॅप्ड खेळाडूने केलेली पहिली शतकी खेळी होती. या कामगिरीमुळे तो चर्चेत आला आणि RCB ने त्याला पुढील हंगामासाठी कायम ठेवला.
𝘾𝙃𝘼𝙈𝙋𝙄𝙊𝙉𝙎! 🏆@RCBTweets Captain Rajat Patidar collects the prestigious #TATAIPL Trophy from Mr. Jay Shah, Chairman, ICC and Mr. Roger Binny, President, BCCI 🏆 👏👏#RCBvPBKS | #Final | #TheLastMile | @JayShah | @ICC pic.twitter.com/UnhFg3QcW5
— IndianPremierLeague (@IPL) June 3, 2025
आरसीबीसाठी पुढे ढकलले लग्न...
रजत पाटीदारचे वडील मनोहर पाटीदार यांनी 2022 मध्ये एका मुलाखतीत सांगितले होते की, "त्याचे लग्न 9 मे रोजी होणार होते. हा एक छोटासा कार्यक्रम होता. मी इंदूरमधील एका हॉटेलमध्ये कमी पाहुण्यांसाठी बुकिंग केलं होतं. लग्न मोठ्या थाटामाटात नव्हतं करायचं, म्हणून आम्ही आमंत्रण पत्रिकाही छापल्या नव्हत्या.मात्र अचानक पाटीदारला RCB संघातून खेळायची संधी मिळाली. या फोन कॉलमुळे संपूर्ण नियोजन बदललं."
2025 च्या आयपीएल हंगामात रजत पाटीदारने आरसीबीचे नेतृत्व केले. त्याच्या नेतृत्वाखाली RCB ने पहिल्यांदाच IPL ट्रॉफी जिंकली, आणि 18 वर्षांची प्रतीक्षा संपवली. त्याच्या संयमित नेतृत्वशैलीमुळे संघाला हे यश मिळालं.
हे ही वाचा -
महत्त्वाच्या बातम्या
