Nita Ambani-Preity Zinta Income From IPL: जिंको की हरो..पैसा फिक्स! नीता अंबानी-प्रीती झिंटा आयपीएलच्या एका सामन्यातून किती रुपये कमावतात?
Nita Ambani-Preity Zinta Income From IPL: आयपीएलमधील विविध संघाचे मालक लिलावात खेळाडूंना खरेदी करण्यासाठी कोट्यवधी रुपये खर्च करतात.
Nita Ambani-Preity Zinta Income From IPL: श्रेयस अय्यरच्या (Shreyas Iyer) पंजाब किंग्सनं (Punjab Kings) यंदाच्या आयपीएल प्लेऑफ्समधला दुसरा क्वालिफायर सामना जिंकून स्पर्धेच्या अंतिम फेरीत धडक मारली. अहमदाबादच्या मैदानात पंजाबनं माजी विजेत्या मुंबई इंडियन्सचा (Mumbai Indians) 5 विकेट्सनी पराभव केला. या विजयासह पंजाबनं 2014 नंतर पुन्हा एकदा स्पर्धेची फायनल गाठली आहे. या सामन्यात मुंबई पंजाबसमोर विजयासाठी 204 धावांचं मोठं लक्ष्य उभं केलं होतं. पण श्रेयस अय्यरच्या वादळी खेळीच्या जोरावर पंजाबनं हे आव्हान सहा चेंडू राखून पार केलं. कर्णधार श्रेयस अय्यरने 87 धावांची नाबाद खेळी केली आणि पंजाबच्या विजयात मोठी भूमिका बजावली. आता 3 जून रोजी पंजाब किंग्स आणि रॉयल चॅलेंजर्स बंगळुरु यांच्यात अंतिम सामना होईल. पंजाब किंग्सचा संघ आयपीएलच्या इतिहासात दुसऱ्यांदा अंतिम सामन्यात पोहचला आहे.
What it means to reach the 𝗙𝗜𝗡𝗔𝗟! ❤️
— IndianPremierLeague (@IPL) June 1, 2025
𝙍𝘼𝙒 𝙀𝙢𝙤𝙩𝙞𝙤𝙣𝙨 from the #PBKS camp after a magnificent win in Ahmedabad 🤩#TATAIPL | #PBKSvMI | #Qualifier2 | #TheLastMile | @PunjabKingsIPL pic.twitter.com/p0gXuPZLQL
सामन्यातील तिकिट विक्रीतून मिळणारे 80 टक्के उत्पन्न संघ मालकांच्या खात्यात-
आयपीएलमधील विविध संघाचे मालक लिलावात खेळाडूंना खरेदी करण्यासाठी कोट्यवधी रुपये खर्च करतात. आयपीएलच्या या स्पर्धेत नवीन खेळाडूंना त्यांचा खेळ दाखवण्याची संधी मिळते. त्याचवेळी, खेळाडू लिलावात कोट्यवधी रुपये कमावतात. खेळाडूंप्रमाणे फ्रँचायझीचे मालक देखील खूप कमावतात. मीडिया रिपोर्ट्सनुसार, सामन्यातील तिकिट विक्रीतून मिळणारे 80 टक्के उत्पन्न संघ मालकांच्या खात्यात जाते. सर्व संघांच्या जर्सीवर अनेक ब्रँडची नावे देखील छापलेली असतात, फ्रँचायझी मालकांना या प्रायोजकत्वाचे पैसे देखील मिळतात. याशिवाय, मीडिया हक्कांचा मोठा भाग देखील संघ मालकांच्या खात्यात जातो.
आयपीएलमधून मिळते मोठी रक्कम-
मुंबई-पंजाब यांच्यातील क्वालिफायर-2 अहमदाबादमधील नरेंद्र मोदी स्टेडियमवर खेळवण्यात आला. हा सामना मैदानात एकाच वेळी 1 लाख 35 हजार लोक पाहू शकतात. दुसरीकडे, आयपीएल सामन्याचे तिकीट मैदानाच्या जागेनुसार 3000 ते 30,000 रुपयांपर्यंत असते. जरी तिकिटांची किंमत 3000 रुपये ठेवली तरी एक लाख लोक आले तरी 30 कोटी रुपयांची तिकिटे विकली जातात. सर्व स्टेडियममध्ये बसण्याची क्षमता आणि तिकिटांची किंमत वेगवेगळी असते. परंतु यावरून एक गोष्ट स्पष्ट होते की कोट्यवधी रुपये गुंतवणारी फ्रँचायझी देखील मोठा नफा कमावते. त्यामुळे सामन्यात विजय असो की पराभव नीता अंबानी-प्रीटी झिंटा यांच्यासह आयपीएलमधील इतर संघाचे मालक कोट्यवधींची कमाई करतात.
संबंधित बातमी:
महत्त्वाच्या बातम्या
