Gujarat Titans vs Lucknow Super Giants Live Updates : आज इंडियन प्रीमियर लीग 2025 मध्ये 64 व्या सामन्यात गुजरात टायटन्स संघ लखनौ सुपर जायंट्सशी भिडणार आहे. दोन्ही संघांमधील हा सामना अहमदाबादमधील नरेंद्र मोदी स्टेडियमवर रंगणार आहे. या सामन्यात शुभमन गिल गुजरात टायटन्सचे नेतृत्व करणार आहे. लखनौ सुपर जायंट्सची धुरा ऋषभ पंतच्या खांद्यावर आहे.

शुभमन गिलच्या नेतृत्वाखाली गुजरात प्लेऑफमध्ये पोहोचला आहे, तर ऋषभ पंतच्या नेतृत्वाखाली लखनौ प्लेऑफच्या शर्यतीतून बाहेर पडला आहे. पंतच्या संघाला हरवून गिल पॉइंट्स टेबलमध्ये आपले स्थान मजबूत करण्याचा आणि पहिल्या स्थानावर राहण्याचा प्रयत्न करेल. पंत हा सामना जिंकून आपले रँकिंग सुधारण्याचा प्रयत्न करेल.

आतापर्यंत खेळल्या गेलेल्या 12 पैकी 9 सामने गुजरातने जिंकले आहेत आणि 3 सामने गमावले आहेत, तर लखनौची स्थिती वाईट आहे आणि विशेषतः गेल्या काही सामन्यांमध्ये संघाची कामगिरी खूपच खराब राहिली आहे. या संघाने आतापर्यंत खेळलेल्या 12 पैकी 5 सामने जिंकले आहेत तर 7 सामने गमावले आहेत. गुजरात पॉइंट्स टेबलमध्ये अव्वल स्थानावर आहे तर लखनौ सध्या सातव्या स्थानावर आहे.

23:48 PM (IST) • 22 May 2025

लखनौने गुजरातला घरच्या मैदानावर लोळवलं, 33 धावांनी जिंकला सामना

लखनौ सुपर जायंट्सने गुजरात जायंट्सचा 33 धावांनी पराभव केला आहे. या सामन्यात लखनौ संघाने प्रथम फलंदाजी करत 235 धावांचा मोठा स्कोअर केला, ज्याच्या प्रत्युत्तरात गुजरातला शेवटच्या षटकापर्यंत चाललेल्या सामन्यात फक्त 202 धावा करता आल्या, ज्यामुळे त्यांना 33 धावांनी पराभव पत्करावा लागला. मिचेल मार्शचे शतक एलएसजीसाठी उपयुक्त ठरले, तर जीटीच्या सहापैकी चार फलंदाजांनी 30 पेक्षा जास्त धावा केल्या.

21:42 PM (IST) • 22 May 2025

मिचेल मार्शचे तुफानी शतक, पूरनचेही वादळ, लखनौने गुजरातसमोर ठेवले 236 धावांचे लक्ष्य

मिचेल मार्शच्या शतक आणि निकोलस पूरनच्या अर्धशतकाच्या जोरावर लखनौ सुपर जायंट्सने गुजरात टायटन्ससमोर 236 धावांचे लक्ष्य ठेवले आहे. नाणेफेक गमावून प्रथम फलंदाजी केल्यानंतर लखनौने 20 षटकांत दोन गडी गमावून 235 धावा केल्या. आयपीएलमधील हा तिसरा सर्वोच्च स्कोअर आहे.