IPL Final Venue : आयपीएलच्या प्ले ऑफ आणि फायनल मॅचची ठिकाणं ठरली, नरेंद्र मोदी स्टेडियमवर 31 मे रोजी फायनल, बीसीसीआयची मोठी घोषणा
IPL 2026 Playoffs Date And Venue: बीसीसीआयनं आयपीएल 2026 च्या प्लेऑफ मॅचेस आणि अंतिम सामन्याच्या तारखा जाहीर केल्या आहेत.
IPL 2026 Playoffs Date And Venue नवी दिल्ली : बीसीसीआयनं आयपीएलच्या 19 व्या हंगामातील प्लेऑफ मॅचेस आणि अंतिम सामन्याचं ठिकाण निश्चित केलं आहे. प्लेऑफ सामन्यांची ठिकाणं, तारखांची घोषणा बीसीसीआयनं केली आहे. हे सामने अहमदाबाद, न्यू चंदीगड आणि धर्मशाला या ठिकाणी हे सामने होणार आहेत. सलग दुसऱ्यांदा आयपीएलची फायनल अहमदाबादच्या नरेंद्र मोदी स्टेडियमवर होणार आहे.
IPL Final आयपीएल फायनल अहमदाबादमध्ये
आयपीएलमधील पंरपरेनुसार या हंगामातील अंतिम सामना रॉयल चॅलेंजर्स बंगळुरुच्या होमग्राऊंडवर म्हणजेच एम. चिन्नास्वामी स्टेडियमवर होणं अपेक्षित होतं. मात्र, आरसीबीनं गेल्या वर्षी विजेतेपद मिळवल्यानंतर बंगळुरुत झालेल्या रोड शोनंतर चेंगराचेंगरी झाली होती, त्यात काही जणांचा मृत्यू झाला होता. या पार्श्वभूमीवर बीसीसीआयनं पुन्हा एकदा अंतिम सामना अहमदाबादच्या नरेंद्र मोदी स्टेडियवर ठेवण्याचा निर्णय घेतला आहे. अहमदाबादमध्ये यापूर्वी 2023, 2022 आणि 2025 मध्ये आयपीएल फायनल खेळवण्यात आली आहे.
धर्मशाळामध्ये पहिल्यांदा प्लेऑफची मॅच
बीसीसीआयनं एक प्रसिद्धीपत्रक जारी केली आहे. आयपीएल फायनलचं आयोजन बंगळुरुमध्ये होणार होती, ते ठिकाण पहिल्यांदा निश्चित करण्यात आलं होतं. मात्र, स्थानिक संघ आणि अधिकाऱ्यांच्या काही मागण्यांमुळं आणि बीसीसीआयनं निश्चित केलेल्या निर्देशाच्या बाहेर जाऊ शकत नसल्यानं अंतिम सामन्याचं ठिकाण बदल आहोत, असं म्हटलं. लॉजिस्टिक्स संदर्भातील कारणांमुळं प्लेऑफचे सामने तीन ठिकाणांवर खेळवले जाणार असल्याचं बीसीसीआयनं सांगितलं.
बीसीसीआयच्या निर्णयानुसार क्वालिफायर-1 चा सामना धर्मशालाच्या एचपीसीए स्टेडियमवर खेळवला जाणार आहे. क्वालिफायर 1 चा सामना गुणतालिकेत अनुक्रमे 1 आणि 2 स्थानावर असणाऱ्या संघात होईल. हा सामना जिंकणारा संघ थेट अंतिम सामन्यात प्रवेश करेल. यानंतर न्यू चंदीगडमध्ये एलिमिनेटरचा सामना होईल. हा सामना गुणतालिकेत तिसऱ्या आणि चौथ्या स्थानावर असलेल्या संघात होईल. एलिमिनेटरचा सामना 27 मे रोजी होईल. या सामन्यात विजयी झालेला संघ क्वालिफायर -1 मध्ये पराभूत झालेल्या संघासोबत क्वालिफायर-2 मध्ये खेळेल. क्वालिफायर-2 चा सामना न्यू चंदीगडमध्ये होईल. हा सामना 29 मे रोजी होईल.
दरम्यान, हिमाचल प्रदेशातील धर्मशाळामध्ये पहिल्यांदा आयपीएलचा प्लेऑफचा सामना होईल. बीसीसीआयच्या प्रसिद्धीपत्रकानुसार अंतिम सामना 31 मे रोजी अहमदाबादमध्ये नरेंद्र मोदी स्टेडियमवर होणार आहे.
आयपीएल प्लेऑफ वेळापत्रक
क्वालिफायर-1 : 26 मे - एचपीसीए स्टेडियम, धर्मशाला
एलिमिनेटर- : 27 मे - न्यू इंटरनॅशनल क्रिकेट स्टेडियम, न्यू चंडीगड
क्वालीफायर-2 : 29 मे - न्यू इंटरनॅशनल क्रिकेट स्टेडियम, न्यू चंडीगड
फाइनल - : 31 मे- नरेंद्र मोदी स्टेडियम, अहमदाबाद.
महत्त्वाच्या बातम्या
