IND vs NZ 4th T20 Live Streaming : 40 हजार प्रेक्षकांसमोर चौथ्या टी-20 सामन्याचा हायव्होल्टेज ड्रामा! भारत-न्यूझीलंड मॅच Freeमध्ये पाहण्यासाठी वापरा 'ही' ट्रिक, जाणून घ्या A टू Z

Shreyas Iyer : आम्हाला पुन्हा विचार करावा लागेल...,श्रेयस अय्यरनं चौथ्या टी 20 सामन्यातील पराभवाचं खापर कोणावर फोडलं?

युवराज जाधव — Fri, 30 Oct 2026 21:02:01 +0530

ऑकलंड : भारत आणि न्यूझीलंड यांच्यातील चौथा टी 20 सामना ऑकलंडमध्ये पार पडला. न्यूझीलंडनं हा सामना 87 धावांनी जिंकला. श्रेयस अय्यरनं टॉस जिंकून पहिल्यांदा गोलंदाजी करण्याचा निर्णय घेतला. मात्र, भारताचे गोलंदाज चांगली कामगिरी करण्यात अपयशी ठरले. यामुळं न्यूझीलंडनं 20 ओव्हरमध्ये 259 धावा केल्या. या धावसंख्येचा पाठलाग करताना भारताचा संघ 20 ओव्हरमध्ये 9 बाद 172 धावा करु शकला श्रेयस अय्यरनं मॅचनंतर पराभवाला गोलंदाजांची खराब कामगिरी कारणीभूत असल्याचं म्हटलं. नितीशकुमार रेड्डीनं 64 धावा दिल्या, तर प्रिन्स यादवनं 49, मयंक यादवनं 3 विकेट घेत 48 धावा दिल्या.

श्रेयस अय्यरनं मॅचनंतर म्हटलं की आमच्या गोलंदाजीमध्ये उणिवा राहिल्या होत्या. पॉवरप्लेमध्ये तिसऱ्या ओव्हरमध्ये न्यूझीलंडला मोमेंटम मिळाला. ग्लेन फिलिप्सनं शानदार फटकेबाजी केली. मला देखील ते शॉट पाहताना आनंद वाटला. आता मागे वळून पाहण्याची आणि आम्ही कमबॅक कसं करु शकतो याचा विचार करण्याची गरज आहे. आम्हाला पुन्हा रणनीतीवर काम करावं लागेल आणि ती योग्य प्रकारे अंमलात आणावी लागेल.

शिकण्याचा चांगला अनुभव होता

श्रेयस अय्यर म्हणाला की मैदानाचा आकार असा असेल याबाबत आम्ही पहिल्यांदा चर्चा केली होती. काही खेळाडूंसाठी हा अनुभव पहिल्यांदा होता, त्यामुळं त्यांना त्याच्यासोबत जुळवून घेणं शक्य नव्हतं. पहिल्या तीन सामन्यात केलेली कामगिरी शानदार होती. हा शिकण्यासाठी चांगला अनुभव होता, असं अय्यरनं म्हटलं.

भारताच्या गोलंदाजांच्या कामगिरीचा विचार केल्यास मयंक यादवनं सर्वाधिक 3 विकेट घेतल्या. त्यानं पहिल्या ओव्हरमध्येच टिम सेफर्टची विकेट घेतली. मात्र, त्यानं 48 धावा दिल्या. प्रिन्स यादवनं 4 ओव्हर मध्ये 49 धावा देत 1 विकेट घेतली. नितीशकुमार रेड्डीनं 4 ओव्हरमध्ये 64 धावा दिल्या. त्यानं एकाच ओव्हरमध्ये 32 धावा दिल्या. अक्षर पटेलनं 3 ओव्हरमध्ये 43 धावा दिल्या.

फलंदाज ढेपाळले

भारताची गोलंदाजी खराब झाली त्याप्रमाणं फलंदाजी देखील खराब झाली. 260 धावांचा पाठलाग करताना पहिल्याच ओव्हरमध्ये भारताच्या दोन विकेट गेल्या. संजू सॅमसन 4 धावांवर बाद झाल तर आणि ईशान किशनला खातं उघडता आलं नाही. त्यानंतर नियमित अंतरानं भारताचे फलंदाज बाद होत गेले.

IND vs NZ: वैभवला बाहेर बसवून ईशान किशनला खेळवलं, गंभीर अय्यरनं टाकलेला डाव त्यांच्याच अंगलट आला, टीम इंडियाच्या पराभवाची कारणं....

युवराज जाधव — Fri, 30 Oct 2026 18:00:58 +0530

IND vs NZ ऑकलंड : भारत आणि न्यूझीलंड यांच्यात चौथा टी 20 सामना ऑकलंड येथे पार पडला. या सामन्यात न्यूझीलंडनं भारताला 87 धावांनी पराभूत केलं. न्यूझीलंडनं टॉस जिंकून पहिल्यांदा फलंदाजी करताना 7 बाद 259 धावा केल्या होत्या. भारताला विजयासाठी 260 धावांची गरज होती. मात्र, भारताची सुरुवात अडखळत झाली. यामुळं भारताचा संघ 20 ओव्हरमध्ये 9 बाद 179 धावांपर्यंत पोहोचला. वैभव सूर्यवंशी आणि भुवनेश्वर कुमार यांना संघाबाहेर ठेवणं टीम इंडियाला महागात पडल्याचं बोललं जातंय.

वैभव सूर्यवंशी आणि अभिषेक शर्माची जोडी तिसऱ्या टी 20 मध्ये सलामीला आली होती. दोघांनी पॉवरप्लेमधील भारताची सर्वाधिक धावसंख्या नोंदवत विक्रमाची नोंद केली होती. वैभव सूर्यवंशीनं तिसऱ्या टी 20 सामन्यात 45 धावा केल्या होत्या.मात्र, चौथ्या टी 20 सामन्यात वैभव सूर्यवंशीला वगळून ईशान किशनला संधी देण्यात आली. भुवनेश्वर कुमारला संघाबाहेर काढून मयंक यादवला संधी दिली गेली. या दोन बदलानंतर देखील भारताला पराभव स्वीकारावा लागला. भुवनेश्वर कुमारच्या जागी संधी मिळालेल्या मयंक यादव यानं 4 ओव्हरमध्ये 48 धावा देत तीन विकेट घेतल्या. तर, वैभव सूर्यवंशीच्या जागेवर संधी मिळालेल्या ईशान किशनला खातं उघडता आलं नाही. यामुळं मुख्य प्रशिक्षक गौतम गंभीर आणि कर्णधार श्रेयस अय्यरचा निर्णय फसल्याचं बोललं जातंय.

नितीशकुमार रेड्डीनं पहिल्या तीन टी 20 सामन्यांमध्ये दमदार कामगिरी केली होती. मात्र, चौथ्या टी 20 सामन्यात त्यानं चार ओव्हरमध्ये 64 धावा दिल्या. त्याला एक विकेट मिळाली मात्र न्यूझीलंडच्या फलंदाजांनी त्याच्या विरोधात खूप धावा केल्या. भुवनेश्वर कुमारच्या जागी संधी मिळालेल्या मयंक यादव यानं 48 धावा देत तीन विकेट घेतल्या. मात्र, त्यानं अधिक धावा दिल्या. प्रिन्स यादवनं एक विकेट घेतली. प्रिन्स यादव आणि मयंक यादव यांना एकाचवेळी संघात संधी मिळण्याची ही पहिलीच वेळ होती. प्रिन्स यादवनं 49 धावा दिल्या.

भारताला तज्ज्ञ फिरकीपटू संघात नसल्याचा फटका बसला. वरुण चक्रवर्ती आणि कुलदीप यादव संघात असून देखील त्यांना बाहेर ठेवण्यात आलं आहे. टीम मॅनेजमेंट ऑलराऊंडर खेळाडूंना खेळवण्याला प्रोत्साहन देत आहे.

भारताच्या पराभवाच मोठं कारण म्हणजे टॉप ऑर्डरमध्ये झालेले बदल संघासाठी अडचणीचे ठरले. वैभव सूर्यवंशीच्या जाग्यावर फलंदाजीला आलेला ईशान किशन खातं देखील उघडू शकला नाही. अभिषेक शर्माला देखील मोठी खेळी करता आली नाही. तो 27 धावा करुन बाद झाला. तर, संजू सॅमसन 4 धावा करु शकला.

टीम इंडियाचा कर्णधार श्रेयस अय्यर देखील सूर्यकुमार यादव प्रमाणं अपयशी ठरताना दिसतोय. भारताची टॉप ऑर्डर अपयशी ठरल्यानंतर श्रेयस अय्यर चांगली फलंदाजी करेल अशी आशा होती. मात्र, तो 22 धावा करुन बाद झाला. या मालिकेतील चार सामन्यांमध्ये श्रेयस अय्यरला एकदाही अर्धशतक करता आलं नाही.

दरम्यान, पाचव्या टी 20 सामन्यात टीम इंडिया पुन्हा विजयाच्या ट्रॅकवर परतणार का? वैभव सूर्यवंशीला पुन्हा संधी मिळणार का याकडे क्रिकेट चाहत्यांचं लक्ष लागलंय.

IND vs NZ 4th T20 : फिलिप्सने मैदान गाजवलं, भारतीय फलंदाजांनी लाज घालवली! संजू, इशान, अय्यर सगळ्यांनी न्यूझीलंडसमोर गुडघे टाकले, भारताचा लाजिरवाणा पराभव

किरण महानवर — Fri, 30 Oct 2026 16:27:01 +0530

New Zealand beat India 4th T20I : ऑकलंडच्या ईडन पार्क मैदानावर रंगलेल्या भारत विरुद्ध न्यूझीलंड यांच्यातील चौथ्या टी-20 सामन्यात यजमान न्यूझीलंडने तुफानी कामगिरी करत टीम इंडियाचा 87 धावांनी पराभव केला. ग्लेन फिलिप्सच्या 107 धावांच्या स्फोटक शतकी खेळीच्या आणि मायकेल ब्रेसवेलच्या 65 धावांच्या जोरावर न्यूझीलंडने निर्धारित 20 षटकांत 259 धावांचा डोंगर उभा केला होता. या धावांचा पाठलाग करताना पहिल्याच षटकात संजू सॅमसन व इशान किशन शून्यावर बाद झाल्याने भारतीय संघाची सुरुवात अत्यंत निराशाजनक झाली. अभिषेक शर्मा आणि कर्णधार श्रेयस अय्यरही दबावाखाली अपयशी ठरल्याने टीम इंडियाचा डाव 172 धावांतच आटोपला. या सामन्यात पराभव पत्करावा लागला असला, तरी 5 सामन्यांच्या टी-20 मालिकेत भारताने 3-1 अशी अजिंक्य आघाडी घेत मालिका आधीच आपल्या नावे केली आहे.

फिलिप्स आणि ब्रेसवेलचा तांडव!

भारताने नाणेफेक जिंकून प्रथम गोलंदाजी करण्याचा निर्णय घेतला. मात्र, न्यूझीलंडच्या फलंदाजांनी भारतीय गोलंदाजांची चांगलीच धुलाई केली. न्यूझीलंडने निर्धारित 20 षटकांत 7 गडी गमावून तब्बल 259 धावांचा डोंगर उभारला. न्यूझीलंडकडून ग्लेन फिलिप्सने 107 धावांची तुफानी शतकी खेळी केली, तर मायकेल ब्रेसवेलने 65 धावांचे योगदान दिले. या दोघांनी पाचव्या विकेटसाठी 115 धावांची महत्त्वपूर्ण भागीदारी करत न्यूझीलंडला मोठ्या धावसंख्येपर्यंत पोहोचवले.

फिलिप्स आणि ब्रेसवेल यांच्या आक्रमक फलंदाजीने भारतीय गोलंदाजांवर दबाव निर्माण केला. त्यांच्याशिवाय फिन ॲलनने 31, डॅरिल मिचेलने 24, बेव्हन जेकब्सने 7, मिचेल सँटनरने 5 आणि टिम सायफर्टने 3 धावा केल्या. नॅथन स्मिथ 6, तर ॲडम मिल्ने 1 धावेवर नाबाद राहिला. भारताकडून मयंक यादवने सर्वाधिक 3 विकेट्स घेतल्या. अर्शदीप सिंग, प्रिन्स यादव, नितीश कुमार रेड्डी आणि अक्षर पटेल यांनी प्रत्येकी एक विकेट मिळवली.

टीम इंडियाची धक्कादायक सुरुवात

भारताकडून अभिषेक शर्माने आक्रमक फलंदाजी करत 15 चेंडूंत 27 धावा केल्या. त्याने ३ चौकार आणि एका षटकारासह न्यूझीलंडच्या गोलंदाजांवर हल्ला चढवला. मात्र, मॅथ्यू फिशरने त्याला मिचेल सँटनरकरवी झेलबाद केले. संजू सॅमसनला अवघ्या 4 धावांवर जेकब डफीने टिम सायफर्टकरवी झेलबाद केले. त्यानंतर ईशान किशनला स्वतःच्याच गोलंदाजीवर झेलबाद करत डफीने भारताला दुसरा धक्का दिला. ईशानला भोपळाही फोडता आला नाही. भारताने अवघ्या 6 षटकांत 4 गडी गमावून 61 धावा केल्या आहेत.

यानंतर अक्षर पटेल नऊ चेंडूंमध्ये केवळ सात धावाच करू शकला. नितीश कुमार रेड्डीने दोन षटकारांच्या मदतीने 10 चेंडूंमध्ये 21 धावा केल्या. आठव्या क्रमांकावर फलंदाजीला आलेल्या नमन धीरने दोन चौकार आणि दोन षटकारांच्या मदतीने 13 चेंडूंमध्ये 28 धावा केल्या. तिलक वर्मा शेवटपर्यंत सावकाश खेळला. त्याने 35 चेंडूंमध्ये फक्त 35 धावा केल्या आणि टीम इंडिया 20 षटकांत नऊ गडी गमावून केवळ 172 धावा केल्या, त्यानंतर न्यूझीलंडने भारताचा 87 धावांनी पराभव केला.

हे ही वाचा -

Ind vs NZ 4th T20I : 20 षटकार, 15 चौकार अन् 259 धावा; ग्लेन फिलिप्सचं वादळी शतक, न्यूझीलंडने मोडले सगळे विक्रम, टीम इंडियाचे खेळाडू फक्त पाहत राहिले

Ind vs NZ 4th T20I : 20 षटकार, 15 चौकार अन् 259 धावा; ग्लेन फिलिप्सचं वादळी शतक, न्यूझीलंडने मोडले सगळे विक्रम, टीम इंडियाचे खेळाडू फक्त पाहत राहिले

किरण महानवर — Fri, 30 Oct 2026 14:58:56 +0530

India vs New Zealand 4th T20I : भारत आणि न्यूझीलंड यांच्यातील पाच सामन्यांच्या टी-20 मालिकेतील चौथा सामना आज (30 ऑक्टोबर) ऑकलंडमधील ईडन पार्कवर खेळवला जात आहे. या सामन्यात भारतीय संघाने नाणेफेक जिंकून प्रथम गोलंदाजी करण्याचा निर्णय घेतला. त्यामुळे न्यूझीलंडचा संघ प्रथम फलंदाजीसाठी मैदानात उतरला. मात्र, न्यूझीलंडच्या फलंदाजांनी भारतीय गोलंदाजांची अक्षरशः धुलाई करत निर्धारित 20 षटकांत 7 बाद 259 धावांचा डोंगर उभारला. त्यामुळे भारतीय संघासमोर विजयासाठी 260 धावांचे मोठे लक्ष्य आहे.

ग्लेन फिलिप्सचं वादळ

न्यूझीलंडकडून ग्लेन फिलिप्सने तुफानी फलंदाजी करत भारतीय गोलंदाजांचा समाचार घेतला. त्याने अवघ्या 49 चेंडूंत 107 धावांची वादळी खेळी केली. या खेळीत त्याने 6 चौकार आणि तब्बल 10 षटकार ठोकले. त्याचा स्ट्राइक रेट 218.37 इतका होता. फिलिप्सला मायकेल ब्रेसवेलने दमदार साथ दिली. ब्रेसवेलने अवघ्या 25 चेंडूंत 65 धावा कुटल्या. त्याने आपल्या खेळीत 4 चौकार आणि 6 षटकार मारले. फिलिप्स आणि ब्रेसवेल यांच्यात पाचव्या विकेटसाठी अवघ्या 40 चेंडूंत 115 धावांची भागीदारी झाली. ही भागीदारी न्यूझीलंडच्या मोठ्या धावसंख्येचा पाया ठरली. याशिवाय फिन ॲलनने 17 चेंडूंत 31 धावा केल्या, तर डॅरिल मिचेलने अवघ्या 9 चेंडूंत 24 धावा ठोकल्या. मात्र, टिम सायफर्टला केवळ 3 धावा करता आल्या. बेवॉन जेकब्स 7 धावा करून माघारी परतला. कर्णधार मिचेल सँटनरने 5 धावांचे योगदान दिले.

Innings Break! New Zealand post a total of 259/7 for India to chase. Scorecard - https://t.co/fx264c9iLe #NZvIND https://t.co/GxwJ1GiBJx
— BCCI (@BCCI) October 30, 2026

भारतीय गोलंदाजांची महागडी गोलंदाजी

न्यूझीलंडच्या फलंदाजांसमोर भारतीय गोलंदाजांची चांगलीच दमछाक झाली. मयांक यादवने 4 षटकांत 48 धावा देत सर्वाधिक 3 विकेट्स घेतल्या. अर्शदीप सिंगने 4 षटकांत 38 धावा देत 1 विकेट मिळवली. प्रिन्स यादवने 4 षटकांत 49 धावा देत 1 विकेट घेतली. अक्षर पटेल आणि नितीश कुमार रेड्डी यांनी प्रत्येकी एक विकेट मिळवली. मात्र, नितीश रेड्डीने 4 षटकांत तब्बल 64 धावा दिल्या. त्याची इकॉनॉमी 16 इतकी राहिली.

विशेष म्हणजे न्यूझीलंडने पॉवरप्लेमध्येच 67 धावा चोपल्या. त्यानंतर फिलिप्स आणि ब्रेसवेल यांच्या फटकेबाजीने धावांचा वेग आणखी वाढवला. अखेर न्यूझीलंडने 20 षटकांत 259 धावा उभारत भारतीय संघासमोर विजयासाठी 260 धावांचे आव्हान ठेवले.

न्यूझीलंडच्या T20I मधील सर्वोच्च धावसंख्या (Highest T20I totals for New Zealand)

259/7 वि. भारत, ऑकलंड 2026
254/5 वि. स्कॉटलंड, एडिनबर्ग 2022
243/5 वि. वेस्ट इंडीज, माउंट मौनगानुई 2018
243/6 वि. ऑस्ट्रेलिया, ऑकलंड 2018

भारताविरुद्ध T20I मधील सर्वोच्च धावसंख्या (New Zealand Highest T20I totals vs India)

259/7 न्यूझीलंड, ऑकलंड 2026
257/3 इंग्लंड, साउदम्प्टन 2026
252/4 वेस्ट इंडीज, रांची 2026
247/3 वेस्ट इंडीज, हैदराबाद 2026
246/7 इंग्लंड, वानखेडे 2026
245/6 वेस्ट इंडीज, लॉडरहिल 2016

हे ही वाचा -

India vs Pakistan : मोठी बातमी : पाकिस्तानी फलंदाजांनी कृणाल पांड्याला धू-धू धुतला, 23 चेंडूत संपवली मॅच; टीम इंडियाचा लाजिरवाणा पराभव, नेमकं काय घडलं?

India vs Pakistan : मोठी बातमी : पाकिस्तानी फलंदाजांनी कृणाल पांड्याला धू-धू धुतला, 23 चेंडूत संपवली मॅच; टीम इंडियाचा लाजिरवाणा पराभव, नेमकं काय घडलं?

किरण महानवर — Fri, 30 Oct 2026 13:24:07 +0530

India vs Pakistan Hong Kong Sixes 2026 Highlights : हाँगकाँग सिक्सर्स स्पर्धेत भारत आणि पाकिस्तान यांच्यातील सामन्यात पाकिस्तानी फलंदाजांनी भारतीय गोलंदाजांची अक्षरशः धुलाई केली. शुक्रवारी (30 ऑक्टोबर) झालेल्या या सामन्यात पाकिस्तानने भारताचा दारुण पराभव केला. भारताने पाकिस्तानसमोर विजयासाठी 89 धावांचे लक्ष्य ठेवले होते. मात्र, पाकिस्तानने अवघ्या 3.5 षटकांत 2 गडी गमावत 91 धावा करत विजय मिळवला. विशेष म्हणजे पाकिस्तानने केवळ 23 चेंडूंत हे लक्ष्य गाठले.

या सामन्यात पाकिस्तानच्या फलंदाजांनी भारतीय गोलंदाजांचा चांगलाच समाचार घेतला. ख्वाजा नफे आणि अब्बास आफ्रिदी यांनी तुफानी फलंदाजी करत भारताच्या विजयाच्या आशा संपुष्टात आणल्या. भारतीय गोलंदाजीची सर्वाधिक धुलाई कर्णधार कृणाल पांड्याच्या एका षटकात झाली. त्याच्या एका षटकात तब्बल 31 धावा वसूल करण्यात आल्या.

भारताची फलंदाजी ठरली अपयशी

या सामन्यात पाकिस्तानने नाणेफेक जिंकून प्रथम गोलंदाजी करण्याचा निर्णय घेतला. मोंग कोक येथील मिशन रोड मैदानावर झालेल्या या सामन्यात भारतीय फलंदाजांना मोठी धावसंख्या उभारता आली नाही. भारताची सुरुवात खराब झाली. मोहम्मद शहजादने राहुल त्रिपाठीला बाद केले. त्रिपाठीने दोन चौकारांच्या मदतीने 5 चेंडूंत 9 धावा केल्या. त्यानंतर शशांक सिंगने मैदानात येत आक्रमक फलंदाजी केली. त्याने अवघ्या 11 चेंडूंत 2 चौकार आणि 4 षटकारांसह 40 धावांची तुफानी खेळी केली.

दुसऱ्या बाजूला नितीश राणाला मात्र अपेक्षित वेगाने धावा करता आल्या नाहीत. त्याने 2 षटकार आणि एका चौकाराच्या मदतीने 14 चेंडूंत 19 धावा केल्या. त्यानंतर तो निवृत्त झाला. राहुल तेवतिया आणि कर्णधार कृणाल पांड्या यांनाही मोठी खेळी करता आली नाही. अब्दुल समदने सलग दोन चेंडूंवर या दोघांना बाद केले. टी. नटराजनने 6 चेंडूंत 12 धावा करत नाबाद योगदान दिले. कुलवंत खेजरोलिया खाते न उघडता नाबाद राहिला. अशा प्रकारे भारताने पाकिस्तानसमोर 89 धावांचे लक्ष्य ठेवले.

पाकिस्तानी फलंदाजांचा भारतीय गोलंदाजांवर हल्ला!

89 धावांच्या लक्ष्याचा पाठलाग करताना पाकिस्तानने सुरुवातीपासूनच आक्रमक पवित्रा घेतला. ख्वाजा नफे आणि अब्बास आफ्रिदी यांनी भारतीय गोलंदाजांना एकही संधी दिली नाही. ख्वाजा नफेने अवघ्या 12 चेंडूंत 2 चौकार आणि 5 षटकारांच्या मदतीने 41 धावा कुटल्या. त्याचा स्ट्राइक रेट तब्बल 341.67 होता. तर अब्बास आफ्रिदीने केवळ 8 चेंडूंत 1 चौकार आणि 5 षटकारांसह 35 धावा ठोकल्या. त्याचा स्ट्राइक रेट 437.50 इतका होता. या दोघांच्या आक्रमक फलंदाजीमुळे पाकिस्तानने अवघ्या 3.5 षटकांत विजय मिळवला. अब्बास आफ्रिदीला शशांक सिंगने बाद केले, तर ख्वाजा नफेला राहुल तेवतियाने माघारी धाडले. मात्र, तोपर्यंत पाकिस्तान विजयाच्या उंबरठ्यावर पोहोचला होता. अब्दुल समद 7 आणि इरफान खान 6 धावांवर नाबाद राहिले.

कृणाल पांड्याच्या एका षटकात 31 धावा!

या सामन्यात भारतीय गोलंदाजांची कामगिरी अत्यंत निराशाजनक ठरली. विशेषतः कर्णधार कृणाल पांड्याला पाकिस्तानी फलंदाजांनी लक्ष्य केले. त्याने टाकलेल्या एका षटकात तब्बल 31 धावा लुटल्या. टी. नटराजननेही एका षटकात 28 धावा दिल्या. राहुल तेवतियाने 0.5 षटकांत 18 धावा दिल्या, तर शशांक सिंगने एका षटकात 14 धावा देत एक विकेट मिळवली. भारतीय गोलंदाजांना पाकिस्तानी फलंदाजांच्या फटकेबाजीवर नियंत्रण मिळवता आले नाही. अशा प्रकारे पाकिस्तानने भारताला पराभूत करत हाँगकाँग सिक्सर्स स्पर्धेत मोठा विजय नोंदवला. अवघ्या 23 चेंडूंत लक्ष्याचा पाठलाग करत पाकिस्तानी फलंदाजांनी भारतीय गोलंदाजीचा अक्षरशः पालापाचोळा केला.

हे ही वाचा -

Mumbai Indians IPL 2026 : मुंबई इंडियन्सने रातोरात बदलला कोचिंग स्टाफ! बॅटिंग कोच म्हणून रॉबिन उथप्पाची नियुक्ती, नव्या कोचिंग स्टाफमध्ये कोणाकोणाला संधी?

IND vs NZ 4th T20I : तीन सामने खेळल्यानंतर भुवनेश्वर कुमारला बाहेरचा रस्ता, वैभव सूर्यवंशीही OUT, न्यूझीलंडविरुद्ध चौथ्या टी-20 साठी भारताची Playing XI जाहीर

किरण महानवर — Fri, 30 Oct 2026 12:30:58 +0530

India vs New Zealand 4th T20I Playing XI : भारत आणि न्यूझीलंड यांच्यातील पाच सामन्यांच्या टी-20 मालिकेतील चौथा सामना आज (30 ऑक्टोबर) ऑकलंडमधील ईडन पार्क मैदानावर खेळवला जात आहे. या सामन्यात भारतीय संघाचा कर्णधार श्रेयस अय्यरने नाणेफेक जिंकून प्रथम गोलंदाजी करण्याचा निर्णय घेतला आहे. त्यामुळे न्यूझीलंडचा संघ प्रथम फलंदाजीसाठी मैदानात उतरेल. मालिकेत याआधीच आघाडी घेतलेल्या भारतीय संघाचा आजचा सामना जिंकून आपला दबदबा कायम राखण्याचा प्रयत्न असेल.

दरम्यान, या सामन्यासाठी भारतीय संघाच्या प्लेइंग-11 मध्ये दोन महत्त्वाचे बदल करण्यात आले आहेत. युवा फलंदाज वैभव सूर्यवंशीला बाहेर करण्यात आले असून, त्याच्या जागी अनुभवी फलंदाज इशान किशनला संधी देण्यात आली आहे. तर तीन सामने खेळल्यानंतर वेगवान गोलंदाज भुवनेश्वर कुमारच्या जागी मयंक यादवचे संघात पुनरागमन झाले आहे. त्यामुळे या दोन बदलांकडे सर्वांचे लक्ष लागले आहे.

श्रेयस अय्यरने टॉस जिंकताच घेतला मोठा निर्णय!

नाणेफेक जिंकल्यानंतर भारतीय कर्णधार श्रेयस अय्यरने प्रथम गोलंदाजी करण्याचा निर्णय स्पष्ट केला. मागील सामन्यांप्रमाणेच सकारात्मक दृष्टिकोन कायम ठेवणार असल्याचे त्याने सांगितले. भारतीय खेळाडूंनी पहिल्या चेंडूपासून दाखवलेला आक्रमक इरादा आणि मैदानावर केलेली कामगिरी शानदार होती, असेही श्रेयसने नमूद केले.

श्रेयस म्हणाला की, संघातील प्रत्येक खेळाडूला निर्दयीपणे खेळण्याचा संदेश देण्यात आला आहे. सर्व खेळाडू उत्साहात असून, आजही त्यांच्याकडून दमदार कामगिरीची अपेक्षा आहे. ऑकलंडमध्ये वाऱ्याचा वेग आणि थंडी वाढत असल्याचेही त्याने सांगितले. ईडन पार्कच्या खेळपट्टीवर चेंडूला चांगला उसळी आणि स्विंग मिळण्याची शक्यता असल्याने प्रथम गोलंदाजी करण्याचा निर्णय घेतल्याचे त्याच्या वक्तव्यावरून स्पष्ट झाले.

वैभव सूर्यवंशी OUT, इशान किशन IN; मयंक यादवचेही पुनरागमन

चौथ्या टी-20 सामन्यासाठी भारतीय संघात दोन बदल झाले आहेत. युवा फलंदाज वैभव सूर्यवंशीला या सामन्यातून विश्रांती देण्यात आली असून, त्याच्या जागी इशान किशनला प्लेइंग-11 मध्ये स्थान मिळाले आहे. दुसरीकडे, भुवनेश्वर कुमारच्या जागी वेगवान गोलंदाज मयंक यादवला संधी देण्यात आली आहे.

न्यूझीलंडविरुद्ध चौथ्या टी-20 साठी भारताची Playing XI

अभिषेक शर्मा, संजू सॅमसन (विकेटकीपर), इशान किशन, श्रेयस अय्यर (कर्णधार), तिलक वर्मा, नितीश कुमार रेड्डी, नमन धीर, अक्षर पटेल, अर्शदीप सिंग, मयंक यादव, प्रिन्स यादव.

हे ही वाचा -

Mumbai Indians IPL 2026 : मुंबई इंडियन्सने रातोरात बदलला कोचिंग स्टाफ! आता बॅटिंग कोच म्हणून रॉबिन उथप्पाची नियुक्ती, नव्या कोचिंग स्टाफमध्ये कोणाकोणाला संधी?

किरण महानवर — Fri, 30 Oct 2026 11:08:59 +0530

Robin Uthappa Batting Coach Head Mumbai Indians IPL 2026 : आयपीएलमधील पाच वेळा चॅम्पियन ठरलेल्या मुंबई इंडियन्सने आगामी हंगामाच्या तयारीला सुरुवात केली असून, आपल्या कोचिंग स्टाफमध्ये मोठे फेरबदल केले आहेत. संघ व्यवस्थापनाने नव्या प्रशिक्षकांची नियुक्ती करत जुन्या कोचिंग स्टाफला निरोप दिला आहे. भारताचा माजी आक्रमक फलंदाज रॉबिन उथप्पा याची मुंबई इंडियन्सच्या फलंदाजी प्रशिक्षकपदी नियुक्ती करण्यात आली आहे. विशेष म्हणजे, खेळाडू म्हणून आयपीएलमध्ये मोठा अनुभव गाठीशी असलेल्या उथप्पाची प्रशिक्षक म्हणून ही पहिलीच जबाबदारी असणार आहे.

याआधी मुंबई इंडियन्सने कायरन पोलार्ड याच्याकडे मुख्य प्रशिक्षकपदाची जबाबदारी सोपवली होती. त्याने महेला जयवर्धनेची जागा घेतली आहे. आता उथप्पाच्या नियुक्तीमुळे मुंबईच्या नव्या कोचिंग स्टाफला आणखी बळ मिळाले आहे. त्यामुळे आगामी आयपीएल हंगामात मुंबई इंडियन्स नव्या प्रशिक्षकांच्या मार्गदर्शनाखाली कशी कामगिरी करणार, याकडे चाहत्यांचे लक्ष लागले आहे.

From being part of our very first season to returning with a wealth of experience! Robbie brings a sharp understanding of the game, great communication, and the clarity to guide youngsters! 💪 Welcome back to the Paltan, Robin! आपला new Batting Coach. 💙 https://t.co/OrIsO6dqgi
— Mumbai Indians (@mipaltan) October 30, 2026

रॉबिन उथप्पासह मुंबईच्या कोचिंग स्टाफमध्ये कोणाला संधी?

मुंबई इंडियन्सने यंदा फलंदाजी, गोलंदाजी आणि क्षेत्ररक्षण या तिन्ही विभागांमध्ये महत्त्वाचे बदल केले आहेत. नव्या कोचिंग स्टाफमध्ये अनुभवी आणि मुंबईच्या जुन्या खेळाडूंना प्राधान्य देण्यात आले आहे.

फलंदाजी प्रशिक्षक – रॉबिन उथप्पा : भारताचा माजी फलंदाज रॉबिन उथप्पा याच्याकडे फलंदाजी प्रशिक्षकपदाची जबाबदारी सोपवण्यात आली आहे.

गोलंदाजी प्रशिक्षक – मिचेल मॅक्लेनघन : न्यूझीलंडचा माजी वेगवान गोलंदाज मिचेल मॅक्लेनघन याची गोलंदाजी प्रशिक्षक म्हणून नियुक्ती करण्यात आली आहे. त्याने लसिथ मलिंगाची जागा घेतली आहे.

क्षेत्ररक्षण प्रशिक्षक – टी. दिलीप भारतीय क्रिकेट संघाचे माजी क्षेत्ररक्षण प्रशिक्षक टी. दिलीप आता मुंबई इंडियन्सच्या क्षेत्ररक्षण विभागाची जबाबदारी सांभाळणार आहेत.

डेव्हलपमेंट बॉलिंग कोच – धवल कुलकर्णी : मुंबईचा माजी वेगवान गोलंदाज धवल कुलकर्णी याच्याकडे विकास गोलंदाजी प्रशिक्षकपदाची जबाबदारी देण्यात आली आहे.

रॉबिन उथप्पाची पहिलीच प्रशिक्षकपदाची इनिंग!

रॉबिन उथप्पाने आयपीएलमध्ये अनेक संघांचे प्रतिनिधित्व केले आहे. त्याने मुंबई इंडियन्स, कोलकाता नाईट रायडर्स, रॉयल चॅलेंजर्स बंगळुरू, पुणे वॉरियर्स इंडिया, राजस्थान रॉयल्स आणि चेन्नई सुपर किंग्स यांसारख्या संघांकडून क्रिकेट खेळले आहे. कोलकाता नाईट रायडर्सच्या जेतेपदाच्या मोहिमेतही त्याने महत्त्वाची भूमिका बजावली होती.

विशेष म्हणजे, 2008 मध्ये आयपीएलच्या पहिल्या हंगामात उथप्पा मुंबई इंडियन्सच्या संघाचा भाग होता. आता तब्बल अनेक वर्षांनंतर तो पुन्हा मुंबईच्या ताफ्यात परतला आहे. मात्र, यावेळी खेळाडू म्हणून नव्हे, तर फलंदाजी प्रशिक्षक म्हणून तो संघासाठी योगदान देणार आहे. प्रशिक्षक म्हणून ही त्याची पहिलीच मोठी जबाबदारी असल्याने त्याच्या कामगिरीकडे विशेष लक्ष असेल.

हे ही वाचा -

IND vs NZ 4th T20 Live Score : मालिका खिशात, आता टीम इंडियाचा नवा डाव! चौथ्या टी-20त मोठे बदल होणार? कोण IN अन् कोण OUT, जाणून घ्या LIVE अपडेट

IND vs NZ 4th T20 : न्यूझीलंडचा जबरदस्त पलटवार; टीम इंडियाचा ऑकलंडच्या ईडन पार्कवर 87 धावांनी पराभव

किरण महानवर — Fri, 30 Oct 2026 10:52:32 +0530

India vs New Zealand 4th T20I Score Update : भारत आणि न्यूझीलंड यांच्यातील पाच सामन्यांच्या टी-20 मालिकेतील चौथा सामना आज ऑकलंडमध्ये खेळवला गेला. या सामन्यात टीम इंडियाला लाजिरवाण्या पराभवाचा सामना करावा लागला. ग्लेन फिलिप्सच्या 107 धावांच्या स्फोटक शतकी खेळीच्या आणि मायकेल ब्रेसवेलच्या 65 धावांच्या जोरावर न्यूझीलंडने निर्धारित 20 षटकांत 259 धावांचा डोंगर उभा केला होता. या धावांचा पाठलाग करताना पहिल्याच षटकात संजू सॅमसन व इशान किशन शून्यावर बाद झाल्याने भारतीय संघाची सुरुवात अत्यंत निराशाजनक झाली. परिणामी, टीम इंडियाला पराभव स्वीकारावा लागला.

दिवाळीच्या फटाक्यांवरून थेट कोर्टात फटकेबाजी, सुप्रीम कोर्ट म्हणालं, विराट कोहलीची मदत घ्या, नेमकं काय घडलं?

किरण महानवर — Fri, 30 Oct 2026 10:11:16 +0530

देशात वाढत्या वायुप्रदूषणाच्या पार्श्वभूमीवर फटाकेमुक्त दिवाळी साजरी करण्यासाठी सुप्रीम कोर्टाने एक महत्त्वाची सूचना केली आहे. दिवाळीत फटाके फोडण्याऐवजी पर्यावरणपूरक पद्धतीने सण साजरा करण्याबाबत जनजागृती करण्यासाठी भारतीय क्रिकेट संघाचा स्टार फलंदाज विराट कोहलीसारख्या लोकप्रिय खेळाडूंची मदत घ्यावी, असं न्यायालयाने केंद्र सरकार आणि दिल्ली प्रशासनाला सुचवलं आहे. त्यामुळे आता फटाकेमुक्त दिवाळीच्या जनजागृती मोहिमेत विराट कोहलीची भूमिका महत्त्वाची ठरू शकते.

सुप्रीम कोर्टाची विराट कोहलीचं नाव घेऊन सूचना

गुरुवारी दिल्ली-एनसीआर मधील वायुप्रदूषणासंदर्भात सुरू असलेल्या सुनावणीदरम्यान न्यायमूर्ती एमएम सुंदरेश आणि न्यायमूर्ती पीबी वराळे यांच्या खंडपीठाने ही सूचना केली. फटाक्यांच्या वापरावर असलेल्या निर्बंधांची माहिती सर्वसामान्य नागरिकांपर्यंत पोहोचवण्यासाठी दूरचित्रवाणी, वर्तमानपत्रे आणि अन्य माध्यमांचा प्रभावी वापर करण्याची गरज असल्याचं न्यायालयाने नमूद केलं. यावेळी न्यायमूर्ती सुंदरेश यांनी विराट कोहलीसारख्या लोकप्रिय क्रिकेटपटूंचा जनजागृतीसाठी सहभाग घेण्याचा सल्ला दिला. विराट कोहलीसारख्या प्रसिद्ध खेळाडूंना विनंती करून त्यांच्याकडून जनजागृतीपर व्हिडीओ किंवा विशेष संदेश तयार करून घ्यावेत, असं त्यांनी सुचवलं.

न्यायमूर्ती सुंदरेश म्हणाले, "दिल्लीसाठी तुम्ही सांगितलं, तर ते नक्की मदतीला येतील. विराट कोहलीसारख्या प्रसिद्ध क्रिकेटपटूंना तुम्ही विनंती करू शकता. त्यांनी एक विशेष मेसेज तयार करावा आणि यंदाची दिवाळी आनंददायी बनवण्याचं आवाहन करावं. दिवाळीचा हा सण त्याच उत्साहात साजरा करूया."

दिवाळी हा फटाक्यांचा सण नाही...!

दिवाळी हा मूळतः प्रकाशाचा सण आहे. फटाके फोडण्याची परंपरा नंतर सुरू झाली. त्यामुळे दिवाळी साजरी करण्यासाठी फटाके फोडणं आवश्यक नाही, हे लोकांपर्यंत पोहोचवण्याची गरज असल्याचं खंडपीठाने स्पष्ट केलं. तसेच, एखाद्या व्यक्तीच्या सण साजरा करण्याच्या पद्धतीमुळे इतरांच्या आरोग्यावर आणि पर्यावरणावर विपरीत परिणाम होता कामा नये, याची जाणीव नागरिकांना करून देण्याची गरज असल्याचंही न्यायालयाने नमूद केलं.

मुलांमध्येही जनजागृती करण्यावर भर

या सुनावणीदरम्यान न्यायमूर्ती पीबी वराळे यांनीही प्रसिद्ध व्यक्तींच्या माध्यमातून जनजागृती करण्याची सूचना केली. खेळाडू, लोकप्रिय व्यक्तिमत्त्वं आणि समाजात आदराचं स्थान असलेल्या लोकांचा या मोहिमेसाठी उपयोग का करून घेतला जात नाही, असा सवाल त्यांनी उपस्थित केला. विशेष म्हणजे, या मोहिमेत फक्त मोठ्यांनाच नव्हे, तर लहान मुलांनाही सहभागी करून घेण्यावर न्यायालयाने भर दिला. फटाक्यांमुळे होणाऱ्या प्रदूषणाचे दुष्परिणाम मुलांना समजावून सांगितले पाहिजेत. कारण मुलांच्या विचारांचा आणि आग्रहाचा त्यांच्या कुटुंबातील इतर सदस्यांवरही प्रभाव पडू शकतो, असं न्यायालयाने अधोरेखित केलं.

4 नोव्हेंबरला मैदानात उतरणार विराट कोहली

दरम्यान, विराट कोहली लवकरच क्रिकेटच्या मैदानातही दिसणार आहे. न्यूझीलंडविरुद्धच्या आगामी एकदिवसीय मालिकेसाठी भारतीय संघात त्याची निवड झाली आहे. या मालिकेतील पहिला सामना 4 नोव्हेंबर रोजी ऑकलंडमध्ये खेळवला जाणार आहे.

हे ही वाचा -

IND vs NZ 4th T20 Live Streaming : 40 हजार प्रेक्षकांसमोर चौथ्या टी-20 सामन्याचा हायव्होल्टेज ड्रामा! भारत-न्यूझीलंड मॅच Freeमध्ये पाहण्यासाठी वापरा 'ही' ट्रिक, जाणून घ्या A टू Z

IND vs NZ 4th T20 Live Streaming : 40 हजार प्रेक्षकांसमोर चौथ्या टी-20 सामन्याचा हायव्होल्टेज ड्रामा! भारत-न्यूझीलंड मॅच Freeमध्ये पाहण्यासाठी वापरा 'ही' ट्रिक, जाणून घ्या A टू Z

किरण महानवर — Fri, 30 Oct 2026 09:31:53 +0530

IND vs NZ 4th T20 Live Streaming Details : भारत आणि न्यूझीलंड यांच्यातील पाच सामन्यांच्या टी-20 मालिकेत टीम इंडियाने आपला दबदबा कायम ठेवला आहे. भारतीय संघाने सलग तीन सामने जिंकत मालिकेत 3-0 अशी अभेद्य आघाडी घेतली आहे. आता मालिकेतील चौथा सामना जिंकून न्यूझीलंडला क्लीन स्वीपच्या दिशेने आणखी एक धक्का देण्याचा टीम इंडियाचा प्रयत्न असेल. दुसरीकडे, न्यूझीलंडचा संघ घरच्या मैदानावर पहिला विजय मिळवण्यासाठी मैदानात उतरेल.

या सामन्याची उत्सुकता शिगेला पोहोचली असून, ऑकलंडमधील ईडन पार्क स्टेडियमवर तब्बल 40 हजार प्रेक्षक उपस्थित राहण्याची शक्यता आहे. त्यामुळे मैदानात चाहत्यांचा मोठा जल्लोष पाहायला मिळू शकतो. भारतीय संघाचे नेतृत्व श्रेयस अय्यरकडे, तर न्यूझीलंडची धुरा मिचेल सँटनरकडे आहे. दोन्ही संघांमधील चौथ्या टी-20 सामन्यात पुन्हा एकदा धावांचा पाऊस पडण्याची शक्यता आहे.

आतापर्यंतच्या तीनही सामन्यांमध्ये फलंदाजांनी शानदार कामगिरी केली आहे. पहिल्या टी-20 सामन्यात भारतीय संघाने 230 धावांचे मोठे लक्ष्य यशस्वीपणे गाठले. दुसऱ्या सामन्यातही भारताने 181 धावांचे आव्हान पूर्ण करत विजय मिळवला. तर तिसऱ्या सामन्यात अभिषेक शर्माने झंझावाती शतक झळकावत अवघ्या 14 व्या षटकात 199 धावांचे लक्ष्य गाठण्यात महत्त्वाची भूमिका बजावली. त्यामुळे चौथ्या सामन्यातही चौकार-षटकारांची आतषबाजी पाहायला मिळण्याची शक्यता आहे. भारताला विजय मिळवून मालिकेत 4-0 अशी आघाडी घ्यायची आहे. तर न्यूझीलंडसाठी हा सामना प्रतिष्ठेचा असून, पराभवाची मालिका खंडित करण्याचे मोठे आव्हान यजमानांसमोर असेल.

भारत विरुद्ध न्यूझीलंड चौथा टी-20 सामना कधी आणि कुठे खेळवला जाणार?

भारत आणि न्यूझीलंड यांच्यातील मालिकेतील चौथा टी-20 सामना शुक्रवार, 30 ऑक्टोबर 2026 रोजी खेळवण्यात येणार आहे. हा सामना न्यूझीलंडमधील ऑकलंड येथील ऐतिहासिक ईडन पार्क स्टेडियमवर रंगणार आहे. या सामन्यासाठी तब्बल 40 हजार चाहत्यांची उपस्थिती अपेक्षित आहे.

भारत-न्यूझीलंड चौथ्या टी-20 सामन्याची वेळ काय?

भारत आणि न्यूझीलंड यांच्यातील चौथा टी-20 सामना भारतीय प्रमाणवेळेनुसार दुपारी 12 वाजून 30 मिनिटांनी सुरू होईल. त्याआधी दुपारी 12 वाजता दोन्ही संघांच्या कर्णधारांमध्ये नाणेफेक होईल.

भारत-न्यूझीलंड चौथा टी-20 सामना टीव्हीवर कुठे पाहता येणार?

या सामन्याचे थेट प्रक्षेपण भारतात सोनी स्पोर्ट्स नेटवर्कच्या वाहिन्यांवर करण्यात येणार आहे. त्यामुळे क्रिकेट चाहत्यांना टीव्हीवर सामन्याचा थरार अनुभवता येईल.

मोबाईलवर LIVE सामना कुठे पाहता येणार?

भारत आणि न्यूझीलंड यांच्यातील चौथ्या टी-20 सामन्याचे थेट प्रक्षेपण सोनी लिव्ह (SonyLIV) ॲप आणि वेबसाइटवर पाहता येईल. मोबाईल, लॅपटॉप किंवा स्मार्ट टीव्हीवरून चाहत्यांना सामन्याचा आनंद घेता येईल.

भारत-न्यूझीलंड चौथा टी-20 सामना फ्रीमध्ये कसा पाहाल?

जर तुम्ही डीडी फ्री डिश (DD Free Dish) वापरत असाल, तर डीडी स्पोर्ट्स (DD Sports) चॅनेलवर या सामन्याचे थेट प्रक्षेपण मोफत केले जाईल. आता चौथ्या टी-२० सामन्यात टीम इंडिया विजयाची चौकार मारणार की न्यूझीलंडचा संघ पहिला विजय मिळवून मालिकेत पुनरागमन करणार, याकडे क्रिकेट चाहत्यांचे लक्ष लागले आहे.

हे ही वाचा -

Rashid Khan : रशीद खानने टी-20 क्रिकेटचा इतिहास-भूगोल बदलून टाकला! असा विक्रम केला, जो आजवर कुणालाच जमला नाही; नेमकं काय घडलं?