Virat Kohli Runout : राजस्थान विरुद्धच्या सामन्यात विराट धावचीत, व्हायरल झाली 'तिची' रिएक्शन

IPL 2022, RR vs RCB : मंगळवारच्या सामन्यात बंगळुरुने राजस्थानला चार विकेट्सने मात दिली. पण विराटच्या रनआऊटने अनेक चाहत्यांना काही काळासाठी उदास केलं होतं.

Virat kohli runout

RCB vs RR : रॉयल चँलेंजर्स बंगळुरुने राजस्थान रॉयल्सला चार विकेट्सनी मात दिली. पण सामन्यात राजस्थानच्या 170 धावांच्या लक्षाचा पाठलाग करताना आरसीबीचा माजी कर्णधार विराट कोहली 5 धावांवर धावचीत झाला असताना अनेकांची मनं तुटली होती. मैदानात उपस्थित चाहत्यांच्या रिएक्शन पाहण्याजोग्या होत्या, यावेळीच एका महिला प्रेक्षकाने विराट बाद होताच ज्याप्रकारे रिएक्शन दिली ती पाहून कोहली बाद झाल्यानंतर चाहत्यांना किती दुख होतं हे दिसून आलं. त्यामुळे या महिलेचा व्हिडीओही सोशल मीडियावर व्हायरल होत आहे. 

राजस्थानने आरसीबीसमोर 170 धावांचे लक्ष ठेवले होते. आरसीबीचे सलामीवीर फाफ आणि अनुज यांनी काहीशी चांगली सुरुवात करुन दिली पण हे दोघेही बाद होताच, विराट कोहली क्रिजवर आला. नेहमीप्रमाणे विराटवर सर्वांच्याच नजरा खिळल्या असताना त्याने 6 चेंडूत 5 रन केल्यानंत संजू आणि चहलने मिळून त्याला धावचीत केले. कोहली आणि डेव्हिड विली खेळत असताना 9 व्या ओव्हरच्या चौथ्या चेडूवर कोहली नॉनस्ट्राईककडे धावला, पण तेव्हाच संजूने दिलेल्या थ्रोवर चहलने कोहलीला धावचीत केलं. ज्यानंतर एका महिला प्रेक्षकाची उदास होणारी रिएक्शन कॅमेरामनने टीपली आणि हाच व्हिडीओ व्हायरल होऊ लागला.

सामन्यात प्रथम फलंदाजी करणाऱ्या राजस्थानने 20 ओव्हरमध्ये 3 विकेट्सच्या बदल्यात 169 रन केले. राजस्थानकडून सलामीवीर जोस बटलरने नाबाद 70 तर शिमरॉनने नाबाद 43 धावा केल्या. पण हे आव्हान आरसीबीने 19.1 ओव्हरमध्येच पूर्ण केलं. यावेळी दिनेश कार्तिकने 23 चेंडूत 44, तर शाहबाज अहमदने 26 चेंडूत 45 रन करत संघाला विजय मिळवून दिला.

हे देखील वाचा- 

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha