Gautam Gambhir On Virat Kohli : गौतम गंभीरचा (Gautam Gambhir On Virat Kohli) आणखी एक व्हिडिओ सोशल मीडियावर व्हायरल होत आहे. स्पोर्ट्स अँकर मयंती लँगरवर विराटवरून घसरल्याचा प्रकार ताजा असतानाच आता नव्या व्हायरल व्हिडिओमध्ये गौतम गंभीर टीम इंडियाचा किंग विराट कोहलीला टोमणे मारताना दिसून येत आहे.
प्रसारक फक्त विराट कोहलीवरच लक्ष केंद्रित करतात आणि इतर खेळाडूंकडे दुर्लक्ष करतात असा आरोपही गंभीरने केला. गौतम गंभीर व्हिडिओमध्ये म्हणत आहे की, तू अर्धशतक केलेस आणि मीही अर्धशतक करतो, पण प्रसारक (स्पोर्ट्स ब्राँडकास्टर) मला फक्त दाखवत आहे. अशा परिस्थितीत दुसरा खेळाडू अंडररेट होतो.
'आमचा संघ बर्‍याच काळापासून आयसीसी स्पर्धा जिंकण्यात अपयशी ठरला आहे, पण...'
गौतम गंभीर पुढे म्हणत की, खेळाडू कशामुळे अंडररेट होतो? चाहत्यांव्यतिरिक्त, प्रसारक आणि तज्ज्ञ खेळाडूंना अंडररेट करण्यासाठी काम करतात. आमचा संघ दीर्घकाळापासून ICC स्पर्धा जिंकण्यात अपयशी ठरला आहे, परंतु आमचे खेळाडू संघ म्हणून नव्हे तर वैयक्तिकरित्या चांगली कामगिरी करत आहेत. गौतम गंभीरचा हा व्हिडिओ सोशल मीडियावर मोठ्या प्रमाणात व्हायरल होत आहे. याशिवाय सोशल मीडिया यूजर्स सतत कमेंट करून फीडबॅक देत आहेत.
'विराट कोहली चमकदार कामगिरी करत आहे यात शंका नाही, पण...'
गौतम गंभीर म्हणाला की, विराट कोहली चमकदार कामगिरी करत आहे यात शंका नाही, पण इतर खेळाडूंनीही योगदान दिले आहे. तो म्हणाला की भारतीय संघाने आपले सर्व 9 लीग सामने जिंकले आहेत, ज्यामध्ये रोहित शर्मा, मोहम्मद शमी, जसप्रीत बुमराह, रवींद्र जडेजा आणि केएल राहुल सारख्या खेळाडूंनी देखील महत्त्वपूर्ण योगदान दिले आहे, परंतु प्रसारक (स्पोर्ट्स ब्राँडकास्टर) या खेळाडूंवर कमी लक्ष केंद्रित करतात.
इतर महत्वाच्या बातम्या