MI vs CSK IPL 2025 : रोहित-सूर्या दादाचं वादळ! मुंबईचा मोठा विजय, CSKचा पराभव

MI vs CSK Live Updates IPL 2025 : आज मुंबई इंडियन्स आणि चेन्नई सुपर किंग्ज यांच्यात वानखेडे स्टेडियमवर सामना खेळला जात आहे.

पार्श्वभूमी

Mumbai Indians vs Chennai Super Kings Live Updates : आयपीएलचा अठरावा हंगाम प्रत्येक सामन्यासोबत अधिक रोमांचक होत आहे. आज मुंबई इंडियन्स आणि चेन्नई सुपर किंग्ज यांच्यात वानखेडे स्टेडियमवर सामना खेळला जात आहे. दोन्ही संघ स्पर्धेत संघर्ष करत आहेत. आतापर्यंत खेळलेल्या सात सामन्यांपैकी तीन जिंकून आणि चार गमावल्यानंतर मुंबई इंडियन्स संघ सातव्या स्थानावर आहे. त्याच्या खात्यात 6 गुण आहेत. मुंबई इंडियन्स संघाने आतापर्यंत हैदराबाद, दिल्ली आणि केकेआरला पराभूत करण्यात यश मिळवले आहे. तर, यापूर्वी खेळलेल्या सामन्यांमध्ये त्यांना आरसीबी, लखनौ, गुजरात आणि चेन्नईविरुद्ध पराभव पत्करावा लागला आहे. चेन्नई सुपर किंग्जचा संघ पॉइंट्स टेबलमध्ये दहाव्या स्थानावर आहे. चेन्नई सुपर किंग्जने आतापर्यंत खेळलेल्या 7 सामन्यांपैकी 2 सामने जिंकले आहेत आणि 5 सामने गमावले आहेत. त्याच्या खात्यात 4 गुण आहेत. चेन्नई सुपर किंग्ज संघाला आतापर्यंत फक्त लखनऊ आणि मुंबईविरुद्ध विजय मिळवता आला आहे. तर, कोलकाता, पंजाब, दिल्ली, राजस्थान आणि आरसीबी विरुद्ध त्यांना पराभव पत्करावा लागला. 

20/04/2025 22:55:56

MI vs CSK IPL 2025 : रोहित-सूर्या दादाचं वादळ! मुंबईचा मोठा विजय, CSKचा पराभव

सूर्यकुमार यादव आणि रोहित शर्मा यांच्यातील शानदार भागीदारीमुळे मुंबई इंडियन्सने चेन्नई सुपर किंग्जला नऊ विकेट्सने पराभूत केले. प्रथम फलंदाजी करताना चेन्नईने 20 षटकांत 5 बाद 176 धावा केल्या, परंतु रोहित आणि सूर्यकुमार यांनी दुसऱ्या विकेटसाठी शतकी भागीदारी केली आणि 15.4 षटकांत 1 बाद 177 धावा करून मुंबईला सामना जिंकण्यास मदत केली. रोहितने 45 चेंडूत चार चौकार आणि सहा षटकारांसह नाबाद 76 धावा केल्या, तर सूर्यकुमार यादवने 30 चेंडूत सहा चौकार आणि पाच षटकारांसह नाबाद 68 धावा केल्या.

20/04/2025 22:25:57

रोहित शर्माने ठोकले 33 चेंडूत अर्धशतक

रोहित शर्माने 33 चेंडूत अर्धशतक ठोकले. ज्यामुळे मुंबईचा धावसंख्या 110 च्या पुढे गेली आहे. रोहितला साथ देत आहे सूर्यकुमार यादव.

20/04/2025 22:07:10

जडेजाने केली मोठी शिकार, चेन्नईने मुंबई इंडियन्सला दिला मोठा धक्का

मुंबई इंडियन्सना रायन रिकलटनच्या रूपाने पहिला धक्का बसला आहे. रिकलटन 19 चेंडूत तीन चौकार आणि एका षटकाराच्या मदतीने 24 धावा करून आऊट झाला. त्याने रोहित शर्मासोबत पहिल्या विकेटसाठी 63 धावांची भागीदारी केली.  

20/04/2025 21:20:10

सीएसकेने मुंबई इंडियन्ससमोर ठेवले 177 धावांचे लक्ष्य

रवींद्र जडेजा आणि शिवम दुबे यांच्या अर्धशतकांच्या मदतीने चेन्नई सुपर किंग्जने मुंबई इंडियन्ससमोर 177 धावांचे लक्ष्य ठेवले आहे. या सामन्यात मुंबईने नाणेफेक जिंकून प्रथम गोलंदाजी करण्याचा निर्णय घेतला. सीएसकेने 20 षटकांत पाच गडी गमावून 176 धावा केल्या. जडेजाने 35 चेंडूत चार चौकार आणि दोन षटकारांसह 53 धावा करून नाबाद राहिला. मुंबईकडून जसप्रीत बुमराहने दोन, तर दीपक चहर, अश्विनी कुमार आणि मिशेल सँटनर यांनी प्रत्येकी एक विकेट घेतली.

20/04/2025 21:18:06

जसप्रीत बुमराहने दिला मोठा धक्का! एमएस धोनी OUT

चेन्नई सुपर किंग्जला मोठा धक्का बसला आहे. 6 चेंडूत 4 धावा करून एमएस धोनी आऊट झाला. ही विकेट जसप्रीत बुमराहने घेतली आहे.

 

 

20/04/2025 21:15:30

जसप्रीत बुमराहने चेन्नईला दिला चौथा धक्का

17व्या षटकात जसप्रीत बुमराहने चेन्नईला चौथा धक्का दिला. शिवम दुबे 32 चेंडूत 50 धावा करून आऊट झाला.

20/04/2025 21:14:32

शिवम दुबेने ठोकले अर्धशतक

अश्विनी कुमारने 16वे षटक टाकले. या षटकात 24 धावा झाल्या. 16 षटकांनंतर चेन्नई सुपर किंग्जची धावसंख्या 142/3 आहे. शिवम दुबेने 30 चेंडूत अर्धशतक पूर्ण केले. त्याने दोन चौकार आणि चार षटकार मारले.

20/04/2025 20:10:10

आयुष म्हात्रे OUT

आयुष म्हात्रेला बाद करून दीपक चहरने सीएसकेला दुसरा धक्का दिला आहे. आयुषचा हा पहिलाच आयपीएल सामना आहे आणि तो 15 चेंडूत चार चौकार आणि दोन षटकारांसह 32 धावा करून आऊट झाला.

20/04/2025 19:56:56

17 वर्षीय आयुष म्हात्रेने मुंबईच्या गोलंदाजांना धू-धू धुलाई

अश्विनी कुमारने चौथ्या षटकाच्या पहिल्या चेंडूवर एक विकेट घेतली, पण त्यानंतरच्या पाच चेंडूंमध्ये 17 धावा आल्या. 17 वर्षीय आयुष म्हात्रेने एक चौकार आणि दोन षटकार मारले. 4 षटकांनंतर, चेन्नईचा स्कोअर एका विकेटच्या मोबदल्यात 34 धावा आहे.

20/04/2025 19:53:46

सीएसकेला पहिला धक्का

अश्विनी कुमारने रचिन रवींद्रला आऊट करून सीएसकेला पहिला धक्का दिला आहे. नऊ चेंडूत पाच धावा काढून रचिन आऊट झाला.

20/04/2025 19:04:42

आयपीएलचा एल क्लासिको... मुंबई इंडियन्सने सीएसके विरुद्ध जिंकली नाणेफेक

चेन्नई सुपर किंग्ज (CSK) विरुद्धच्या सामन्यात मुंबई इंडियन्सचा कर्णधार हार्दिक पांड्याने नाणेफेक जिंकून प्रथम गोलंदाजी करण्याचा निर्णय घेतला आहे. या सामन्यासाठी मुंबईने प्लेइंग-11 मध्ये कोणताही बदल केलेला नाही.

20/04/2025 17:36:33

मुंबई-चेन्नई सामन्यात कशी असणार वानखेडे स्टेडियमची खेळपट्टी?

या हंगामात वानखेडेच्या खेळपट्टीवर फिरकी गोलंदाजांना खूप मदत मिळत आहे. स्लो बॉल आणि कटरमुळे फलंदाजांना अडचणी येत आहेत. खेळपट्टीवर उसळीही कमी आहे. अशा परिस्थितीत 160 धावांचा आकडाही सुरक्षित असू शकतो. मुंबईतील हवामान उष्ण आणि दमट राहण्याची अपेक्षा आहे.  

20/04/2025 17:35:35

मुंबई इंडियन्स आणि सीएसके हेड टू हेड

मुंबई इंडियन्स आणि सीएसके यांच्यात आतापर्यंत 38 सामने खेळले गेले आहेत. मुंबईने 20 सामने जिंकले आहेत आणि सीएसकेने 18 सामने जिंकले आहेत. दोन्ही संघ आयपीएलमधील सर्वात यशस्वी संघांपैकी एक आहेत. मुंबई इंडियन्स आणि सीएसके यांनी सर्वाधिक वेळा म्हणजे प्रत्येकी 5 वेळा आयपीएलचे विजेतेपद जिंकले आहे.