MI vs SRH Score IPL 2025 : विल जॅक्सचा धमाका! मुंबई इंडियन्सने सनरायझर्स हैदराबादचा चार विकेट्सने केला पराभव

आयपीएल 2025 मध्ये हार्दिक पांड्याच्या मुंबई इंडियन्स आणि पॅट कमिन्सच्या सनरायझर्स हैदराबाद यांच्यात एमआयच्या होम ग्राउंड वानखेडे स्टेडियमवर सामना रंगला आहे.

पार्श्वभूमी

Mumbai Indians vs Sunrisers Hyderabad Live Updates IPL 2025 : आयपीएल 2025 मध्ये हार्दिक पांड्याच्या मुंबई इंडियन्स आणि पॅट कमिन्सच्या सनरायझर्स हैदराबाद यांच्यात एमआयच्या होम ग्राउंड वानखेडे स्टेडियमवर सामना रंगला आहे. दोन्ही संघांसाठी हा हंगाम आतापर्यंत तरी चांगला राहिला नाही. पण, दोन्ही संघांना पुनरागमन करण्याची अजूनही संधी आहे. आयपीएल 2025 मध्ये आतापर्यंत सनरायझर्स हैदराबाद संघाने सहा सामने खेळले आहेत. ज्यामध्ये त्यांना चार सामन्यांमध्ये पराभवाचा सामना करावा लागला आहे. हैदराबाद संघ पॉइंट टेबलमध्ये नवव्या क्रमांकावर आहे, म्हणजेच तळापासून दुसऱ्या क्रमांकावर आहे. एमआयबद्दल बोलायचे झाले तर ते पॉइंट्स टेबलमध्ये सातव्या स्थानावर आहे. हार्दिक पांड्याच्या संघाला सहा पैकी फक्त दोन सामने जिंकता आले आहेत.

17/04/2025 23:23:52

विल जॅक्सचा धमाका! मुंबई इंडियन्सने सनरायझर्स हैदराबादचा चार विकेट्सने केला पराभव

आयपीएल 2025 च्या 33 व्या सामन्यात मुंबई इंडियन्सने सनरायझर्स हैदराबादचा 4 गडी राखून पराभव केला. प्रथम फलंदाजी करताना एसआरएचने 20 षटकांत 5 बाद 162 धावा केल्या. प्रत्युत्तरात, एमआयने 16 व्या षटकात 6 विकेट गमावून सामना जिंकला. एमआयकडून रायन रिकेल्टनने 31, रोहित शर्माने 26, विल जॅक्सने 36, सूर्यकुमार यादवने 26 आणि कर्णधार हार्दिक पंड्याने 21 धावा केल्या. तिलक वर्मा 17 धावांवर नाबाद परतला. हैदराबादकडून पॅट कमिन्सने 4 षटकांत 26 धावा देत 3 बळी घेतले. मुंबई इंडियन्सचा हा सात सामन्यांतील तिसरा विजय आहे. हैदराबादचा हा पाचवा पराभव आहे.

17/04/2025 21:54:19

वानखेडेवर फुल टॉस बॉलवर आऊट झाला रोहित शर्मा, मुंबईला पहिला धक्का! ठोकल्या इतक्या धावा

वेगवान गोलंदाज पॅट कमिन्सने रोहित शर्माला आऊट करून मुंबई इंडियन्सला पहिला धक्का दिला आहे. त्याआधी रोहित शर्माने मोहम्मद शमीला दोन षटकार मारले होते. रोहित शर्मा 16 चेंडूत 3 षटकारांसह 26 धावा करून आऊट झाला.

17/04/2025 21:24:41

वानखेडेवर मुंबईने सनरायझर्स हैदराबादला 162 धावांवर रोखले, शेवटच्या षटकात पांड्या ठोकल्या इतक्या धावा

शेवटच्या षटकात अनिकेत वर्माच्या शानदार फलंदाजीमुळे सनरायझर्स हैदराबादने मुंबई इंडियन्ससमोर 163 धावांचे लक्ष्य ठेवले. या सामन्यात मुंबई इंडियन्सने नाणेफेक जिंकून गोलंदाजीचा निर्णय घेतला. हैदराबादची फलंदाजी मंद होती, पण अनिकेतने 20व्या षटकात हार्दिक पांड्याच्या षटकात 22 धावा ठोकल्या, ज्यामुळे सनरायझर्स हैदराबादला 20 षटकांत पाच गडी गमावून 162 धावा करता आल्या. हैदराबादकडून सलामीवीर अभिषेक शर्माने 28 चेंडूत सात चौकारांसह 40 धावांची सर्वाधिक धावसंख्या उभारली.

17/04/2025 21:06:49

नितीश रेड्डी आऊट

ट्रेंट बोल्टने नितीश रेड्डीला आऊट करून सनरायझर्स हैदराबादला चौथा धक्का दिला आहे. नितीश 21 चेंडूत 19 धावा करून आऊट झाला.

17/04/2025 21:00:05

विल जॅक्सची फिरकी फसला ट्रॅव्हिस हेड, सनरायझर्स हैदराबादला मोठा धक्का

हैदराबादला तिसरा धक्का, हेडला 29 चेंडूत फक्त 28 धावा करता आल्या.  

17/04/2025 20:26:15

इशान किशन OUT! सनरायझर्स हैदराबादला दुसरा धक्का

विल जॅक्सने इशान किशनला बाद करून सनरायझर्स हैदराबादला दुसरा धक्का दिला आहे. इशान दोन धावा काढून बाद झाला. पण, ट्रॅव्हिस हेड अजूनही क्रीजवर आहे. 

17/04/2025 20:15:12

हार्दिक पांड्याने हैदराबाद दिला पहिला धक्का! 28 चेंडूत इतक्या धावा करून अभिषेक शर्मा OUT

हार्दिक पांड्याने अभिषेक शर्माला आऊट करून सनरायझर्स हैदराबादला पहिला धक्का दिला आहे. अभिषेकने ट्रॅव्हिस हेडसह संघाला चांगली सुरुवात दिली आणि दोन्ही फलंदाजांनी पहिल्या विकेटसाठी 59 धावांची भागीदारी केली. 

17/04/2025 20:11:00

अभिषेक शर्मा आणि ट्रॅव्हिस हेडची चांगली सुरुवात, पॉवरप्लेनंतर हैदराबादने किती केल्या धावा?

अभिषेक शर्मा आणि ट्रॅव्हिस हेड यांनी संघाला चांगली सुरुवात दिली आहे. पॉवरप्लेच्या शेवटी सनरायझर्स हैदराबादने बिनबाद 45 धावा केल्या आहेत.

17/04/2025 19:11:34

सनरायझर्स हैदराबाद संघांची प्लेइंग-11 :

ट्रॅव्हिस हेड, अभिषेक शर्मा, हेनरिक क्लासेन, इशान किशन, नितीश कुमार रेड्डी, अनिकेत वर्मा, पॅट कमिन्स, हर्षल पटेल, जीशान अन्सारी, मोहम्मद शमी, ईशान मलिंगा.

17/04/2025 19:11:12

मुंबई इंडियन्स संघांची प्लेइंग-11 :

रायन रिक्लेटन, विल जॅक्स, सूर्यकुमार यादव, तिलक वर्मा, हार्दिक पांड्या, नमन धीर, मिचेल सँटनर, दीपक चहर, ट्रेंट बोल्ट, जसप्रीत बुमराह, करण शर्मा.

17/04/2025 19:05:27

हार्दिक पांड्याने नाणेफेक जिंकली...

मुंबई इंडियन्सचा कर्णधार हार्दिक पांड्याने सनरायझर्स हैदराबादविरुद्ध नाणेफेक जिंकून प्रथम गोलंदाजी करण्याचा निर्णय घेतला आहे.

17/04/2025 18:13:02

पिच रिपोर्ट

मुंबईतील वानखेडे मैदानावर फलंदाज जोमात दिसतात. येथे अनेक वेळा मोठ्या धावसंख्येचा पाठलागही झाला आहे. दोन्ही संघांच्या फलंदाजीकडे पाहता आजचा सामना हा एक हाय व्होल्टेज असेल असे म्हणणे चुकीचे ठरणार नाही. नाणेफेक जिंकणारा संघ प्रथम गोलंदाजी करण्याचा निर्णय घेऊ शकतो.

17/04/2025 18:12:42

मुंबई इंडियन्स आणि सनरायझर्स हैदराबादमध्ये कोण वरचढ?

आकडेवारीनुसार मुंबई इंडियन्स वरचढ आहे. मुंबईने हैदराबादविरुद्ध आयपीएलमध्ये 13 सामने जिंकले आहेत. तर एसआरएचने फक्त 10 वेळा मुंबईला हरवले आहे. वानखेडेवर एमआय एसआरएचविरुद्ध 6-2 ने आघाडीवर आहे.