IPL Trade Update : IPL इतिहासातील सर्वात धक्कादायक ट्रेड! ऋषभ पंतला कोट्यवधींचा फटका; हार्दिक पांड्याची या संघाशी चर्चा, किती कोटींची डील?

Mumbai Indians IPL 2026 : मुंबई इंडियन्सने रातोरात बदलला कोचिंग स्टाफ! आता बॅटिंग कोच म्हणून रॉबिन उथप्पाची नियुक्ती, नव्या कोचिंग स्टाफमध्ये कोणाकोणाला संधी?

किरण महानवर — Fri, 30 Oct 2026 11:08:59 +0530

Robin Uthappa Batting Coach Head Mumbai Indians IPL 2026 : आयपीएलमधील पाच वेळा चॅम्पियन ठरलेल्या मुंबई इंडियन्सने आगामी हंगामाच्या तयारीला सुरुवात केली असून, आपल्या कोचिंग स्टाफमध्ये मोठे फेरबदल केले आहेत. संघ व्यवस्थापनाने नव्या प्रशिक्षकांची नियुक्ती करत जुन्या कोचिंग स्टाफला निरोप दिला आहे. भारताचा माजी आक्रमक फलंदाज रॉबिन उथप्पा याची मुंबई इंडियन्सच्या फलंदाजी प्रशिक्षकपदी नियुक्ती करण्यात आली आहे. विशेष म्हणजे, खेळाडू म्हणून आयपीएलमध्ये मोठा अनुभव गाठीशी असलेल्या उथप्पाची प्रशिक्षक म्हणून ही पहिलीच जबाबदारी असणार आहे.

याआधी मुंबई इंडियन्सने कायरन पोलार्ड याच्याकडे मुख्य प्रशिक्षकपदाची जबाबदारी सोपवली होती. त्याने महेला जयवर्धनेची जागा घेतली आहे. आता उथप्पाच्या नियुक्तीमुळे मुंबईच्या नव्या कोचिंग स्टाफला आणखी बळ मिळाले आहे. त्यामुळे आगामी आयपीएल हंगामात मुंबई इंडियन्स नव्या प्रशिक्षकांच्या मार्गदर्शनाखाली कशी कामगिरी करणार, याकडे चाहत्यांचे लक्ष लागले आहे.

From being part of our very first season to returning with a wealth of experience! Robbie brings a sharp understanding of the game, great communication, and the clarity to guide youngsters! 💪 Welcome back to the Paltan, Robin! आपला new Batting Coach. 💙 https://t.co/OrIsO6dqgi
— Mumbai Indians (@mipaltan) October 30, 2026

रॉबिन उथप्पासह मुंबईच्या कोचिंग स्टाफमध्ये कोणाला संधी?

मुंबई इंडियन्सने यंदा फलंदाजी, गोलंदाजी आणि क्षेत्ररक्षण या तिन्ही विभागांमध्ये महत्त्वाचे बदल केले आहेत. नव्या कोचिंग स्टाफमध्ये अनुभवी आणि मुंबईच्या जुन्या खेळाडूंना प्राधान्य देण्यात आले आहे.

फलंदाजी प्रशिक्षक – रॉबिन उथप्पा : भारताचा माजी फलंदाज रॉबिन उथप्पा याच्याकडे फलंदाजी प्रशिक्षकपदाची जबाबदारी सोपवण्यात आली आहे.

गोलंदाजी प्रशिक्षक – मिचेल मॅक्लेनघन : न्यूझीलंडचा माजी वेगवान गोलंदाज मिचेल मॅक्लेनघन याची गोलंदाजी प्रशिक्षक म्हणून नियुक्ती करण्यात आली आहे. त्याने लसिथ मलिंगाची जागा घेतली आहे.

क्षेत्ररक्षण प्रशिक्षक – टी. दिलीप भारतीय क्रिकेट संघाचे माजी क्षेत्ररक्षण प्रशिक्षक टी. दिलीप आता मुंबई इंडियन्सच्या क्षेत्ररक्षण विभागाची जबाबदारी सांभाळणार आहेत.

डेव्हलपमेंट बॉलिंग कोच – धवल कुलकर्णी : मुंबईचा माजी वेगवान गोलंदाज धवल कुलकर्णी याच्याकडे विकास गोलंदाजी प्रशिक्षकपदाची जबाबदारी देण्यात आली आहे.

रॉबिन उथप्पाची पहिलीच प्रशिक्षकपदाची इनिंग!

रॉबिन उथप्पाने आयपीएलमध्ये अनेक संघांचे प्रतिनिधित्व केले आहे. त्याने मुंबई इंडियन्स, कोलकाता नाईट रायडर्स, रॉयल चॅलेंजर्स बंगळुरू, पुणे वॉरियर्स इंडिया, राजस्थान रॉयल्स आणि चेन्नई सुपर किंग्स यांसारख्या संघांकडून क्रिकेट खेळले आहे. कोलकाता नाईट रायडर्सच्या जेतेपदाच्या मोहिमेतही त्याने महत्त्वाची भूमिका बजावली होती.

विशेष म्हणजे, 2008 मध्ये आयपीएलच्या पहिल्या हंगामात उथप्पा मुंबई इंडियन्सच्या संघाचा भाग होता. आता तब्बल अनेक वर्षांनंतर तो पुन्हा मुंबईच्या ताफ्यात परतला आहे. मात्र, यावेळी खेळाडू म्हणून नव्हे, तर फलंदाजी प्रशिक्षक म्हणून तो संघासाठी योगदान देणार आहे. प्रशिक्षक म्हणून ही त्याची पहिलीच मोठी जबाबदारी असल्याने त्याच्या कामगिरीकडे विशेष लक्ष असेल.

हे ही वाचा -

IND vs NZ 4th T20 Live Score : मालिका खिशात, आता टीम इंडियाचा नवा डाव! चौथ्या टी-20त मोठे बदल होणार? कोण IN अन् कोण OUT, जाणून घ्या LIVE अपडेट

CSK IPL 2027 News : चेन्नई सुपर किंग्सचा असा धमाका की क्रिकेटविश्व हादरलं! CSK मधून एकाच वेळी 5 जणांना नारळ, नेमकं काय घडलं? सगळेच चक्रावले

किरण महानवर — Tue, 27 Oct 2026 08:46:22 +0530

CSK IPL 2027 Coaching Staff Overhaul : आयपीएल 2027 च्या हंगामापूर्वी चेन्नई सुपर किंग्सने आपल्या कोचिंग स्टाफमध्ये मोठे बदल करण्याचा निर्णय घेतला आहे. संघाने मुख्य प्रशिक्षक स्टीफन फ्लेमिंग यांच्याशी 18 वर्षांपासून सुरू असलेले नाते संपुष्टात आणल्यानंतर आता कोचिंग स्टाफमध्येही मोठी फेरबदल केली आहे. मायकल हसी आणि राजीव कुमार यांच्यासह पाच प्रशिक्षकांना पदावरून हटवण्यात आले आहे. माजी भारतीय वेगवान गोलंदाज झहीर खान यांच्यावर आता संघाच्या नव्या कोचिंग स्टाफची जबाबदारी असेल.

चेन्नई सुपर किंग्ससारख्या सातत्यासाठी ओळखल्या जाणाऱ्या फ्रँचायझीमध्ये एवढे मोठे बदल क्वचितच पाहायला मिळतात. मात्र, गेल्या तीन हंगामांत संघाला आयपीएलच्या प्लेऑफमध्ये स्थान मिळवता आले नाही. त्यामुळे आगामी हंगामासाठी संघ व्यवस्थापनाने नव्याने सुरुवात करण्याचा निर्णय घेतल्याचे चित्र आहे.

CSK च्या कोचिंग स्टाफमध्ये मोठे बदल

चेन्नई सुपर किंग्सने सहाय्यक प्रशिक्षक राजीव कुमार यांना पदावरून हटवले आहे. ते गेल्या आठ वर्षांपासून संघाशी जोडलेले होते. त्यांनी सुरुवातीला क्षेत्ररक्षण प्रशिक्षक म्हणून काम केले आणि त्यानंतर सहाय्यक प्रशिक्षकाची जबाबदारी सांभाळली. याशिवाय, चेन्नईने फलंदाजी प्रशिक्षक मायकल हसी यांनाही पदावरून हटवले आहे. हसी गेल्या आठ वर्षांपासून संघासोबत कार्यरत होते. त्यांच्या अनुभवाचा संघाला मोठा फायदा झाला होता. मात्र, आता फ्रँचायझीने त्यांच्याशी असलेले नाते संपवण्याचा निर्णय घेतला आहे.

गोलंदाजी प्रशिक्षक एरिक सायमन, स्ट्रेंथ अँड कंडिशनिंग प्रशिक्षक ग्रेग किंग आणि फिजिओथेरपिस्ट टॉमी सिमसेक यांनाही पदावरून हटवण्यात आले आहे. अशा प्रकारे चेन्नईने एकूण पाच जणांना आपल्या सपोर्ट स्टाफमधून बाहेरचा रस्ता दाखवला आहे. दरम्यान, सहाय्यक गोलंदाजी प्रशिक्षक श्रीधरन श्रीराम हे संघासोबत कायम राहणार आहेत. आता मुख्य प्रशिक्षक झहीर खान यांना नव्या कोचिंग स्टाफची बांधणी करावी लागणार आहे.

गॅरेथ बॅटी यांची चेन्नईच्या ताफ्यात एन्ट्री

कोचिंग स्टाफमध्ये बदल करत असतानाच चेन्नई सुपर किंग्सने इंग्लंडचे माजी क्रिकेटपटू गॅरेथ बॅटी यांना सहाय्यक प्रशिक्षक म्हणून संघात सामील केले आहे. बॅटी यांनी इंग्लंडमधील सरे संघाला काउंटी चॅम्पियनशिपमध्ये सलग तीन विजेतेपदे मिळवून देण्यात महत्त्वाची भूमिका बजावली. सरेने 2022, 2023 आणि 2024 मध्ये ही स्पर्धा जिंकली होती. 2025 मध्येही संघाने अंतिम फेरीपर्यंत मजल मारली, मात्र त्यांना विजेतेपद पटकावता आले नाही. आता झहीर खान आणि गॅरेथ बॅटी यांच्या नेतृत्वाखाली चेन्नई सुपर किंग्सचा नवा कोचिंग स्टाफ कशी कामगिरी करतो, याकडे क्रिकेट चाहत्यांचे लक्ष लागले आहे. आगामी आयपीएल हंगामात चेन्नईला पुन्हा विजेतेपदाच्या शर्यतीत आणण्याचे मोठे आव्हान या नव्या टीमसमोर असेल.

हे ही वाचा -

IND vs NZ 3rd T20I Weather Report : वेलिंग्टनमध्ये मुसळधार पाऊस! भारत-न्यूझीलंड तिसरा टी-20 रद्द होणार?, जाणून घ्या अपडेट

Mumbai Indians : हार्दिक पांड्यानं साथ सोडल्यास मुंबई इंडियन्सचा पुढील कॅप्टन कोण? हिटमॅन रोहित शर्माच्या नावाला थेट RCB च्या कोचचा सपोर्ट

युवराज जाधव — Sun, 25 Oct 2026 19:41:23 +0530

Mumbai Indians IPL Captain मुंबई : आयपीएलमध्ये गेल्या अनेक वर्षांपासून मुंबई इंडियन्सला विजेतेपद मिळवता आलेलं नाही. मुंबई इंडियन्सनं कर्णधार बदलून देखील पाहिला मात्र विजेतेपदाची पाटी कोरी राहिली आहे. आता मुंबई इंडियन्सनं आगामी आयपीएलच्या दृष्टीनं तयारी सुरु केली आहे. कायरन पोलार्डला मुख्य प्रशिक्षक म्हणून मुंबई इंडियन्सनं जबाबदारी दिली आहे. त्यामुळं मुंबई कदाचित कर्णधार बदलू शकते अशी चर्चा आहे. हार्दिक पांड्या अजून देखील मुंबईसोबत आहे. मात्र, IPL 2027 च्या ऑक्शनपूर्वी तो ट्रेडद्वारे दुसऱ्या संघात जाऊ शकतो, अशीचर्चा आहे. या चर्चांच्या पार्श्वभूमीवर आरसीबीचा मेंटॉर आणि फलंदाजी प्रशिक्षक दिनेश कार्तिक यानं रोहित शर्माकडे पुन्हा मुंबईचं कर्णधारपद देण्याचा निर्णय होत असल्यास त्याला समर्थन असल्याचं म्हटलं आहे.

मुंबई इंडियन्सनं मोठ्या आशेनं हार्दिक पांड्याला संघात त्याला रोहित शर्माच्या जागी कर्णधारपद दिलं होतं. रोहित शर्माच्या नेतृत्त्वात मुंबई इंडियन्सनं पाच वेळा आयपीएलचं विजेतेपद मिळवलं आहे. 2024 पासून हार्दिक पांड्याकडे मुंबईचे नेतृत्त्व आहे, मात्र मुंबईला विजेतेपद मिळवता आलेलं नाही. हार्दिक पांड्याच्या नेतृत्त्वात गुजरात टायटन्सनं एकदा विजेतेपद मिळवलं होतं, तर त्यांचा संघ एकदा अंतिम फेरीत पोहोचला होता. त्यामुळं मुंबईनं पांड्याला संघात घेतला मात्र त्याची जादू चालली नाही. हार्दिकच्या नेतृत्त्वात दोन हंगामात तर मुंबईला प्लेऑफमध्ये देखील जाता आलं नाही.

दिनेश कार्तिक काय म्हणाला?

आरसीबीचा फलंदाजी प्रशिक्षक आणि मेंटॉर दिनेश कार्तिक यानं क्रिकबझ सोबत बोलताना म्हटलं की, मला वाटतं ते नव्या कर्णधाराच्या शोधात आहे, काही वेळानंतर त्यांनी घोषणा करावी, रोहित शर्मा का नाही? यशस्वी कर्णधारांपैकी तो एक आहे, तो जर कर्णधार झाला तर त्यात काही वावगं नाही. तो जर उपलब्ध असेल तर त्याच्या क्षमतेचा वापर का करु नये. रोहित शर्मामध्ये क्षमता आहे, तो चांगला कर्णधार असून त्याच्याकडे खेळाडू आकर्षित होतात, असं दिनेश कार्तिकनं म्हटलं.

दरम्यान, मुंबई इंडियन्सच्या कर्णधारपदाच्या शर्यतीत तिलक वर्मा देखील आघाडीवर आहे. तिलक वर्माचं नाव सर्वाधिक आघाडीवर आहे. हार्दिक पांड्या मुंबईचा कर्णधार झाल्यानंतर आयपीएलमधील कामगिरी नव्हे तर ड्रेसिंग रुममधील वातावरणाबाबत देखील चर्चा होत होत्या. आता कायरन पोलार्डला कोच करण्यात आलं आहे. हार्दिक पांड्यासोबत त्यांचं चांगलं बाँडिंग राहिलं आहे. त्यामुळं आता हार्दिक पांड्या मुंबई इंडियन्ससोबत राहणार की ट्रेड होऊन दुसऱ्या संघात जाणार हे जोपर्यंत ठरत नाही तोपर्यंत काही सांगता येत नाही.

Mahela Jayawardene News : महेला जयवर्धनेने मुंबई इंडियन्सला सोडलं, मुख्य प्रशिक्षकपदाचा दिला राजीनामा; अचानक घेतलेल्या निर्णयाने खळबळ, नीता अंबानी म्हणाल्या...

किरण महानवर — Sat, 17 Oct 2026 13:11:49 +0530

Mahela Jayawardene Resigns as Mumbai Indians Head Coach : आयपीएल 2027 पूर्वी मुंबई इंडियन्स (MI) संघात मोठा बदल झाला आहे. श्रीलंकेचा माजी कर्णधार आणि संघाचा मुख्य प्रशिक्षक महेला जयवर्धने याने आपल्या पदाचा राजीनामा दिला आहे. मुंबई इंडियन्सने शनिवार, 17 ऑक्टोबर रोजी अधिकृत या वृत्ताला दुजोरा दिला. जयवर्धनेच्या मार्गदर्शनाखाली मुंबई इंडियन्सने तीन वेळा आयपीएलचे विजेतेपद पटकावले. त्यामुळे तो फ्रँचायझीच्या सर्वात यशस्वी प्रशिक्षकांपैकी एक मानला जातो.

महेला जयवर्धने जवळपास एक दशकापासून मुंबई इंडियन्सशी जोडलेला आहे. 2017 मध्ये त्याने पहिल्यांदा संघाच्या मुख्य प्रशिक्षकपदाची जबाबदारी स्वीकारली आणि 2022 पर्यंत तो या पदावर कायम होता. त्यानंतर 2024 मध्ये त्याने पुन्हा मुख्य प्रशिक्षक म्हणून जबाबदारी सांभाळली. त्याच्या मार्गदर्शनाखाली संघात शिस्त, सांघिक भावना आणि खेळाडूंमधील समन्वय वाढवण्यावर विशेष भर देण्यात आला. मुंबई इंडियन्सच्या मालक नीता मुकेश अंबानी यांनी महेला जयवर्धनेच्या योगदानाचे कौतुक केले. जयवर्धनेचे शांत नेतृत्व, सचोटी आणि खेळाप्रती असलेली निष्ठा फ्रँचायझीसाठी महत्त्वपूर्ण ठरल्याचे त्यांनी सांगितले.

नीता अंबानी काय म्हणाल्या? (Nita Ambani on Mahela Jayawardene Resigns)

नीता अंबानी म्हणाल्या, “महेलाने गेल्या काही वर्षांत मुंबई इंडियन्ससाठी महत्त्वपूर्ण योगदान दिले आहे. त्याच्या नेतृत्वासाठी आणि संघाप्रती असलेल्या वचनबद्धतेसाठी आम्ही त्याचे आभारी आहोत. आम्ही एकत्र केलेला प्रवास आणि निर्माण केलेल्या आठवणी नेहमीच जपून ठेवू. महेला कायमच आमच्या ‘वन फॅमिली’चा एक भाग राहील.”

View this post on Instagram

Shared post on Time

Iframe html

महेला जयवर्धने पद सोडताना भावूक

मुख्य प्रशिक्षकपदाचा राजीनामा दिल्यानंतर महेला जयवर्धनेने मुंबई इंडियन्ससोबतच्या आठवणींना उजाळा दिला. त्याने संघातील खेळाडू, प्रशिक्षक आणि चाहत्यांचे आभार मानले. तसेच नीता अंबानी आणि आकाश अंबानी यांनी दाखवलेला विश्वास, दिलेला पाठिंबा आणि जपलेली मैत्री हा त्याच्या प्रवासातील महत्त्वाचा भाग असल्याचे सांगितले. मुंबई इंडियन्ससोबत काम करताना अनेक अविस्मरणीय क्षण अनुभवले, आव्हानांचा सामना केला आणि सर्वांना अभिमान वाटेल अशी कामगिरी केली, असे जयवर्धनेने नमूद केले. यापुढील वाटचालीसाठी त्याने संघाला शुभेच्छा दिल्या. मुंबई इंडियन्स आपल्या हृदयात कायमच विशेष स्थान राखेल, अशी भावनाही त्याने व्यक्त केली.

मुंबई इंडियन्सच्या जागतिक विस्तारातही महत्त्वाची भूमिका

2022 मध्ये महेला जयवर्धनेची मुंबई इंडियन्सच्या जागतिक कामगिरी विभागाचा प्रमुख म्हणून नियुक्ती करण्यात आली होती. या भूमिकेत त्याने विविध देशांतील टी-20 लीगमध्ये फ्रँचायझीचा विस्तार करण्यासह सर्व संघांमध्ये एकसमान क्रिकेटविषयक तत्त्वज्ञान विकसित करण्याची जबाबदारी सांभाळली. या काळात मुंबई इंडियन्सच्या महिला संघाने, एमआय न्यूयॉर्क आणि एमआय अमिरात यांनी आपापल्या स्पर्धांमध्ये विजेतेपद पटकावले. त्यामुळे फ्रँचायझीची जागतिक स्तरावरील ओळख अधिक मजबूत झाली. जयवर्धनेच्या योगदानामुळे मुंबई इंडियन्सच्या विविध संघांमध्ये समन्वय निर्माण करण्यासही मदत झाली.

हे ही वाचा -

Ind vs WI 5th T20 Team India Playing XI: वैभव, भुवनेश्वर IN...; वेस्ट इंडिजविरुद्धच्या 'करो या मरो'च्या सामन्यात अशी असेल टीम इंडियाची Playing XI

IPL 2027 SRH-DC Trade : 10.75 कोटींचा खेळाडू OUT! दिल्ली कॅपिटल्सचा मोठा निर्णय, हैदराबादशी अदलाबदल, नेमकं कोणाला घेतलं?

किरण महानवर — Wed, 14 Oct 2026 20:16:59 +0530

IPL 2027 SRH-DC Trade : इंडियन प्रीमियर लीगच्या (IPL) आगामी हंगामापूर्वी सनरायझर्स हैदराबाद आणि दिल्ली कॅपिटल्स या दोन फ्रँचायझींमध्ये खेळाडूंची अदलाबदल झाली आहे. भारताचा डावखुरा वेगवान गोलंदाज टी. नटराजन याची सनरायझर्स हैदराबाद संघात घरवापसी झाली आहे. तर युवा लेग-स्पिनर झीशान अन्सारी आता दिल्ली कॅपिटल्सकडून खेळताना दिसणार आहे. या व्यवहारामुळे दोन्ही संघांच्या गोलंदाजी विभागात बदल होणार आहेत.

टी. नटराजनची 5 कोटी रुपयांत घरवापसी (T Natarajan back with Sunrisers Hyderabad)

टी. नटराजन यापूर्वी 2020 ते 2024 या कालावधीत सलग पाच हंगाम सनरायझर्स हैदराबादकडून खेळला होता. या काळात त्याने आपल्या अचूक यॉर्कर्स आणि प्रभावी गोलंदाजीच्या जोरावर संघात महत्त्वाचे स्थान निर्माण केले. आयपीएल 2024 हा नटराजनसाठी विशेष ठरला होता. त्याने त्या हंगामात 19 बळी घेतले होते. तो सनरायझर्स हैदराबादचा सर्वाधिक बळी घेणारा गोलंदाज ठरला होता. त्याच्या कामगिरीमुळे संघाला अंतिम फेरीपर्यंत मजल मारण्यात मदत झाली होती.

आयपीएल 2025 च्या मेगा लिलावात दिल्ली कॅपिटल्सने नटराजनला 10.75 कोटी रुपये मोजून आपल्या संघात घेतले होते. मात्र, आता त्याची 5 कोटी रुपयांच्या सुधारित शुल्कावर सनरायझर्स हैदराबादमध्ये घरवापसी झाली आहे. त्यामुळे आगामी हंगामात नटराजन पुन्हा एकदा हैदराबादच्या जर्सीत दिसणार आहे.

झीशान अन्सारी दिल्ली कॅपिटल्सच्या ताफ्यात (Zeeshan Ansari traded to Delhi Capitals)

दुसरीकडे, 26 वर्षीय लेग-स्पिनर झीशान अन्सारी सनरायझर्स हैदराबादकडून दिल्ली कॅपिटल्समध्ये दाखल झाला आहे. झीशानने आयपीएलमध्ये आतापर्यंत 10 सामने खेळले असून त्याच्या नावावर 6 बळी आहेत. झीशानने आयपीएल पदार्पणातच दिल्ली कॅपिटल्सविरुद्ध तीन बळी घेत लक्ष वेधून घेतले होते. त्याच्या फिरकी गोलंदाजीमुळे दिल्लीच्या गोलंदाजी विभागाला पर्याय उपलब्ध होणार आहे. झीशान अन्सारी सध्याच्या 40 लाख रुपयांच्या शुल्कावर दिल्ली कॅपिटल्सकडून खेळणार आहे. त्यामुळे दिल्लीला आपल्या फिरकी गोलंदाजीची ताकद वाढवण्याची संधी मिळणार आहे.

दोन्ही संघांच्या गोलंदाजी विभागात बदल

टी. नटराजनच्या पुनरागमनामुळे सनरायझर्स हैदराबादला अनुभवी डावखुऱ्या वेगवान गोलंदाजाचा पर्याय मिळणार आहे. विशेषतः डेथ ओव्हर्समध्ये अचूक यॉर्कर्स टाकण्याची नटराजनची क्षमता संघासाठी उपयुक्त ठरू शकते. तर झीशान अन्सारीच्या समावेशामुळे दिल्ली कॅपिटल्सच्या फिरकी गोलंदाजी विभागाला बळ मिळू शकते. त्यामुळे आयपीएलच्या आगामी हंगामापूर्वी झालेल्या या खेळाडूंच्या अदलाबदलीकडे क्रिकेट चाहत्यांचे लक्ष लागले आहे.

हे ही वाचा -

अभिषेक शर्माचं राज्य संपलं! पाकिस्तानी फलंदाजाची अशी कामगिरी, थेट विश्वविक्रमच मोडला

Anirudh Ravichander Kavya Maran Wedding Date Confirmed Rumours: काव्या मारनच्या लग्नाची तारीख ठरली? बॉलिवूड स्टारसोबत संसार थाटणार असल्याच्या चर्चा, रजनीकांत यांच्यासोबत खास कनेक्शन...

एबीपी माझा एंटरटेनमेंट डेस्क — Tue, 18 Aug 2026 12:43:56 +0530

Anirudh Ravichander Kavya Maran Wedding Date Confirmed Rumours: आयपीएलचा (IPL 2026) सर्वाधिक चर्चेत असणारा संघ सनराइजर्स हैदराबाद (Sunrisers Hyderabad) ची सीईओ काव्या मारन (Kavya Maran) सध्या जोरदार चर्चेत आहे. तसं पाहायला गेलं तर, काव्या मारन नेहमीच चर्चेत असते. पण, यावेळी मात्र तरुणांच्या गळ्यातील ताईत असलेल्या काव्या मारननं हॉर्ट ब्रेक केलाय. काव्या मारनचं लग्न ठरल्याच्या चर्चांना सध्या उधाण आलं आहे. इतकंच काय तर, काव्याच्या लग्नाची तारिखही कन्फर्म करण्यात आली आहे. गेल्या काही दिवसांपासून काव्या मारन आणि बॉलिवूडचा प्रसिद्ध म्युझिक कंपोझर अनिरुद्ध रविचंदर (Music Composer Anirudh Ravichander) यांच्या रिलेशनशिपच्या (Kavya Maran Anirudh Ravichander) चर्चांना उधाण आलेल. अशातच आता दोघांच्या लग्नाची तारिखही कन्फर्म करण्यात आल्याचं बोललं जातंय.

मीडिया रिपोर्टनुसार, काव्या मारन आणि अनिरुद्ध रविचंदर (Anirudh Ravichander) एकमेकांसोबत रिलेशनशिपमध्ये असून आता दोघे लवकरच आपल्या नात्याला नाव देणार आहेत. दोघेही लग्नबंधनात अडकणार असून लग्नाची तारिखही कन्फर्म करण्यात आली आहे.

कधी आणि केव्हा होणार लग्न? (Anirudh Ravichander Kavya Maran Wedding Rumours)

टाइम्स ऑफ इंडियाच्या रिपोर्टनुसार, अनिरुद्ध रविचंदर आणि काव्या मारन याच वर्षी नोव्हेंबरमध्ये लग्न करणार आहेत. 'लेट्स सिनेमा'नं दिलेल्या वृत्तानुसार, दोघेही 10 नोव्हेंबर रोजी लग्नबंधनात अडकणाक आहेत. रिपोर्टमध्ये सांगितल्यानुसार, दोघांचं लग्न ग्रीसमध्ये होणार आहे. हे लग्न एक शाही डेस्टिनेशन वेडिंग असेल, असंही बोललं जातंय. दरम्यान, काव्या आणि अनिरुद्धच्या लग्नाच्या चर्चांना उधाण आलं असलं, तरीसुद्धा दोघांनीही यावर कोणतंही अधिकृत वक्तव्य केलेलं नाही.

View this post on Instagram

मामाच्या वक्तव्यानं सुरू झालेल्या लग्नाच्या चर्चा (Kavya Maran Wedding Rumours)

अनिरुद्ध आणि काव्या यांच्यातील नात्याच्या चर्चा तेव्हा सुरू झाल्या, जेव्हा अनिरुद्धचे मामा आणि अभिनेते वाय. जी. महेंद्रन यांनी एका मुलाखतीत त्या दोघांबद्दल भाष्य केलं. त्यांनी सांगितलं की, अनिरुद्ध लवकरच विवाहबंधनात अडकणार आहे. तेव्हापासूनच, त्याच्या लग्नाच्या अफवा सोशल मीडियावर वेगानं पसरू लागल्या.

अनिरुद्ध, काव्या यांच्यातील रिलेशनशिपच्या चर्चा

अनिरुद्ध आणि काव्या यांच्या रिलेशनशिपच्या चर्चांना उधाण येण्याची ही पहिलीच वेळ नाही. 2025 मधील एका व्हायरल पोस्टमध्ये असा दावा करण्यात आला होता की, दोघेही एका वर्षापेक्षा जास्त काळापासून रिलेशनशिपमध्ये आहेत आणि लग्न करण्याच्या विचारात आहेत. पण, त्यावेळी अनिरुद्धनं या बातम्या केवळ अफवा असल्याचं सांगून फेटाळल्या होत्या. त्यानं सोशल मीडियावर लिहिलं होतं की, "लग्न? अरे बापरे, जरा शांत राहा आणि अफवा पसरवणं थांबवा..."

सनराइजर्स हैदराबादची CEO काव्या मारन (Sunrisers Hyderabad CEO Kavya Maran)

काव्या मारन आयपीएल टीम सनरायझर्स हैदराबादची सीईओ आहे. ती सन ग्रुपचे चेअरमन कलानिधी मारन यांची मुलगी आहे. काव्या मारनला नेहमीच आयपीएल सामन्यांदरम्यान आपल्या टीमला सपोर्ट करताना दिसलीय. याव्यतिरिक्त, ती तिच्या बिझनेस आयडिया आणि प्रोफेशनल दृष्टिकोनासाठी ओळखली जाते.

अनिरुद्ध रविचंदर कोण? (Who Is Anirudh Ravichander?)

अनिरुद्ध रविचंदर हे म्युझिक इंडस्ट्रीतलं एक मोठं नाव. अनेक सुपरहिट सिनेमांमधील आपल्या म्युझिकनं त्यानं प्रेक्षकांची मनं जिंकलीत. त्याच्या दमदार म्युझिकमुळे सिनेमे तर खास बनतातच, याशिवाय त्यांची अनेक गाणी दीर्घकाळापर्यंत लोकांच्या प्लेलिस्टचा अविभाज्य भाग बनून राहतात. अनिरुद्धच्या वर्कफ्रंटबाबत बोलायचं झाल्यास, अनिरुद्धकडे अनेक मोठे प्रोजेक्ट्स आहेत. त्याच्या आगामी सिनेमांमध्ये 'जेलर 2' (Jailer 2), 'द पॅराडाईज' (The Paradise), 'अरसन' (Arasan), 'किंग' (King) आणि 'AA23 x A6' यांसारख्या सिनेमांचा समावेश आहे. तसेच, त्याचे सिनेसृष्टीशी कौटुंबिक नातंही आहे, तमिळ सुपरस्टार रजनीकांत हे त्याचे काका आहेत. त्यामुळे काव्या मारननं जर अनिरुद्धशी लग्न केलं तर, ती रजनीकांत यांची सुनबाई होणार आहे.

महत्त्वाच्या इतर बातम्या :

Abhijeet Dipke On Shah Rukh Khan: अभिजीत दिपकेचं भारतात परतण्याचं 'स्वदेस' कनेक्शन, शाहरुखच्या भूमिकेने प्रेरित होऊन निर्णय!

Kavya Maran Wedding: हैदराबाद सनरायझर्सची मालकीण काव्या मारनचं लग्न ठरलं; बॉलिवूडच्या प्रसिद्ध गायकासोबत बांधणार साताजन्माची गाठ

एबीपी माझा एंटरटेनमेंट डेस्क — Tue, 30 Jun 2026 09:41:15 +0530

Kavya Maran Wedding: आयपीएल (IPL 2026) फ्रँचायझी 'सनरायझर्स हैदराबाद' (SRH)ची सीईओ काव्या मारन हिची लगीनघाई सुरू झालीय. लाखो दिलाची धडकन असलेली 18000 कोटींच्या सनरायझर्स हैदराबादची (Sunrisers Hyderabad) मालकीण काव्या मारन (Kavya Maran) हिचं लग्न ठरल्याच्या चर्चांना उधाण आलं आहे. त्यामुळे तिच्या चाहत्यांचा हार्ट ब्रेक झालाय. तर काव्या मारन नेमकं कुणाच्या नावाचं डोरलं गळ्यात बांधणार? याची उत्सुकता ताणली गेलीय. काव्या मारन प्रसिद्ध म्युझिक कंपोझर (Music Composer), गायक अनिरुद्ध रविचंदर (Singer Anirudh Ravichander) यांच्याशी लग्न करणार असल्याच्या चर्चांना उधाण आलंय. यापूर्वीही दोघांच्या लग्नाच्या चर्चांना उधाण आलेलं, पण त्यावेळी गायकाच्या टीमनं या चर्चा फेटाळून लावलेल्या. पण, आता कुटुंबातील व्यक्तीनंच सांगितल्यामुळे दोघांच्या नात्यावर शिक्कामोर्तब झाल्याचं बोललं जातंय.

म्युझिक कंपोझर-गायक अनिरुद्ध रविचंदर आणि काव्या मारन यांच्या लग्नाबाबत बऱ्याच काळापासून चर्चा सुरू होती आणि आता अशी माहिती समोर आली आहे. की, हे दोघे लवकरच विवाहबंधनात अडकणार आहेत. अनिरुद्धचे मामा आणि अभिनेते वाय. जी. महेंद्रन यांनी या वृत्ताला दुजोरा दिलाय. तसेच, काव्या आणि अनिरुद्धचं अभिनंदन केलंय. गेल्या एक-दोन वर्षांपासून, आयपीएल संघ 'सनरायझर्स हैदराबाद'ची मालक असलेल्या काव्या मारन आणि अनिरुद्ध यांच्यात प्रेमसंबंध असल्याची चर्चा रंगली होती.

अनिरुद्ध आणि काव्या मारन यांच्या लग्नाबाबत अनेक महिन्यांपासून तर्क-वितर्क लावले जात होते. आता अनिरुद्धचे मामा वाय. जी. महेंद्रन यांनी या चर्चांना पूर्णविराम दिला असून, या दोघांच्या आगामी लग्नाचे संकेत दिलेत.

अनिरुद्धचे मामा अभिनेते वाय. जी. महेंद्र नेमके काय म्हणाले? (Kavya Maran, Singer Anirudh Ravichander)

या सर्व चर्चांची सुरुवात अनिरुद्ध यांचे काका आणि अभिनेते वाय. जी. महेंद्र यांनी लग्नाबाबत केलेल्या वक्तव्यांमुळे झालीय. 'केपीटीव्ही'ला (KPTV) दिलेल्या एका मुलाखतीत, अनिरुद्धच्या लग्नाबाबत विचारलेल्या प्रश्नाला उत्तर देताना ते म्हणाले की, "अनिरुद्ध हा अत्यंत समजूतदार मुलगा आहे. माझ्याकडे असलेल्या माहितीनुसार, काव्या मारन यांच्याशी त्याचं लग्न जवळपास निश्चित झालंय. तो एका अत्यंत प्रतिष्ठित कुटुंबाचा भाग होणार आहे. या निमित्तानं मी त्याचं अभिनंदन करू इच्छितो..."

काव्या मारनबाबत काय म्हणाले वाय. जी. महेंद्र?

काव्या मारन यांच्याबद्दल बोलताना अभिनेते महेंद्र म्हणाले की, "काव्या काही सामान्य महिला नाही, तिच्याकडे आयपीएलमधील एका मोठ्या संघाचं व्यवस्थापन करण्याची क्षमता आहे. तिला तिच्या वडिलांकडून व्यवसायाची समज वारशानं मिळाली आहे. त्यांची जोडी उत्तम आहे आणि त्यांनी एकत्र येऊन संगीत व्यवसायातही नशीब आजमावून पाहायला हवं..."

लग्न कधी आणि कुठे होणार आहे?

काव्या आणि अनिरुद्ध यांचं लग्न कधी आणि कुठे होईल, असा प्रश्न तुम्हाला पडला असेल, तर याबद्दल सध्या कोणतीही ठोस माहिती समोर आलेली नाही. हे दोघे कधी विवाहबंधनात अडकणार? याचीही सर्वांना उत्सुकता लागली आहे.

यापूर्वीही एकमेकांशी जोडली गेलेली नावं

काव्या आणि अनिरुद्ध एकमेकांना डेट करत असल्याच्या बातम्या यापूर्वीही आलेल्या. पण, दोघांनीही त्यावर कोणतंही भाष्य केलं नव्हतं. लग्नाबाबतही दोघांकडून कोणतंही वक्तव्य करण्यात आलं नव्हतं. विशेष म्हणजे, 2025 मध्ये रेडिटवर (Reddit) व्हायरल झालेल्या एका पोस्टमध्ये असा दावा करण्यात आला होता की, दोघे साधारण वर्षभरापासून एकमेकांना डेट करत होते.

महत्त्वाच्या इतर बातम्या :

Kangana Ranaut Bite Vir Das Lip While Kissing Scene: कंगना रनौतनं किसिंग सीनवेळी रक्त येईपर्यंत चावलेले 'या' अभिनेत्याचे ओठ? पत्रकाराच्या दाव्यानंतर खळबळ, आता म्हणतेय...

Rishabh Pant and Kuldeep Yadav Trade IPL 2027: IPL 2027 पूर्वी सर्वात मोठा 'ट्रेड': ऋषभ आणि कुलदीप यांनी संघ बदलले; कोट्यवधी रुपयांचा करार, पंतला 12 कोटींचे नुकसान

मुकेश चव्हाण — Tue, 23 Jun 2026 14:22:41 +0530

Rishabh Pant and Kuldeep Yadav Trade IPL 2027: आयपीएल 2027 च्या हंगामाआधी (IPL 2027) ऋषभ पंत आणि कुलदीप यादव (Rishabh Pant and Kuldeep Yadav Trade) यांनी आपले संघ बदलले आहेत. दिल्ली कॅपिटल्स आणि लखनौ सुपर जायंट्स यांच्यात एक मोठा 'ट्रेड' (खेळाडूंची अदलाबदल) झाला आहे. याबद्दलची चर्चा क्रिकेट वर्तुळात बऱ्याच काळापासून सुरू होती आणि आज 23 जून रोजी आयपीएलने अधिकृतपणे या ट्रेडला दुजोरा दिला. ऋषभ पंत 15 कोटी रुपयांना दिल्लीत परतणार आहेत, तर लखनौने कुलदीप यादवला 13.5 कोटी रुपयांना आपल्या संघात सामील करून घेतले आहे.

ऋषभ पंत आणि कुलदीप यादव यांच्यात ट्रेड- (Rishabh Pant and Kuldeep Yadav Trade IPL 2027)

लखनौ सुपर जायंट्ससोबत दोन वर्षे घालवल्यानंतर, ऋषभ पंत आपल्या जुन्या संघात, म्हणजेच दिल्ली कॅपिटल्समध्ये परतले आहेत. ऋषभ पंतने 2016 मध्ये दिल्लीकडूनच आपल्या कारकिर्दीची सुरुवात केली होती. दुसरीकडे, 2022 पासून दिल्लीसाठी खेळणारा कुलदीप यादव आता लखनौसाठी खेळणार आहे. IPL 2027 पूर्वीचा हा लीगचा सर्वात मोठा 'ट्रेड' करार मानला जाऊ शकतो, कारण हे दोन्ही खेळाडू केवळ IPL चेच नव्हे, तर भारतीय क्रिकेटचेही स्टार खेळाडू आहेत.

🚨 Announcement 🚨

Rishabh Pant and Kuldeep Yadav complete high-profile trade between @DelhiCapitals and @LucknowIPL.

Rishabh Pant all set to rejoin #DC at INR 15 Crore whereas Kuldeep Yadav will join #LSG at INR 13.5 Crore.

More Details ▶️ https://t.co/64HeOX143I… pic.twitter.com/tIEvj7fgNo
— IndianPremierLeague (@IPL) June 23, 2026

ऋषभचे नुकसान, तर कुलदीपला फायदा- (Rishabh Pant and Kuldeep Yadav Trade IPL 2027)

ऋषभ पंतने दिल्ली कॅपिटल्ससोबत 15 कोटी रुपयांच्या पगारावर करार केल्याचे समोर आले आहे. 2025 च्या लिलावात एलएसजीने (LSG) त्याच्यावर 27 कोटी रुपयांची बोली लावून ऋषभ पंतला आयपीएलच्या इतिहासातील सर्वात महागडा खेळाडू बनवले होते; याचा अर्थ आता ऋषभ पंतला प्रत्यक्षात 12 कोटी रुपयांचे नुकसान सोसावे लागले आहे. दुसरीकडे, कुलदीप यादवच्या पगारात 25 लाख रुपयांची वाढ झाली आहे. दिल्लीकडून कुलदीप यादवला 13.25 कोटी रुपये मिळत होते, तर आता लखनौकडून त्याला 13.50 कोटी रुपये मिळतील.

राज्यासह देश-विदेशातील महत्वाच्या घडामोडी, VIDEO:

Rishabh Pant: रिषभ पंतनं लखनौचं कर्णधारपद स्वत:हून सोडलं की LSG नं काढून घेतलं, नेमकं काय घडलं? रिपोर्टमध्ये नवा दावा

जगदीश ढोले — Mon, 22 Jun 2026 22:08:46 +0530

Rishabh Pant LSG Captaincy Inside Story नवी दिल्ली: रिषभ पंत आणि लखनौ सुपर जायंटस यांच्यातील संबंध बिघडत चालल्याचं पाहायला मिळतंय. रिषभ पंतनं आयपीएलच्या 19 व्या हंगामात लखनौ सुपर जायंटसच्या खराब कामगिरीमुळं कर्णधारपदावरुन हटवण्याची विनंती केल्याचं सांगण्यात आलं होतं. मात्र, आता नव्यानं आलेल्या रिपोर्टनुसार रिषभ पंतनं कर्णधार पद सोडलं नव्हतं तर त्याला त्या पदावरुन हटवण्यात आलं होतं. लखनौ सुपर जायंटस आयपीएलच्या 19 व्या हंगामात गुणतालिकेत दहाव्या स्थानावर राहिले. तर, 2025 च्या हंगामात देखील रिषभ पंतच्या नेतृत्त्वात लखनौ सुपर जायंटस प्लेऑफमध्ये पोहोचू शकली नव्हती.

लखनौनं रिषभ पंतला कर्णधार पदावरुन काढलं

Cricblogger नुसार रिषभ पंतनं लखनौचं कर्णधारपद सोडलं नव्हतं, त्याला फ्रँचायजीनं काढून टाकलं. रिषभ पंत सातत्यानं खराब फॉर्ममध्ये असल्यानं संघ व्यवस्थापनानं हा निर्णय घेतला. टीमच्या खराब कामगिरीसाठी रिषभ पंतच्या कामगिरीचं समीक्षण करण्यात आलं. रिषभ पंतनं 2025 च्या हंगामात मेगा ऑक्शनमध्ये 27 हजार कोटी रुपयांना खरेदी केलं होतं. तो आयपीएलच्या इतिहासातील सर्वात महागडा खेळाडू ठरला होता.

दिल्ली कॅपिटल्समध्ये परतणार

रिषभ पंत कर्णधारपदावरुन बाजुला झाल्यानंतर तो पुन्हा दिल्ली कॅपिटल्समध्ये जाण्याचा निर्णय घेऊ शकतो. काही रिपोर्टनुसार रिषभ पंत ट्रेड डीलद्वारे कुलदीप यादव देखील लखनौकडे जाऊ शकतो. रिषभ पंतच्या पगारात देखील कपात होऊ शकते.

रिषभ पंतचं करिअर

रिषभ पंतनं आयपीएल करिअरमध्ये 139 सामने खेळले आहेत. या पैकी 136 डावात फलंदाजी करताना 33.60 च्या सरासरीनं 146.79 स्ट्राइक रेटनं 3865 धावा केल्या आहेत. यामध्ये 2 शतकं आणि 20 अर्धशतकांचा समावेश आहे.

दरम्यान, रिषभ पंतनं कर्णधार पद सोडल्यानं पुढील हंगामात लखनौ सुपर जायंटसला नव्या कर्णधाराचा शोध घ्यावा लागेल. तर, दुसरीकडे मुंबई इंडियन्सची कामगिरी निराशाजनक झाल्यानं हार्दिक पांड्या देखील मुंबई इंडियन्सचं कर्णधार पद सोडू शकतो आणि तो लखनौकडे जाऊ शकतो अशा चर्चा आहेत. तर, मुंबईचा कर्णधार म्हणून तिलक वर्माचं नाव चर्चेत आहे.

IPL Trade Update : IPL इतिहासातील सर्वात धक्कादायक ट्रेड! ऋषभ पंतला कोट्यवधींचा फटका; हार्दिक पांड्याची या संघाशी चर्चा, किती कोटींची डील?

किरण महानवर — Sat, 20 Jun 2026 15:41:43 +0530

IPL Trade Update : आयपीएल आगामी हंगामापूर्वी क्रिकेट जगतात एक अत्यंत थक्क करणारा आणि मोठा उलटफेर पाहायला मिळत आहे. भारताचा स्टार यष्टिरक्षक-फलंदाज ऋषभ पंत आपल्या जुन्या फ्रँचायझीमध्ये म्हणजेच दिल्ली कॅपिटल्समध्ये परतण्यास सज्ज झाला आहे. मात्र, यासाठी तो इतका मोठा आर्थिक फटका सहन करणार आहे, ज्याची कोणी कल्पनाही केली नसेल.

27 कोटींवरून थेट 15 कोटींवर! ऋषभ पंतने का घेतला इतका मोठा धोका? (Rishabh Pant IPL Trade)

आयपीएल 2025 च्या मेगा ऑक्शनमध्ये लखनऊ सुपर जायंट्सने (LSG) ऋषभ पंतला तब्बल 27 कोटी रुपयांची विक्रमी बोली लावून खरेदी केले होते. परंतु, ताज्या रिपोर्ट्सनुसार, ऋषभ पंत दिल्ली कॅपिटल्समध्ये (DC) परतण्यासाठी 12 कोटी रुपयांचा प्रचंड पगार कपात स्वीकारणार आहे. दिल्लीत आल्यानंतर त्याचा पगार सुमारे 15 कोटी रुपये असेल. म्हणजेच पंत आपल्या सध्याच्या पगारात 44.44% ची मोठी कपात करून घेत आहे.

ऋषभ पंतचा 27 कोटी रुपयांचा पगार या ट्रेडमधील सर्वात मोठा अडथळा ठरत होता. आयपीएलचे नियम आणि पर्स स्ट्रक्चर (पर्स बॅलन्स) पाहता, कोणत्याही फ्रँचायझीला संघाचा समतोल न बिघडवता एवढी मोठी रक्कम प्लेअर-स्वॅप अंतर्गत ॲडजस्ट करणे अशक्य होते. त्यामुळे पंतने स्वतःहून आपली मानधनाची अपेक्षा कमी केली, जेणेकरून त्याचा दिल्ली संघात परतण्याचा मार्ग मोकळा होऊ शकेल.

कुलदीप यादव लखनऊला जाणार... (Kuldeep Yadav IPL Trade)

या ऐतिहासिक मेगा ट्रेडचा दुसरा भाग म्हणून भारताचा चायनामन फिरकीपटू कुलदीप यादव दिल्ली कॅपिटल्स सोडून लखनऊ सुपर जायंट्समध्ये सामील होणार आहे. हा एक प्लेअर-स्वॅप ट्रेड असून, कुलदीप त्याच्या सध्याच्या 13.25 कोटी रुपयांच्या पगारावरच लखनऊ संघात जाईल. हा प्रस्ताव मंजुरीसाठी बीसीसीआयकडे (BCCI) पाठवण्यात आला आहे.

हार्दिक पांड्या मुंबई इंडियन्स सोडणार? MI-RR मध्ये मेगा ट्रेडच्या चर्चा (Hardik Pandya Yashasvi Jaiswal IPL Trade)

दुसरीकडे, आयपीएल 2027 पूर्वी आणखी एक थक्क करणारा ट्रेड होण्याची दाट शक्यता वर्तवली जात आहे. मीडिया रिपोर्ट्सनुसार, मुंबई इंडियन्स (MI) आणि राजस्थान रॉयल्स (RR) यांच्यात हार्दिक पांड्या आणि यशस्वी जैस्वाल यांच्या अदलाबदलीबाबत (Swap Trade) चर्चा सुरू आहे. हार्दिक पांड्या गेल्या तीन हंगामांपासून मुंबई इंडियन्सचे नेतृत्व करत आहे. मात्र, आयपीएल 2026 मधील त्याची फलंदाजी, गोलंदाजी आणि कर्णधारपद या तिन्ही आघाड्यांवरील कामगिरी अत्यंत निराशाजनक राहिली. दुसरीकडे, यशस्वी जैस्वाल हा राजस्थान रॉयल्सचा सर्वात महत्त्वाचा खेळाडू बनला असून तो भारतीय क्रिकेटचा उगवता तारा आहे. त्याला मुंबईच्या ताफ्यात आणण्यासाठी मुंबई इंडियन्स उत्सुक आहे.

हे ही वाचा -

KS Bharat News : 32 व्या वर्षी निवृत्ती! आता 'हा' भारतीय खेळाडू दुसऱ्या देशाकडून खेळणार; रोहित शर्माच्या नेतृत्वाखाली केले होते पदार्पण

दिनेश कार्तिक काय म्हणाला?

IPL 2027 SRH-DC Trade : 10.75 कोटींचा खेळाडू OUT! दिल्ली कॅपिटल्सचा मोठा निर्णय, हैदराबादशी अदलाबदल, नेमकं कोणाला घेतलं?

ऋषभ पंत आणि कुलदीप यादव यांच्यात ट्रेड- (Rishabh Pant and Kuldeep Yadav Trade IPL 2027)

ऋषभचे नुकसान, तर कुलदीपला फायदा- (Rishabh Pant and Kuldeep Yadav Trade IPL 2027)

राज्यासह देश-विदेशातील महत्वाच्या घडामोडी, VIDEO:

संबंधित बातमी:

Rishabh Pant: रिषभ पंतनं लखनौचं कर्णधारपद स्वत:हून सोडलं की LSG नं काढून घेतलं, नेमकं काय घडलं? रिपोर्टमध्ये नवा दावा

लखनौनं रिषभ पंतला कर्णधार पदावरुन काढलं

दिल्ली कॅपिटल्समध्ये परतणार

रिषभ पंतचं करिअर