Pakistan Super League 2025 : पाकिस्तानची पुन्हा नाचक्की! परदेश खेळाडू पुन्हा PSL खेळण्यास नाहीत तयार, थेट दिला नकार
ज्याप्रमाणे इंडियन प्रीमियर लीग (IPL 2025) भारतात आयोजित केली जाते, त्याचप्रमाणे पाकिस्तान सुपर लीग (PSL) पाकिस्तानमध्ये आयोजित केली जाते.
Pakistan Super League 2025 : ज्याप्रमाणे इंडियन प्रीमियर लीग (IPL 2025) भारतात आयोजित केली जाते, त्याचप्रमाणे पाकिस्तान सुपर लीग (PSL) पाकिस्तानमध्ये आयोजित केली जाते. भारत आणि पाकिस्तानमधील तणावामुळे दोन्ही स्पर्धा काही काळासाठी रद्द करण्यात आल्या होत्या. पीएसएल रद्द केल्यानंतर पाकिस्तानने ते यूएईमध्ये आयोजित करण्याचा निर्णय घेतला होता. परंतु या मुस्लिम देशाच्या सरकारने पाकिस्तानला त्यांच्या देशात स्पर्धा आयोजित करण्यास परवानगी देण्यास नकार दिला.
पाकिस्तानकडे खेळाडूंची कमतरता....
पीएसएलमुळे पाकिस्तानची पुन्हा एकदा नाचक्की झाली आहे. भारत आणि पाकिस्तानमधील तणावामुळे खेळाडूंना पुन्हा पाकिस्तानात येण्याची इच्छा अजिबात नाही. पाकिस्तान क्रिकेट बोर्ड खेळाडूंना विनंती करत आहे, पण काही खेळाडूंनी पाकिस्तानात परत न जाण्याचा निर्णय घेतला आहे. यामुळे पीएसएल संघ मुलतान सुल्तान्स वगळता सर्व संघ फ्रँचायझींना मोठा धक्का बसला आहे.
17 मे 2025 पासून पीएसएल पुन्हा सुरू होणार आहे. कराची, लाहोर, इस्लामाबाद, क्वेटा आणि पेशावर येथील संघ प्लेऑफच्या शर्यतीत आहेत. जर या संघांना परदेशी खेळाडू मिळाले नाहीत, तर स्पर्धेत एक मिनी ड्राफ्ट होण्याची शक्यता आहे, ज्यामध्ये पाकिस्तानमधील उर्वरित खेळाडूंना पीएसएलमध्ये खेळवता येईल. दरम्यान, कराची किंग्जचा कर्णधार आणि ऑस्ट्रेलियन खेळाडू डेव्हिड वॉर्नर पाकिस्तानात परतण्यास सज्ज आहे.
PSL to resume on May 17, 2025🇵🇰
— Sheikh Abdullah 🇵🇰 (@Abdullahxpct56) May 14, 2025
IPL to resume on May 17, 2025🇮🇳
Every masterpiece has its cheap copy. 😂 pic.twitter.com/duYY47DDSQ
पाकिस्तानमधील रावळपिंडी स्टेडियमजवळ ड्रोन हल्ला झाला, त्यानंतर पाकिस्तान सुपर लीग रद्द करण्यात आली. यानंतर, पीएसएल खेळण्यासाठी आलेले अनेक परदेशी खेळाडू त्यांच्या देशात परतले, आता पाकिस्तानमधील परिस्थिती पाहून ते परत येण्यास नकार देत आहेत.
पीएसएल पॉइंट्स टेबलमध्ये क्वेटा ग्लॅडिएटर्स अव्वल स्थानावर आहे. ग्लॅडिएटर्सने 9 पैकी 6 सामने जिंकले आहेत, 2 सामने गमावले आहेत तर एक अनिर्णीत राहिला आहे. क्वेटा ग्लॅडिएटर्सने प्लेऑफसाठी पात्रता मिळवली आहे. कराची किंग्ज 10 गुणांसह पॉइंट टेबलवर दुसऱ्या स्थानावर आहे, त्यांनी 8 पैकी 5 सामने जिंकले आहेत.
हे ही वाचा -
महत्त्वाच्या बातम्या
