रशिया : फ्रान्सनं ऑस्ट्रेलियाचं आव्हान 2-1 असं मोडीत काढून, रशियातल्या फिफा विश्वचषकाच्या क गटात विजयी सलामी दिली. हा सामना संपायला नऊ मिनिटांचा अवधी असताना फ्रान्सच्या पॉल पोग्बानं डागलेला गोल निर्णायक ठरला. पोग्बाच्या या गोलवर चेंडू साईडबारवर आदळून गोलपोस्टमध्ये गेला आणि पुन्हा बाहेर आला. पण गोललाईन तंत्रज्ञानानं फ्रान्सच्या दुसऱ्या गोलवर शिक्कामोर्तब केलं. फ्रान्स आणि ऑस्ट्रेलियानं आपापला पहिला गोल हा पेनल्टीवरच नोंदवला. अॅन्टॉईन ग्रिझमननं 51 व्या मिनिटाला फ्रान्सचं, तर माईल जेडिनाकनं 62 व्या मिनिटाला ऑस्ट्रेलियाचं खातं उघडलं होतं.