Gujrat Titans vs Punjab Kings : इंडियन प्रीमियर लीगमधील 18 वा सामना आज गुजरात टायटन्स (Gujrat Titans) आणि पंजाब किंग्स (Punjab Kings) यांच्यात रंगणार आहे. मोहालीतील पंजाब क्रिकेट असोसिएशन स्टेडिअमवर (Punjab Cricket Association Stadium, Mohali) 13 एप्रिल रोजी संध्याकाळी 7.30 वाजता (PBKS vs GT) हा सामना रंगणार आहे. पंजाबच्या घरच्या मैदानावर आज गुजरातची कसोटी पाहायला मिळणार आहे. दोन्ही संघाचा आयपीएल 2023 (IPL 2023) मधील कामगिरी चांगली आहे, त्यामुळे आज कोण जिंकणार (IPL 2023 Match 18) याकडे सर्वांच लक्ष लागलं आहे.
GT vs PBKS, Match 18 Preview : पंजाब विरुद्ध गुजरात
पंजाब किंग्स (PBKS) आणि गुजरात टायटन्स (GT) यांच्यात आज मोहाली येथे रणसंग्राम पाहायला मिळणार आहे. दोन्ही संघांचा आज चौथा सामना असेल. यंदाच्या मोसमात खेळलेल्या तीन सामन्यांमध्ये दोन्ही संघ दोन सामन्यांमध्ये विजयी ठरला असून एका सामन्यामध्ये त्यांना पराभवाचा सामना करावा लागला आहे. पंजाब संघाने कोलकाताला हरवत आयपीएल 2023 मध्ये विजयी सुरुवात केली होती. तर गुजरातनेही सलामी सामन्या चेन्नईचा पराभव केला होता.
GT vs PBKS Head to Head : कुणाचं पारड जड?
इंडियन प्रीमियर लीगमध्ये (Indian Premier League) गुजरात टायटन्स (Gujrat Titans) आणि पंजाब किंग्स (Punjab Kings)यांच्यात आतापर्यंत दोन सामने खेळवण्यात आले आहेत. यामध्ये दोन्ही संघांची स्थिती समान आहे. गुजरात टायटन्स आणि पंजाबने प्रत्येकी एक-एक सामने जिंकले आहेत. दोन्ही संघांची सर्वाधिक सरासरी धावसंख्या 180 आहे. त्यामुळे आजचा सामना रंजक ठरणार असून आज कोण बाजी मारणार याकडे सर्वांचं लक्ष लागलं आहे.
IPL 2023 : कधी आणि कुठे होणार सामना?
पंजाब किंग्स (PBKS) आणि गुजरात टायटन्स (GT) यांच्यात 13 एप्रिलला रणसंग्राम पाहायला मिळणार आहे. हा सामना मोहालीतील पंजाब क्रिकेट असोसिएशन स्टेडिअमवर संध्याकाळी 7.30 वाजता पार पडणार आहे. नाणेफेक संध्याकाळी 7.00 वाजता होईल.
IPL 2023 Live Streaming : लाईव्ह सामना कुठे पाहाल?
आयपीएल 2023 च्या सर्व सामन्यांचं लाइव्ह स्ट्रीमिंग (Live Streaming) 'जिओ सिनेमा' ॲपवर (Jio Cinema) उपलब्ध असेल. स्टार स्पोर्ट्स नेटवर्कच्या विविध वाहिन्यांवर या सामन्याचे थेट प्रक्षेपण (Live Streaming) केले जाईल. तसेच एबीपी माझाच्या वेबसाईटवरही तुम्हाला सामन्याचे वेळोवेळीचे अपडेट्स उपलब्ध असतील.
महत्त्वाच्या इतर बातम्या :