IND vs PAK : बुमराह विरुद्ध साहिबजादा फरहान, उस्मान तारिक विरुद्ध हार्दिक पंड्या कोण कुणाला नाडणार? 'या' 5 लढती ठरतील निर्णायक
IND vs PAK 5 Battles: भारत-पाकिस्तान टी20 विश्वचषक 2026 च्या सामन्यात बुमराह विरुद्ध साहिबजादा फरहानसह पाच महत्वपूर्ण लढती होऊ शकतात.
Ind Vs Pak T20 World Cup 2026 : भारतीयांनाची उत्कंठा लागून राहिलेला टी-20 वर्ल्डकपमधील (T20 World Cup 2026) भारत आणि पाकिस्तान (Ind Vs Pak) यांच्यातील हाय-व्होल्टेज सामना आज 15 फेब्रुवारी रोजी कोलंबो येथील आर. प्रेमदासा स्टेडियमवर खेळवला जाणार आहे. या सामन्याला आता अवघ्या काही तासांचा अवधी शिल्लक राहिला आहे. अशातच या सामन्यात अनेक महत्वपूर्ण लढती दिसतील, ज्यात जसप्रीत बुमराह विरुद्ध साहिबजादा फरहान आणि उस्मान तारिक विरुद्ध हार्दिक पंड्या यांचा समावेश आहे. तर चला या सामन्यात होऊ शकणाऱ्या अशा पाच लढती पाहूया.
1- अभिषेक शर्मा विरुद्ध शाहीन आफ्रिदी (Abhishek Sharma vs Shaheen Afridi)
आशिया कप 2025 मध्ये भारत आणि पाकिस्तान यांच्यात तीन सामने खेळले गेले. या सामन्यांमध्ये भारतीय फलंदाज अभिषेक शर्मा आणि पाकिस्तानी वेगवान गोलंदाज शाहीन आफ्रिदी यांच्यात जोरदार वाद झाला. शाहीनविरुद्ध अभिषेकने खूप धावा केल्या. दोघांमधील विक्रमाबद्दल बोलायचे झाले तर, शाहीनने T20 आंतरराष्ट्रीय सामन्यांमध्ये अभिषेकचा सामना 19 चेंडूत केला आहे. अभिषेकने या चेंडूत 7 चौकार आणि 3 षटकारांच्या मदतीने 36 धावा केल्या आहेत. शाहीनने अद्याप अभिषेकला बाद केलेले नाही.
2- साहिबजादा फरहान विरुद्ध जसप्रीत बुमराह (Sahibzada Farhan vs Jasprit Bumrah)
दुसरी लढत साहिबजादा फरहान आणि जसप्रीत बुमराह यांच्यात होईल. दोघांमधील आकडेवारी पाहता, साहिबजादा फरहानने टी-20 आंतरराष्ट्रीय सामन्यांमध्ये बुमराहविरुद्ध 34 चेंडूत 51 धावा केल्या आहेत. तथापि, बुमराहने अद्याप पाकिस्तानी फलंदाजाला बाद केलेला नाही.
3- तिलक वर्मा विरुद्ध अबरार अहमद (Tilak Verma v. Abrar Ahmed)
या सामन्यात भारतीय फलंदाज तिलक वर्मा आणि अबरार अहमद यांच्यातही लढत होऊ शकते. तिलकने आतापर्यंत टी-20 आंतरराष्ट्रीय सामन्यांमध्ये अबरारविरुद्ध 26 चेंडूत 23 धावा केल्या आहेत. अबरारने तिलकला बाद केलेला नाही.
4- सॅम अयुब विरुद्ध अर्शदीप (Sam Ayub vs Arshdeep)
5- उस्मान तारिक विरुद्ध हार्दिक पंड्या (Usman Tariq vs Hardik Pandya)
स्पर्धेदरम्यान त्याच्या अॅक्शनमुळे चर्चेत असलेला पाकिस्तानचा फिरकी गोलंदाज उस्मान तारिक सर्व भारतीय फलंदाजांना आव्हान देऊ शकतो, परंतु त्याला हार्दिक पंड्याविरुद्ध गोलंदाजी करताना पाहणे मनोरंजक असेल.
इतर महत्वाच्या बातम्या
महत्त्वाच्या बातम्या
