IPL 2022, RCB vs RR: पुण्यातील एमसीएमध्ये राजस्थान आणि आरसीबी यांच्यात आयपीएलचा 40 वा सामना सुरु आहे. या सामन्यात प्रथम फलंदाजी करताना राजस्थानने निर्धारित 20 षटकांत आठ बाद 144 धावा केल्या. आरसीबीला विजयासाठी 145 धावांचे आव्हान मिळाले. राजस्थानने दिलेल्या आव्हानाचा पाठलाग करताना आरसीबीची सुरुवात निराशाजनक झाली. सलामीला आलेल्या विराट कोहलीला आपल्या लौकिकास साजेशी कामगिरी करता आली नाही. विराट कोहली पुन्हा स्वस्तात माघारी परतला.
राजस्थानविरोधात विराट कोहली फार्मात परतेल असा अंदाज होता. पण विराट कोहलीला दहाही धावा करता आल्या नाहीत. विराट कोहली दोन चौकारासह 9 धावा काढून बाद झाला. प्रसिद्ध कृष्णाने विराटला तंबूचा रस्ता दाखवला. बाद झाल्यानंतर विराट कोहली काही सेकंद खेळपट्टीवरच थांबला.. अन् नंतर तंबूत परतला. पण विराट कोहली बाद झाल्यानंतर सोशल मीडियावर मिम्सचा पाऊस पडला... काही नेटकऱ्यांनी कोहलीला ट्रोल करण्यास सुरुवात केली. तर काही जण विराट कोहलीला धीर देताना दिसले. पाहूयात कोण काय म्हणाले...