CSK vs KKR 2024: केकेआरविरुद्ध नाणेफेक जिंकत चेन्नईचा गोलंदाजीचा निर्णय; जाणून घ्या, दोन्ही संघाची Playing XI

मुकेश चव्हाण Updated at: 08 Apr 2024 08:21 PM (IST)

CSK vs KKR 2024: कोलकाता प्रथम फलंदाजी करणार आहे.

csk vs kkr ( Image Source : IPL )

CSK vs KKR 2024: चेन्नई सुपर किंग्स (Chennai Super Kings) विरुद्ध कोलकाता नाईट रायडर्स (kolkata knight riders) यांच्यात सध्या सामना सुरु आहे. चेन्नईने नाणेफेक जिंकत प्रथम गोलंदाजी करण्यचा निर्णय घेतला आहे. कोलकाता प्रथम फलंदाजी करणार आहे.

चेन्नई सुपर किंग्सची Playing XI-

ऋतुराज गायकवाड (कर्णधार), रचिन रवींद्र, अजिंक्य रहाणे, डॅरेल मिचेल, समीर रिझवी, रवींद्र जडेजा, एमएस धोनी (विकेटकीपर), शार्दुल ठाकुर, मिस्तफिजुर रहमान, तुषार देशपांडे, महेश तीक्षणा

Ruturaj Gaikwad(c), Rachin Ravindra, Ajinkya Rahane, Daryl Mitchell, Sameer Rizvi, Ravindra Jadeja, MS Dhoni(w), Shardul Thakur, Mustafizur Rahman, Tushar Deshpande, Maheesh Theekshana

कोलकाता नाइट रायडर्सची Playing XI-

फिलिप सॉल्ट (विकेटकीपर), सुनील नरेन, श्रेयस अय्यर (कर्णधार), व्यंकटेश अय्यर, अंगकृष रघुवंशी, आंद्रे रसेल, रिंकू सिंग, रणदीप सिंग, मिचेल स्टार्क, वैभव अरोरा, वरुण चक्रवर्ती

Philip Salt(w), Sunil Narine, Venkatesh Iyer, Shreyas Iyer(c), Angkrish Raghuvanshi, Andre Russell, Rinku Singh, Ramandeep Singh, Mitchell Starc, Vaibhav Arora, Varun Chakaravarthy

खेळपट्टी कशी असेल?

चेन्नईतील एमए चिदंबरम स्टेडियम स्टेडियमवर नेहमीच फिरकी गोलंदाजांचा दबदबा असल्याचं आकडे सांगतात. पण यंदाच्या वर्षातील खेळपट्टी वेगळी असल्याचं दिसते. यंदाच्या हंगामात या मैदानावर दोन सामने झाले आहेत, त्या सामन्यात वेगवान गोलंदाजांना मदत मिळाली, तर फिरकी गोलंदाजांना संघर्ष करावा लागला. या खेळपट्टीवर फलंदाजांचा दबदबा दिसला. चेन्नईने या मैदानावर 200 धावांचा पल्ला आरामात पार केला होता. त्याशिवाय आरसीबीने दिलेल्या 173 धावांच्या आव्हानाचा पाठलाग आरामात केला होता. आजच्या सामन्यातही फलंदाजांचा दबदबा राहण्याची शक्यता नाकारता येत नाही.

गुणतालिकेत टॉपवर कोण?

आतापर्यंत संजू सॅमसनच्या नेतृत्वाखालील राजस्थान रॉयल्सने आपले चारही सामने जिंकले आहेत, त्यामुळे हा संघ 8 गुणांसह अव्वल स्थानावर आहे. याशिवाय कोलकाता नाईट रायडर्सने त्यांचे सलग तीनही सामने जिंकले, त्यामुळे श्रेयस अय्यरच्या संघाचे 6 गुण झाले आहेत. त्यामुळे आत्तापर्यंत राजस्थान रॉयल्स आणि कोलकाता नाईट रायडर्स प्लेऑफच्या शर्यतीत आघाडीवर आहेत. मात्र, अद्याप निम्मे सामनेही झाले नसल्यामुळे सध्याच्या गुणतालिकेत मोठा बदल होण्याची शक्यता आहे. उदाहरणार्थ, चौथ्या क्रमांकावरील चेन्नई सुपर किंग्ज आणि सातव्या क्रमांकावर असलेल्या गुजरात टायटन्सचे प्रत्येकी 4 गुण आहेत. अशा स्थितीत केवळ एका सामन्यानंतर मोठा बदल पाहायला मिळू शकतो.