GT vs MI Eliminator : टीम इंडियाचे कर्णधारपद मिळताच शुभमन गिलने हार्दिक पांड्याला दाखवला माज, एलिमिनेटर सामन्यातील 'तो' व्हिडिओ व्हायरल
आयपीएल 2025 च्या हंगामातील एलिमिनेटर सामना 30 मे रोजी गुजरात टायटन्स आणि मुंबई इंडियन्स यांच्यात मुल्लानपूर येथील स्टेडियमवर खेळवण्यात आला.
Shubman Gill and Hardik Pandya Video : आयपीएल 2025 च्या हंगामातील एलिमिनेटर सामना 30 मे रोजी गुजरात टायटन्स आणि मुंबई इंडियन्स यांच्यात मुल्लानपूर येथील स्टेडियमवर खेळवण्यात आला. मुंबई इंडियन्सने हा सामना 20 धावांनी जिंकला आणि दुसऱ्या क्वालिफायरसाठी त्यांचे तिकीट निश्चित केले. या सामन्यात गुजरात टायटन्सचा कर्णधार शुभमन गिल आणि मुंबई इंडियन्सचा कर्णधार हार्दिक पांड्या यांच्यात वाद झाला, ज्यामुळे दोघांमध्येही सर्व काही ठीक नसल्याचे दिसून आले. गुजरात टायटन्स (GT) आणि मुंबई इंडियन्स (MI) यांच्यातील या सामन्यात टॉसदरम्यान दोघांमध्ये झालेल्या क्षणिक वागणुकीने चाहत्यांमध्ये चर्चेला उधाण आले.
टॉस दरम्यान नेमकं काय घडलं?
गुजरात टायटन्स आणि मुंबई इंडियन्स यांच्यातील सामन्यात जेव्हा टॉस झाला, तेव्हा मुंबई संघाने जिंकला आणि प्रथम फलंदाजी करण्याचा निर्णय घेतला. त्याच वेळी, तेव्हा हार्दिक पांड्याने त्याच्याशी हस्तांदोलन करण्यासाठी हात पुढे केला, पण गिलने त्याकडे लक्ष दिले नाही. त्याचा व्हिडिओ सोशल मीडियावर खूप व्हायरल होत आहे आणि त्यातून हे देखील दिसून येते की दोघांमध्ये सर्व काही ठीक नाही.
🚨 Toss 🚨@mipaltan won the toss and elected to bat first against @gujarat_titans
— IndianPremierLeague (@IPL) May 30, 2025
Updates ▶️ https://t.co/R4RTzjQfph #TATAIPL | #GTvMI | #Eliminator | #TheLastMile pic.twitter.com/E3G3NU0FXK
गिलच्या विकेटनंतर हार्दिकचे रिअॅक्शन व्हायरल
एलिमिनेटर सामन्यात मुंबई इंडियन्स संघाने प्रथम फलंदाजी करताना 20 षटकांत 5 गडी गमावून 228 धावा केल्या. गुजरात टायटन्सला कर्णधार शुभमन गिलकडून मोठी खेळी अपेक्षित होती, पण पहिल्याच षटकात 1 धावांच्या वैयक्तिक धावसंख्येवर ट्रेंट बोल्टने त्याला एलबीडब्ल्यू बाद केले. गिलने पंचांच्या निर्णयावर डीआरएसएस घेतला, ज्यामध्ये हार्दिक पांड्या तेथून धावत असताना त्याच्या प्रतिक्रियेनेही सर्वांना आश्चर्यचकित केले.
Is There any Inside Rivalry Going Between Hardik Pandya and Shubman Gill after Trading Hardik to MI by GT 🤔🤔🤔#RohitSharma #ViratKohli #KLRahul #IPL2025 #RCB #GTvsMI pic.twitter.com/cw6fMYWVsD
— Monish (@Monish09cric) May 30, 2025
शुभमन गिलच्या बाद झाल्यानंतर या सामन्यात गुजरात टायटन्सला विजय मिळवून देण्याची जबाबदारी साई सुदर्शनच्या खांद्यावर आली, ज्यामध्ये एकेकाळी त्याने सामना खूप जवळ आणला होता, परंतु 80 धावा केल्यानंतर तो आऊट झाला. ज्यामुळे मुंबईला सामन्यात पुनरागमन करण्याची संधी मिळाली आणि शेवटी त्यांनी 20 धावांनी विजय मिळवला. आता मुंबई इंडियन्सचा संघ 1 जून रोजी पंजाब किंग्जविरुद्ध क्वालिफायर-2 सामना खेळण्यासाठी मैदानात उतरेल.
हे ही वाचा -
महत्त्वाच्या बातम्या
