CSK vs DC LIVE Score: दिल्ली अन् चेन्नईचा आमनासामना, सामन्याचा संक्षिप्त आढावा

IPL 2024, CSK vs DC LIVE Score: चेन्नईने पहिल्या दोन्ही सामन्यात विजय मिळवला आहे, ऋषभ पंतच्या नेतृत्वातील दिल्लीच्या संघाचा पहिल्या दोन्ही सामन्यात पराभव झालाय.

पार्श्वभूमी

IPL 2024, CSK vs DC LIVE Score: आयपीएल 2024 मध्ये आज (रविवार, 31 मार्च) दुसरा सामनादिल्ली आणि चेन्नई यांच्यामध्ये  होणार आहे. ऋतुराज गायकवाडच्या नेतृत्वातील चेन्नई संघ सध्या गुणतालिकेत अव्वल स्थानावर आहे. चेन्नईने पहिल्या दोन्ही सामन्यात विजय मिळवला आहे, ऋषभ पंतच्या नेतृत्वातील दिल्लीच्या संघाचा पहिल्या दोन्ही सामन्यात पराभव झालाय. दिल्लीचा संघ गुणतालिकेत तळाशी आहे. दिल्ली पहिल्या विजयासाठी मैदानात उतरणार आहे. हा सामना विशाखापट्टनम (ACA–VDCA Cricket Stadium) येथे होणार आहे. 

31/03/2024 23:23:29

चेन्नईचा पराभव

दिल्लीचा चेन्नईवर 20 धावांनी विजय... धोनीची 37 धावांची वादळी खेळी

31/03/2024 22:59:57

चेन्नईला सहावा धक्का

शिवम दुबेच्या रुपाने चेन्नईला सहावा धक्का बसला आहे. दुबेने 17 चेंडूमध्ये 18 धावा चोपल्या. 

31/03/2024 22:44:31

चेन्नईला लागोपाठ दुसरा धक्का

समिर रिझवीच्या रुपाने चेन्नईला पाचवा धक्का बसला. 

31/03/2024 22:40:59

चेन्नईला चौथा धक्का

अजिंक्य रहाणेच्या रुपाने चेन्नईला चौथा धक्का बसला आहे. रहाणे 45 धावा करुन तंबूत परतला. 

31/03/2024 22:24:23

चेन्नईला तिसरा धक्का

ऋतुराज गायकवाड आणि रचिन रवींद्र झटपट बाद झाल्यानंतर मिचेल आणि रहाणे यांनी चेन्नईचा डाव सावरला. ही जोडी धोकादायक झाली होती, त्यावेळी अक्षर पटेल यानं मिचेल याला तंबूचा रस्ता दाखवला. चेन्नई 3 बाद 75 धावा

31/03/2024 21:16:52

दिल्लीची 191 धावांपर्यंत मजल -

डेविड वॉर्नर आणि ऋषभ पंत यांच्या अर्धशतकी खेळीच्या बळावर दिल्लीने निर्धारित 20 षटकांमध्ये 191 धावांपर्यंत मजल मारली. डेविड वॉर्नर आणि पृथ्वी शॉ यांनी दिल्लीला आक्रमक सुरुवात करुन दिली. त्यानंतर ऋषभ पंत याने वादळी अर्धशतक ठोकत धावसंख्या 191 पर्यंत पोहचवली. दिल्लीकडून थ्वी शॉ 43, वॉर्नर 52 आणि ऋषभ पंत याने 51 धावांची खेळी केली. चेन्नईकडून पथिराणा याने तीन विकेट घेतल्या.  चेन्नईला विजयासाठी 192 धावांची गरज आहे. 

31/03/2024 21:07:33

दिल्लीला आणखी एक धक्का

अर्धशतकानंतर ऋषभ पंत बाद झाला

31/03/2024 21:06:36

ऋषभ पंतचं शानदार अर्धशतक

ऋषभ पंतचं शानदार अर्धशतक

31/03/2024 20:46:16

दिल्लीला आणखी एक धक्का

स्टब्स याला शून्यावर केले बाद

31/03/2024 20:44:17

दिल्लीला तिसरा धक्का

पथिराणा यानं मिचेल मार्श याला 18 धावांवर बाद करत दिल्लीला तिसरा धक्का दिला. 

31/03/2024 20:29:13

दिल्लीला लागोपाठ दोन धक्के

डेविड वॉर्नर याच्यानंतर ऋषभ पंतही बाद झाला. दिल्लीला दोन धक्के बसले आहे. दिल्लीने 11 षटकांत दोन बाद 105 धावा केल्या आहेत. पंत आणि मिचेल मार्श मैदानात

31/03/2024 19:54:38

दिल्लीची आक्रमक सुरुवात

प्रथम फलंदाजी करताना दिल्लीने आक्रमक सुरुवात केली आहे. डेविड वॉर्नर आणि पृथ्वी शॉ यानं वेगवान सुरुवात केली. 29 चेंडूमध्ये 41 धावांची भागिदारी केली.

31/03/2024 19:13:04

दिल्लीच्या ताफ्यात दोन बदल

कुलदीप यादव दुखापतग्रस्त झाला आहे. त्यामुळे त्याला आराम देण्यात आला आहे. कुलदीप यादव याच्या जागेवर दिल्लीने ईशांत शर्मा याला प्लेईंग 11 मध्ये स्थान दिले आहे. तर रिकी भुईच्या जागी पृथ्वी शॉ याला प्लेईंग 11 मध्ये स्थान देण्यात आले आहे. दुसरीकडे चेन्नईच्या संघाने कोणताही बदल केलेला नाही. मागील सामन्यातील विजयी संघ कायम उतरवला आहे. 

31/03/2024 19:12:47

चेन्नई सुपर किंग्सची प्लेईंग XI :

ऋतुराज गायकवाड (कर्णधार), रचिन रवींद्र, अजिंक्य रहाणे, डेरिल मिचेल, रवींद्र जडेजा, समीर रिजवी, एमएस धोनी (विकेटकीपर), दीपक चाहर, मथिशा पथिराणा, तुषार देशपांडे आणि मुस्तफिजुर रहमान

31/03/2024 19:03:02

दिल्ली कॅपिटल्सची प्लेईंग 11 :

ऋषभ पंत (कर्णधार), डेविड वॉर्नर, पृथ्वी शॉ, मिचेल मार्श, ट्रिस्टन स्टब्स, अक्षर पटेल, सुमित कुमार, एनरिक नॉर्खिया, ईशांत शर्मा, खलील अहमद, मुकेश कुमार

31/03/2024 19:01:25

ऋषभ पंतने नाणेफेक जिंकली

ऋषभ पंतने नाणेफेक जिंकून प्रथम फलंदाजीचा निर्णय घेतला आहे. चेन्नई प्रथम गोलंदाजीसाठी मैदानात उतरणार आहे. 

31/03/2024 18:58:49

हेड टू हेड स्थिती कशी आहे ?

दिल्ली कॅपिटल्स आणि चेन्नई सुपर किंग्स यांच्यामध्ये आयपीएलचे 29 सामने झाले आहेत. यामध्ये चेन्नईने 19 वेळा विजय मिळवलाय, तर दिल्लीला फक्त 10 सामन्यात विजय मिळवता आला आहे. म्हणजेच, आकड्यावरुन सध्या तरी चेन्नईचं पारडं जड असल्याचे दिसतेय. 

31/03/2024 18:53:14

थोड्याच वेळात होणार सामन्याला सुरुवात

दिल्ली आणि चेन्नई यांच्यातील सामन्याला थोड्याच वेळात सुरुवात होणार आहे. दोन्ही संघ मैदानात पोहचले आहेत. पंत आणि गायकवाड नाणेफेकीला उतरणार