फिफा वर्ल्ड कपदरम्यान धक्कादायक घटना; फुटबॉलपटूला गोळ्या झाडून संपवलं; 5 महिन्यांपूर्वीच झालं होतं लग्न
Palestinian Goalkeeper Saleem Al-Ashqar Shot in Gaza : सध्या सुरू असलेल्या फिफा वर्ल्ड कप 2026 दरम्यान क्रीडा जगतातून एक अत्यंत धक्कादायक आणि दुःखद बातमी समोर आली आहे.
Palestinian Goalkeeper Saleem Al-Ashqar Shot in Gaza : सध्या सुरू असलेल्या फिफा वर्ल्ड कप 2026 (FIFA World Cup 2026) दरम्यान क्रीडा जगतातून एक अत्यंत धक्कादायक आणि दुःखद बातमी समोर आली आहे. पॅलेस्टाईनचा 32 वर्षीय फुटबॉलपटू सलीम खादर अल-अश्कर (Saleem Khader Al-Ashqar) याची गोळ्या झाडून हत्या करण्यात आली आहे. इस्रायली संरक्षण दलाच्या (IDF) गोळीबारात त्याचा मृत्यू झाला.
अवघ्या 5 महिन्यांपूर्वीच त्याचे लग्न झाले होते आणि त्याची पत्नी सध्या गरोदर आहे. पॅलेस्टाईन फुटबॉल असोसिएशनने (PFA) सलीम खादर अल-अश्करच्या निधनाच्या वृत्ताला दुजोरा दिला आहे. सलीम हा खान युनिस सर्व्हिसेस क्लबसाठी गोलकीपर म्हणून खेळायचा. या बातमीमुळे जगभरातील फुटबॉल चाहत्यांमध्ये तीव्र संताप आणि दुःख व्यक्त केले जात आहे.
कुटुंबावर कोसळला दुःखाचा डोंगर
पॅलेस्टाईन फुटबॉल असोसिएशनने दिलेल्या माहितीनुसार, सलीम खादर अल-अश्कर हा सात बहिणींचा एकुलता एक भाऊ होता. त्याच्या अकाली जाण्याने त्याची पत्नी आणि बहिणींवर दुःखाचा डोंगर कोसळला आहे. आपल्या पहिल्या बाळाचा चेहरा पाहण्यापूर्वीच सलीमने या जगाचा निरोप घेतला.
पॅलेस्टाईनमध्ये खेळाडूंचे मोठे नुकसान
पॅलेस्टाईनमध्ये सुरू असलेल्या अंतर्गत संघर्ष आणि युद्धाचा तेथील क्रीडा जगताला मोठा फटका बसला आहे. समोर आलेल्या आकडेवारीनुसार, या संघर्षामध्ये आतापर्यंत 1,009 ॲथलीट्सनी (खेळाडूंनी) आपला जीव गमावला आहे. यामध्ये 567 फुटबॉलपटू, प्रशिक्षक (Coaches) आणि रेफ्रींचा समावेश आहे. ही आकडेवारी दर्शवते की, चालू असलेल्या संघर्षामुळे पॅलेस्टाईनच्या क्रीडा क्षेत्राचे किती अतोनात नुकसान झाले आहे.
استشهاد حارس مرمى خدمات خانيونس سليم الأشقر برصاص الاحتلال
— Palestine Football Association (@Palestine_fa) June 29, 2026
🔗 لمزيد من التفاصيل 👇https://t.co/e9Ik1VpgyI pic.twitter.com/TtSJPp51vT
फिफा वर्ल्ड कप 2026 बद्दल काही महत्त्वाच्या गोष्टी
पॅलेस्टाईनचा संघ आशियाई पात्रता फेरीत (Asian Qualifiers) पुढे जाऊ शकला नाही, त्यामुळे ते या विश्वचषकाचा भाग नाहीत. यंदाच्या फिफा वर्ल्ड कपमध्ये पहिल्यांदाच 32 ऐवजी 48 संघ सहभागी झाले आहेत, ज्यांच्यामध्ये एकूण 104 सामने खेळवले जात आहेत. हा इतिहासिक विश्वचषक अमेरिका, मेक्सिको आणि कॅनडा या तीन देशांच्या संयुक्त यजमानपदाखाली खेळवला जात आहे. यापूर्वी 2022 चा फिफा वर्ल्ड कप कतारमध्ये आयोजित करण्यात आला होता.
हे ही वाचा -
महत्त्वाच्या बातम्या
