IPL 2025 Robot Dog : भारतातील आयपीएल आणि पाकिस्तानच्या पीएसएलमध्ये खूप फरक असला तरी, काही पाकिस्तानी चाहत्यांना हे वास्तव पचवता येत नाही. यावेळी जगभरातील क्रिकेट चाहते आयपीएल 2025 चा आनंद घेत आहे. पीएसएलचा 10 वा हंगामही पाकिस्तानमध्ये सुरू झाला आहे.
आयपीएल 2025 दरम्यान तुम्ही अनेक खेळाडूंना प्राण्यासोबत खेळताना पाहिले असेल.खरंतर, या मेगा इव्हेंटमध्ये एका नवीन सदस्याने प्रवेश केला आहे, ज्याचे नाव रोबोट डॉग आहे. बीसीसीआयचा हा 'डॉग' सोशल मीडियावर ट्रेंड करत आहे आणि चाहते त्याबद्दल खूप बोलत आहेत. अलीकडेच, आयपीएलने त्यांच्या अधिकृत एक्स हँडलवर एक व्हिडिओ शेअर केला आहे. ज्यामध्ये अक्षर पटेल, हार्दिक पांड्यासह अनेक खेळाडू या रोबोटिक डॉगसोबत खेळताना दिसत आहेत.
रोबोट डॉग मैदानावर काय करतो?
आयपीएल 2025 दरम्यान एक नवीन कॅमेरा वापरला जात आहे. बीसीसीआयने त्याला 'रोबोट डॉग' असे नाव दिले आहे. हा रोबोट डॉगवर कॅमेरे आणि सेन्सर बसवले आहेत. आम्ही तुम्हाला सांगतो की, हा रोबोट डॉग मैदानावर उडी मारू शकतो. तो चालू शकतो आणि रेकॉर्डिंगसाठी देखील वापरला जातो. रोबोट डॉगचे मुख्य काम म्हणजे टॉस दरम्यान कॅप्टनला टॉस देणे आहे.
रोबोट डॉगची किंमत किती?
सोशल मीडियावर एक व्हिडिओ व्हायरल झाला आहे, ज्यामध्ये चेन्नई सुपर किंग्जचा कर्णधार एमएस धोनी बीसीसीआयच्या रोबोट डॉगसोबत मस्ती करताना दिसला. तुम्हाला हे जाणून आश्चर्य वाटेल की बीसीसीआय वापरत असलेल्या रोबोटिक डॉगची किंमत बाजारात लाखोंमध्ये आहे. अहवालानुसार, रोबोट डॉगची किंमत 3 लाख ते 4.5 लाख रुपयांच्या दरम्यान असल्याचे सांगितले जात आहे.
पीएसएलमध्ये बक्षीस म्हणून दिले जात आहे हेअर ड्रायर
एकीकडे, बीसीसीआय आयपीएल 2025 मध्ये रोबोटिक 'प्राणी' वापरण्यासाठी लाखो रुपये खर्च करत आहे. दुसरीकडे, पाकिस्तान सुपर लीग 2025 मध्ये, खेळाडूंना बक्षीस म्हणून हेअर ड्रायर दिले जात आहेत. हो, हे अगदी खरे आहे. सोशल मीडियावर एक व्हिडिओ व्हायरल होत आहे, ज्यामध्ये इंग्लंडचा खेळाडू जेम्स विन्सला 'मॅन ऑफ द मॅच' पुरस्कार म्हणून हेअर ड्रायर देताना दिसत आहे. यानंतर, जगभरात पाकिस्तान आणि पीएसएलची खिल्ली उडवली गेली आणि चाहत्यांनी त्यांना प्रचंड ट्रोल केले.