Gujarat Titans : इंडियन प्रीमियर लीग (IPL) 2024 चा पाचवा सामना रविवारी (24 मार्च) अहमदाबादच्या नरेंद्र मोदी स्टेडियमवर खेळला गेला. गुजरात टायटन्स (GT) आणि मुंबई इंडियन्स (MI) यांच्यातील हा सामना रोमांचक झाला. शुभमन गिलच्या नेतृत्वाखालील गुजरात संघाने 6 धावांनी विजय मिळवला. 169 धावांच्या लक्ष्याला प्रत्युत्तर देताना हार्दिक पंड्याच्या नेतृत्वाखाली मुंबई इंडियन्सने 6 धावांनी विजय मिळवला. 9 विकेट्सवर फक्त 162 धावा करता आल्या. संघासाठी प्रभावशाली खेळाडू डेवाल्ड ब्रेविसने सर्वाधिक ४६ धावांची खेळी केली आणि रोहित शर्माने 43 धावांची खेळी केली. तर टिळक वर्माने 25 धावा केल्या.
गुजरात आली वर्ल्डकप किंगची आठवण
दरम्यान, या सामन्यात गुजरातचा संघ मोहम्मद शमी जायबंदी असल्याने आणि मागील मोसमातील कॅप्टन हार्दिक पांड्या मुंबईत कशी कामगिरी करणार याकडे लक्ष होते. मात्र, शुभमन गिलच्या नेतृत्वात दमदार सलामी दिली. मात्र, गुजरातला या सामन्यात वर्ल्डकप किंग मोहम्मद शमीची प्रकर्षाने आठवण झाली. शमी जखमी असल्याने आयपीएलला मुकणार आहे. त्यामुळे पहिला सामना खेळत असलेल्या गुजरातने त्याची आठवणीत एक पोस्ट शेअरत आम्ही मिस करत असल्याचे म्हटले आहे.
गुजरातने शमीच्या जागी वेगवान गोलंदाज संदीप वॉरियरला संघात घेतले आहे. जो यापूर्वी कोलकाता नाइट रायडर्सकडून खेळत होता. संदीपने 2019 मध्ये आयपीएलमध्ये प्रवेश केला होता, परंतु त्याने आतापर्यंत फक्त 5 सामने खेळले आहेत, ज्यामध्ये त्याने 2 विकेट घेतल्या आहेत. शमी घोट्याच्या दुखापतीने त्रस्त असून नुकतीच शस्त्रक्रिया झाली आहे. या कारणास्तव शमी जूनमध्ये होणाऱ्या टी-20 विश्वचषक 2024 मध्येही खेळू शकणार नाही. गुजरातने शमीच्या जागी संदीपला 50 लाखांच्या मूळ किमतीत घेतले आहे. केकेआरने आयपीएल 2022 च्या मेगा लिलावापूर्वी संदीपला सोडले होते. यानंतर त्याला कोणत्याही संघाने घेतले नाही.
हार्दिक पांड्या झाला ट्रोल
दरम्यान अहमदाबादच्या नरेंद्र मोदी स्टेडियमवर इंडियन प्रीमियर लीग (IPL) 2024 च्या सामन्यादरम्यान एक विचित्र दृश्य दिसले. हार्दिक पांड्या मुंबई संघाचे कर्णधार आहे. तो नाणेफेकसाठी मैदानात येताच प्रेक्षकांनी त्याला जोरदार ट्रोल केले. अनेकवेळा चाहत्यांनी पांड्यासमोर रोहित-रोहितच्या घोषणा दिल्या. अनेक व्हिडिओ सोशल मीडियावर व्हायरल होत आहेत.
इतर महत्वाच्या बातम्या