IPL 2025 SRH vs RR : 34 चौकार, 12 गगनचुंबी षटकार अन् 286 धावा! आधी ट्रॅव्हिस हेडने चोपलं, मग इशान किशनने ठोकलं, राजस्थान रॉयल्ससमोर तगडं आव्हान
इशान किशनच्या झंझावाती शतक आणि ट्रॅव्हिस हेडच्या धमाकेदार अर्धशतकाच्या जोरावर सनरायझर्स हैदराबादने आयपीएल 2025 च्या पहिल्याच सामन्यात 287 धावा केल्या.
Sunrisers Hyderabad vs Rajasthan Royals, 2nd Match : इशान किशनच्या झंझावाती शतक आणि ट्रॅव्हिस हेडच्या धमाकेदार अर्धशतकाच्या जोरावर सनरायझर्स हैदराबादने आयपीएल 2025 च्या पहिल्याच सामन्यात 287 धावा केल्या. या हंगामातही सनरायझर्स हैदराबाद गेल्या वर्षीसारखी खेळत आहे. राजस्थान रॉयल्सविरुद्धच्या पहिल्याच षटकापासून हैदराबादच्या फलंदाजांनी त्यांचे इरादे स्पष्ट केले. या हंगामात शतक करणारा इशान किशन हा पहिला फलंदाज आहे. तर ट्रॅव्हिस हेडने 31चेंडूत 67 धावा केल्या.
𝙄.𝘾.𝙔.𝙈.𝙄 🔥
— IndianPremierLeague (@IPL) March 23, 2025
Ishan Kishan dealt in sixes on his way to a magnificent maiden #TATAIPL 💯 😮 👊
Updates ▶ https://t.co/ltVZAvHPP8#SRHvRR | @SunRisers | @ishankishan51 pic.twitter.com/9PjtQK231J
इशान किशनचे तुफानी शतक
आयपीएल 2025 मध्ये इशान किशनने 45 चेंडूत आपले शतक पूर्ण केले. तो 47 चेंडूत 106 धावा करून नाबाद परतला. त्याने सनरायझर्स हैदराबादकडून पदार्पणाच्या सामन्यात शतक झळकावले. इशानच्या बॅटने 11 चौकार आणि 6 षटकार मारले. सनरायझर्स हैदराबादने पॉवरप्लेमध्ये म्हणजेच पहिल्या 6 षटकांत 94 धावा केल्या होत्या. पण, हैदराबाद संघ आयपीएलच्या इतिहासातील सर्वोच्च धावसंख्या फक्त दोन धावांनी हुकला. बरं, हा विक्रमही हैदराबादच्या नावावर आहे. सनरायझर्स हैदराबादच्या फलंदाजांनी या सामन्यात एकूण 34 चौकार आणि 12 षटकार मारले.
Innings Break!@SunRisers register the second-highest total in #TATAIPL history putting up 286/6 on the board 😮🔥
— IndianPremierLeague (@IPL) March 23, 2025
Can #RR chase it down? 🤔#SRHvRR pic.twitter.com/WY8kN1EDEk
सनरायझर्स हैदराबादच्या सर्व फलंदाजांनी आक्रमक सुरुवात केली. अभिषेक शर्माने 11 चेंडूत 5 चौकारांसह 24 धावा केल्या. ट्रॅव्हिस हेडने 31 चेंडूत 67 धावा केल्या. त्याच्या बॅटमधून 9 चौकार आणि 3 षटकार लागले. नितीश कुमार रेड्डी याने 15 चेंडूत 30 धावा केल्या. त्याने 4 चौकार आणि 1 षटकार मारला. हेनरिक क्लासेनने 14 चेंडूत 34 धावांची खेळी केली. क्लासेनने 5 चौकार आणि 1 षटकार मारला. सनरायझर्स हैदराबादने त्याच्या डावात एकूण 12 षटकार मारले. एसआरएच संघाने एकूण 34 चौकार मारले. ज्यामुळे त्याचे 287 धावा झाल्या.
जोफ्रा आर्चरचा आयपीएलमध्ये लाजिरवाणा विक्रम
जोफ्रा आर्चरचा आयपीएलमध्ये एक लाजिरवाणा विक्रम आहे. आर्चरने चार षटकांत 76 धावा दिल्या आणि एकही विकेट घेतली नाही. आता तो आयपीएलच्या इतिहासातील सर्वात महागडा स्पेल टाकणारा गोलंदाज बनला आहे. संदीप शर्माने त्याच्या चार षटकांत 51 धावा दिल्या तर फिरकी गोलंदाज महेश दीक्षानाने त्याच्या चार षटकांत 52 धावा दिल्या. वेगवान गोलंदाज तुषार देशपांडेने चार षटकांत 44 धावा देत तीन विकेट्स घेतल्या.
महत्त्वाच्या बातम्या
