Mumbai Indians : जसप्रीत बुमराह कॅप्टन बनला अन् तिलक वर्माकडून मुंबईला विजयाचा तिलक, पंजाबचा सलग पाचवा पराभव

LSG vs CSK : लखनौनं बिघडवला चेन्नईचा खेळ, लखनौचा चेन्नई सुपर किंग्जवर 7 विकेटनं विजय, ऋतुराजच्या टीमचं प्लेऑफचं समीकरण बिघडलं

युवराज जाधव — Fri, 15 May 2026 23:52:35 +0530

LSG vs CSK लखनौ : रिषभ पंतच्या नेतृत्त्वातील लखनौ सुपर जायंटसनं चेन्नई सुपर किंग्जवर 7 विकेटनं विजय मिळवला आहे. चेन्नईनं प्रथम फलंदाजी करताना 5 बाद 187 धावा केल्या होत्या. लखनौनं या धावसंख्येचा यशस्वी पाठलाग केला आहे. लखनौच्या या विजयामुळं चेन्नई सुपर किंग्जला मोठा धक्का बसला आहे. चेन्नई सुपर किंग्जला प्लेऑफमध्ये पोहोचायचं असल्यास आता राहिलेले दोन सामने मोठया फरकानं जिंकावे लागतील. त्यानंतर नेट रननेटच्या मुद्यावर त्यांचं प्ले ऑफचं गणित अवलंबून असेल.

लखनौचा कॅप्टन रिषभ पंत यानं टॉस जिंकून प्रथम गोलंदाजी करण्याचा निर्णय घेतला. चेन्नईकडून कार्तिक शर्माच्या 71 धावा आणि शिवम दुबेची वादळी फलंदाजी पाहायला मिळाली. यामुळं चेन्नईनं 5 बाद 187 धावा केल्या.

चेन्नईनं विजयासाठी समोर ठेवलेल्या 187 धावांचा पाठलाग करण्यासाठी लखनौ सुपर जायंटसकडून जोश इंग्लिस आणि मिशेल मार्श मैदानात उतरले. लखनौ सुपर जायंटसला 135 धावांची सलामीची भागिदारी मिळाली. मिशेल मार्श 90 धावांवर बाद झाला तर जोश इंग्लिस 36 धावांवर बाद झाला. लखनौचे दोन्ही सलामीवीर बाराव्या ओव्हरमध्ये बाद झाले. निकोलस पूरन यानं मारलेला बॉल मुकेश चौधरीच्या हाताला लागून समोरील स्टम्पवर आदळला. यावेळी मिशेल मार्शनं क्रीज सोडलेलं होतं. यामुळं मिशेल मार्श विचित्र पद्धतीनं बाद झाल्याचं म्हटलं जातंय. जोश इंग्लिस आणि मिशेल मार्श बाद झाल्यानंतर निकोलस पूरन यानं लखनैला विजयाजवळ पोहोचवलं. अब्दुल समद फारशी चमकदार कामगिरी करु शकला नाही.

मिशेल मार्शची वादळी फलंदाजी

जोश इंग्लिस आणि मिशेल मार्श दोघेही बाराव्या ओव्हरमध्ये बाद झाले. मात्र, तोपर्यंत लखनौची धावसंख्या 135 पर्यंत पोहोचली होती. यानंतर निकोलस पूरन यानं अंशूल कंबोज याला सलग चार षटकार मारले आणि लखनौला विजय मिळवून दिला. लखनौनं 20 बॉल शिल्लक ठेवत विजय मिळवला. जरी लखनौ सुपर जायंटस स्पर्धेबाहेर गेला असला तरी त्यांचा एक एक विजय प्रतिस्पर्धी संघांसाठी प्लेऑफमधील प्रवेशासाठी गणित बदलणारा ठरु शकतो.

लखनैला विजयासाठी 24 बॉल 24 धावा हव्या असताना लखनौच्या निकोलस पूरन यानं अंशूल कंबोज याला सलग चार षटकार मारले.

चेन्नईची वाट खडतर

चेन्नई सुपर किंग्जच्या नावावार 6 विजयांचे 12 गुण आहेत. प्लेऑफमध्ये प्रवेश करायचा असल्यास चेन्नईला राहिलेल्या मॅचेस मोठ्या फरकानं जिंकाव्या लागतील. तरच, चेन्नईचं प्लेऑफमधील आव्हान कायम राहू शकतं. आता चेन्नई सुपर किंग्जचा पुढील सामना 18 मे रोजी सनरायजर्स हैदराबाद विरोधात लढावं लागेल. तर,21 मे रोजी चेन्नईसमोर गुजरातचं आव्हान असेल.

Mitchell Marsh : मिशेल मार्शकडून चेन्नईच्या गोलंदाजांची धुलाई , 90 धावांच्या खेळीनंतर मार्श विचित्र पद्धतीनं बाद, नेमकं काय घडलं?

युवराज जाधव — Fri, 15 May 2026 23:14:26 +0530

Mitchell Marsh : मिशेल मार्शकडून चेन्नईच्या गोलंदाजांची धुलाई , 90 धावांच्या खेळीनंतर मार्श विचित्र पद्धतीनं बाद, नेमकं काय घडलं?

Punjab Kings: श्रेयस अय्यरच्या पंजाब किंग्जची प्लेऑफची वाट खडतर, सलग पाच पराभवांमुळं चित्र बदललं, प्लेऑफचं समीकरण जाणून घ्या?

युवराज जाधव — Fri, 15 May 2026 19:31:04 +0530

Punjab Kings Playoff Qualification Chances नवी दिल्ली : आयपीएलच्या 19 व्या हंगामात पहिल्या महिनाभर गुणतालिकेत पहिल्या स्थानावर असलेल्या पंजाब किंग्जला मोठा धक्का बसला आहे. सलग पाच सामन्यात पराभव झाल्यानं पंजाब किंग्जचं यंदाच्या आयपीएलमधील स्थान धोक्यात आलं आहे. पंजाबनं पहिल्या 7 मॅचमध्ये एकही पराभव स्वीकारला नव्हता. मात्र, त्यानंतर सलग पाच सामन्यात पंजाबचे पराभव झाले. यामुळं सध्या ते गुणतालिकेत चौथ्या स्थानावर घसरले आहेत. आता पंजाबला प्लेऑफमध्ये प्रवेश करायचा असेल तर त्यांना उर्वरित दोन्ही सामने मोठ्या फरकानं जिंकावे लागतील.

श्रेयस अय्यरचा पंजाब किंग्ज गुणतालिकेत पहिल्या दोनमध्ये राहील असं चित्र होतं. मात्र, सध्या त्यांना प्लेऑफमध्ये प्रवेश मिळतो की नाही अशी स्थिती निर्माण झाली आहे. उर्वरित दोन सामन्यात पंजाबच्या यंदाच्या आयपीएलमधील भविष्याचा फैसला होणार आहे. पंजाब किंग्जला आता उर्वरित दोन्ही सामने मोठ्या फरकानं जिंकावे लागणार आहेत. तरच ते प्लेऑफमध्ये प्रवेश करु शकतात.

पंजाब किंग्जचं प्लेऑफचं समीकरण

पंजाब किंग्जनं आतापर्यंत 12 सामने खेळले आहेत. यामध्ये त्यांच्याकडे 13 गुण आहेत. पंजाब किंग्जनं उर्वरित दोन सामने जिंकले तर त्यांचे गुण 17 होतील. आयपीएलचा इतिहास पाहिला तर 17 गुण असणारा संघ प्लेऑफसाठी क्वालिफाय होतो. त्यामुळं पंजाब किंग्जला तिथपर्यंत पोहोचण्यासाठी दोन्ही सामन्यांमध्ये विजय मिळवावा लागेल.

पंजाब किंग्जनं उर्वरित दोन सामन्यांपैकी एक सामना जिंकला आणि दुसऱ्या सामन्यात त्यांचा पराभव झाला तर त्यांचे गुण 15 होतील. यामुळं त्यांचा प्लेऑफचा प्रवास संपू शकतो, मात्र इतर संघांच्या कामगिरीवर त्यांचा प्लेऑफमधील प्रवेश अवलंबून असेल. पंजाब किंग्जचे पुढील 2 सामने रॉयल चॅलेजर्स बंगळुरु आणि लखनौ सुपर जायंटस या संघांबरोबर आहे. यापैकी आरसीबीचा संघ चांगल्या फॉर्ममध्ये आहे.

पंजाबच्या खराब कामगिरीचं कारण काय?

पंजाब किंग्जच्या सलग पाच सामन्यांमधील पराभवाचं कारण त्यांची खराब गोलंदाजी हे आहे. गेल्या पाच सामन्यांचा विचार केला असता चारवेळा पंजाबच्या गोलंदाजांनी 200 हून अधिक धावा दिल्या आहेत. या पाच सामन्यांमध्ये पंजाबचा संघ तीन वेळा 200 हून अधिक धावा करुन देखील धावसंख्येचा बचाव करु शकला नाही.

IPL 2026 सुरु असतानाच कुलदीप यादव चेन्नईच्या ताफ्यात, बंगळुरुच्या टीममध्ये मोठा बदल, प्लेऑफच्या लढतीपूर्वी मोठी घडामोड

युवराज जाधव — Fri, 15 May 2026 17:13:06 +0530

चेन्नई : आयपीएलच्या 19 व्या हंगामात प्लेऑफमध्ये कोणते संघ पोहोचणार याकडे सर्वांचं लक्ष लागलं आहे. आयपीएलच्या 2026 पर्वाची समारोपाकडे वाटचाल सुरु असताना चेन्नई सुपर किंग्ज आणि रॉयल चॅलेंजर्स बंगळुरु या दोन्ही संघात मोठे बदल झाले आहेत. चेन्नई सुपर किंग्जच्या ताफ्यात कुलदीप यादव दाखल झाला आहे. दुसरीकडे गतविजेत्या आरसीबीमध्ये रिचर्ड ग्लीसन दाखल झाला आहे.

चेन्नई सुपर किंग्ज आणि बंगळुरुनं त्यांच्या दुखातपग्रस्त खेळाडूंच्या जागी बदली खेळाडूंच्या नावांची घोषणा केली आहे. चेन्नई सुपर किंग्जचा खलील अहमद आणि बंगळुरुचा नुवान तुषारा आयपीएलच्या उर्वरित सामन्यांमधून बाहेर गेले आहेत.

Kuldip Yadav : कुलदीप यादव चेन्नईच्या ताफ्यात

चेन्नई सुपर किंग्जनं खलील अहमदच्या जागी वेगवान गोलंदाज कुलदीप यादवला संघात स्थान दिलं आहे. कुलदीप यादव यापूर्वी राजस्थान रॉयल्सकडून खेळला आहे. 2021 मध्ये त्यानं राजस्थान रॉयल्सकडून आयपीएलमध्ये पदार्पण केलं होतं. आतापर्यंत त्यानं आयपीएलमध्ये 3 सामने खेळले आहेत. या तीन सामन्यांमध्ये त्यानं 2 विकेट घेतल्या आहेत. चेन्नई सुपर किंग्जनं कुलदीप यादवला 30 लाखांमध्ये संघात घेतलं आहे.

रिचर्ड ग्लीसन आरसीबीच्या ताफ्यात

इंग्लंडचा वेगवान गोलंदाज रिचर्ज ग्लीसन बंगळुरुमध्ये नुवान तुषाराच्या जागी दाखल झाला आहे. रिचर्ड ग्लीसन यानं आयपीएलमध्ये 2 सामने खेळले आहेत. ज्यामध्ये 2 सामने चेन्नई आणि 1 मॅच बंगळुरुसाठी खेळला आहे.ग्लीसन यानं 2024 मध्ये आयपीएलमध्ये पदार्पण केलं होतं. आयपीएलमध्ये ग्लीसनच्या नावावार 2 विकेट आहेत. बंगळुरुनं त्याला 1.6 कोटी रुपयांमध्ये संघात घेतलं आहे.

रीचर्ज ग्लीसन इंग्लंडसाठी आंतरराष्ट्रीय टी 20 सामने देखील खेळतो. त्यानं 6 टी 20 सामने खेळले आहेत. ज्यामध्ये 6 डावात गोलंदाजी करताना 9 विकेट घेतल्या आहेत. ग्लीसनची सर्वोत्तम कामगिरी 15 धावांवर 3 विकेट अशी आहे. ग्लीसननं 8.90 च्या इकोनॉमीनं गोलंदाजी केली आहे. आता आरसीबी त्याला गोलंदाजीची संधी देणार का हे पाहावं लागेल.

दरम्यान, आयपीएलमध्ये आज चेन्नई सुपर किंग्ज आणि लखनौ सुपर जायंटस आमने सामने येणार आहेत. चेन्नई सुपर किंग्जला प्लेऑफमध्ये पोहोचायची आशा जिवंत ठेवायची असल्यास लखनौ सुपर जायंटसला पराभूत करणं आवश्यक आहे. दुसरीकडे रिषभ पंतची टी गुणतालिकेत तळाला असली तरी शेवटचे काही सामने जिंकण्याचा त्यांचा प्रयत्न राहू शकतो.

'हा तर निव्वळ मूर्खपणाचा विषय, मी जर माझं घरदार सोडून करत असेल तर..' किंग कोहली गंभीर आणि आगरकरांवर भलताच संतापला

जयदीप मेढे — Fri, 15 May 2026 16:07:08 +0530

Virat Kohli on Gautam Gambhir and Ajit Agarkar: भारतीय क्रिकेट संघाचा महान फलंदाज विराट कोहलीने 2027च्या एकदिवसीय विश्वचषक आणि त्याच्या भविष्याबद्दल एक विधान केले आहे, ज्यामुळे क्रिकेट विश्वात एका नव्या चर्चेला सुरुवात झाली आहे. विराटने स्पष्टपणे सांगितले की, भारतासाठी विश्वचषकात खेळणे ही त्याच्यासाठी अभिमानाची बाब आहे, परंतु एका खेळाडूला आदर आणि विश्वास दोन्ही मिळायला हवेत. तो असेही म्हणाला की, जर त्याला वारंवार स्वतःची योग्यता सिद्ध करावी लागत असेल, तर त्याला त्या वातावरणाचा भाग व्हायचे नाही. अनेकजण विराटच्या या विधानाला बीसीसीआय आणि संघ व्यवस्थापनाला दिलेला थेट संदेश मानत आहेत.

मला वारंवार विचारले जाते, मी विश्वचषक खेळणार का?

आरसीबीच्या एका पॉडकास्टमध्ये कोहली म्हणाला, "मी कोणतीही मालिका खेळायला नेहमीच तयार असतो कारण तेच माझे दैनंदिन जीवन आहे. मी व्यायाम करतो, घरी चांगले जेवण करतो. हे केवळ क्रिकेट खेळण्यापुरते नाही, तर मला ते जीवन जगायला आवडते. म्हणूनच मी नेहमी तयार असतो." आणि 2027 च्या विश्वचषकाबद्दल बोलायचं झालं तर, खरं सांगायचं तर, आपण अजून 2026 च्या मध्यावर आहोत, पण मला सतत विचारलं जातं की मला 2027 च्या विश्वचषकात खेळायचं आहे का? हा मुर्खपणाचा विषय आहे.

'आदर आणि महत्त्व दोन्ही बाजूंनी मिळायला हवं'

विराट म्हणाला, "मला उत्तर माहीत आहे. मला काय हवं आहे हेच जर मला माहीत नसेल, तर मी माझं घर सोडून, बॅगा भरून का निघून जाईन? अर्थातच, जर मी खेळत असेन, तर मला क्रिकेट खेळायचं आहे. मला खेळत राहायचं आहे. भारतासाठी विश्वचषक खेळणे हा एक उत्तम अनुभव आहे. पण मी म्हटल्याप्रमाणे, आदर आणि महत्त्व दोन्ही बाजूंनी मिळायला हवं."

'मला माझी योग्यता आणि महत्त्व सिद्ध करावं लागेल'

विराट म्हणाला, "माझा दृष्टिकोन अगदी स्पष्ट आहे. मी ज्या वातावरणाचा भाग आहे, त्यात जर मी काही भर घालू शकत असेन आणि त्या वातावरणालाही वाटत असेल की मी योगदान देऊ शकेन, तर मी खेळत राहीन. पण जर मला माझी योग्यता आणि महत्त्व सिद्ध करावं लागेल असं वाटायला लावलं जात असेल, तर मला त्या ठिकाणी राहायचं नाही." तो पुढे म्हणाला, "मी माझ्या तयारीच्या बाबतीत पूर्णपणे प्रामाणिक आहे. मी ज्या पद्धतीने खेळ खेळतो, त्यासाठी खूप मेहनत घेतो. देवाने मला माझ्या क्रिकेट कारकिर्दीत खूप काही दिले आहे आणि त्यासाठी मी नेहमीच कृतज्ञ राहीन."

'प्रामाणिकपणे बोला किंवा मला शांतपणे खेळू द्या'

विराट म्हणाला, "ही फक्त माझ्या आणि क्रिकेटमधली बाब आहे. आणि भविष्यातही ती तशीच राहील. ज्या क्षणी मला वाटेल की लोक माझ्यासाठी गोष्टी विनाकारण कठीण करत आहेत आणि वाट्टेल त्या गोष्टी बोलत आहेत, तेव्हा एकतर पुढे येऊन स्पष्ट आणि प्रामाणिकपणे बोला, किंवा मला शांतपणे खेळू द्या." त्यानंतर विराटने नोकरीचे एक सामान्य उदाहरण दिले, की एका वेळी खेळाडूला पूर्ण पाठिंबा देणे आणि दुसऱ्याच क्षणी त्याच्या क्षमतेवर प्रश्नचिन्ह निर्माण करणे योग्य नाही. तो म्हणाला, "असे का घडते? एकतर ते मला पहिल्याच दिवशी सांगतात की मी पुरेसा चांगला नाही किंवा संघाला माझी गरज नाही. पण जर तुम्ही म्हणाला असाल की मी पुरेसा चांगला आहे आणि तुम्ही इतर कोणत्याही पर्यायांचा विचारही करत नसाल, तर शांत रहा. पुन्हा पुन्हा प्रश्न उपस्थित करत बसू नका."

नेमकं प्रकरण काय आहे?

विराटच्या वक्तव्यामुळे टीम इंडियामध्ये सर्व काही ठीक नसल्याच्या चर्चांना जोर चढत आहे. गेल्या वर्षी, रोहित शर्मा आणि त्यानंतर विराट कोहलीने अचानक कसोटी क्रिकेटमधून निवृत्ती जाहीर केली होती. आता दोघेही फक्त एकदिवसीय सामने खेळतात आणि 2027 च्या एकदिवसीय विश्वचषकातील त्यांचा सहभाग अनिश्चित असल्याचे अनेकदा वृत्त आले आहे. असे म्हटले जात होते की, त्या दोघांनी बीसीसीआयला सांगितले होते की ते खेळण्यास इच्छुक नाहीत. प्रशिक्षक गौतम गंभीर, विराट कोहली आणि रोहित शर्मा यांच्यात मतभेद असल्याच्या बातम्याही होत्या. जरी या तिघांनी यावर कधीही उघडपणे भाष्य केले नाही, तरी या वादाला मोठे स्वरूप आले. 2025 च्या चॅम्पियन्स ट्रॉफीनंतर रोहितला अचानक कर्णधारपदावरून हटवण्यात आले. मुख्य निवडकर्ता अजित आगरकर यांनीही या दोघांच्या भविष्याबद्दल अस्पष्ट उत्तरे देत वक्तव्ये केली आहेत. गंभीरनेही त्यांच्या भविष्याबद्दल कधीही थेट उत्तर दिलेले नाही.

इतर महत्वाच्या बातम्या

Chennai Super Kings: आयपीएल प्लेऑफची शर्यत अत्यंत रोमांचक झाली असतानाच चेन्नईला हादरा; मॅच विनर खेळाडू दुखापतीने थेट मायदेशी परतला

Ravi Shastri On Team India T20 Captain: श्रेयस अय्यर, हार्दिक पांड्या नव्हे...; टीम इंडियाच्या टी-20 संघाचं कर्णधारपद कुणाला द्यावं?, रवी शास्त्रींनी एकच नाव सांगितलं!

मुकेश चव्हाण — Fri, 15 May 2026 13:12:37 +0530

Ravi Shastri On Team India T20 Captain: आयपीएल (IPL 2026) संपताच टीम इंडियाच्या टी-20 संघाच्या कर्णधारपदाची (Team India T20 Captain) जबाबदारी श्रेयस अय्यर (Shreyas Iyer) याच्याकडे सोपवण्याबाबत बीसीसीआय विचार करत आहे. टी-20 संघाचा सध्याचा कर्णधार सूर्यकुमार यादवच्या (Suryakumar Yadav) खराब फलंदाजीमुळे बीसीसीआय मोठा निर्णय घेण्याच्या तयारीत असल्याची माहिती समोर येत आहे. तसेच श्रेयस अय्यरसोबत संजू सॅमसनच्या (Sanju Samson) नावाचा देखील बीसीसीआयकडून विचार सुरु आहे. याचदरम्यान, भारतीय क्रिकेट संघाचे माजी खेळाडू रवी शास्त्री (Ravi Shastri On Team India T20 Captain) यांनी देखील टीम इंडियाच्या कर्णधारपदावर भाष्य केलं आहे.

संजू सॅमसनमध्ये सुरुवातीपासूनच क्षमता आहे, पण तो अलीकडे उत्कृष्ट फॉर्ममध्ये आहे आणि पुढील दोन ते तीन वर्षांत आणखी प्रभावी कामगिरी करून दाखवेल, असं रवी शास्त्री यांनी (Ravi Shastri On Team India T20 Captain) सांगितले. सूर्यकुमार यादवच्या कामगिरीवर अवलंबून, भारताला पुढील टी-20 विश्वचषक (2028) पर्यंत नवीन कर्णधाराची गरज भासू शकते. पण राजस्थान रॉयल्सचे नेतृत्व केल्यामुळे संजू सॅमसनने कर्णधारपदासाठी एक प्रबळ दावेदार म्हणून स्वतःला सिद्ध केले आहे. संघामध्ये संजूचे स्थान सुरक्षित आहे. तो डावाच्या सुरुवातीला फलंदाजी करतो आणि एक अत्यंत आक्रमक फलंदाज आहे, त्यामुळे मला वाटते की ही फक्त सुरुवात आहे आणि पुढील 2-3 वर्षांत तुम्हाला संजूकडून बरेच काही पाहायला मिळेल, असं रवी शास्त्री म्हणाले. (Ravi Shastri On Team India T20 Captain)

संजू सॅमसनने सर्व प्रश्नांना पूर्णविराम दिला- रवी शास्त्री (Ravi Shastri On Team India T20 Captain)

रवी शास्त्री पुढे म्हणाले की, संजू सॅमसनच्या कामगिरीतील सातत्य ही समस्या वाटत नाही. सॅमसनने त्या सर्व प्रश्नांना पूर्णविराम दिला आहे. त्याच्यामध्ये सुरुवातीपासूनच क्षमता होती. तो आपल्या क्षमतेनुसार कामगिरी करू शकला नाही म्हणून चाहते निराश झाले होते, असं रवी शास्त्रींनी सांगितले. तसेच टी-20 विश्वचषकातील त्याच्या प्रभावी कामगिरीनंतर, तो ज्याप्रकारे या हंगामात आयपीएलमध्ये खेळत आहे, त्यामुळे तो कर्णधारपदासाठी एक प्रबळ दावेदार बनला आहे. आयपीएलमध्ये तो जी परिपक्वता दाखवत आहे, ते पाहता माझा विश्वास आहे की संजू सॅमसन भविष्यात कर्णधारपदासाठी एक प्रबळ आणि स्पष्ट दावेदार बनला आहे, असं रवी शास्त्री म्हणाले.

श्रेयस अय्यरचं नाव आघाडीवर, पण आता हार्दिक पांड्याचीही चर्चा- (Team India T20 Captain)

श्रेयस अय्यर सध्या चांगल्या फॉर्मात आहे. तसेच आयपीएलमध्ये उत्तर कर्णधारपदही हाताळले. श्रेयस अय्यर हा सूर्यकुमार यादवच्या जागी योग्य पर्याय मानला जात आहे. तसेच तीन वेगवेगळ्या आयपीएल फँचायझींना फायनलपर्यंत नेणारा श्रेयस अय्यर एकमेव कर्णधार आहे. तर दुसरीकडे टी-20 संघाच्या कर्णधारपदासाठी हार्दिक पांड्याचाही (Hardik Pandya) विचार सुरु आहे. श्रेयससोबत आता हार्दिक पांड्याच्या नावाचीही बीसीसीआयकडून चर्चा सुरु आहे. आता टीम इंडियाच्या टी-20 संघाचं कर्णधारपद कोणाला मिळणार याकडे सर्वाचं लक्ष लागलं आहे. तर टीम इंडियाच्या टी-20 संघाच्या कर्णधारापदाबाबत ट्विस्ट आल्याची चर्चा रंगली आहे.

Chennai Super Kings: आयपीएल प्लेऑफची शर्यत अत्यंत रोमांचक झाली असतानाच चेन्नईला हादरा; मॅच विनर खेळाडू दुखापतीने थेट मायदेशी परतला

जयदीप मेढे — Fri, 15 May 2026 11:57:25 +0530

Jamie Overton: इंडियन प्रीमियर लीग 2026 च्या प्लेऑफची शर्यत अत्यंत रोमांचक झाली आहे. संघ आपले प्लेऑफमधील स्थान निश्चित करण्याचा प्रयत्न करत आहेत. दरम्यान, चेन्नई सुपर किंग्सचा (CSK) परदेशी गोलंदाज जेमी ओव्हरटन दुखापतीमुळे आपल्या मायदेशी परतला आहे. नजेमी ओव्हरटनने या आयपीएलमध्ये 10 सामन्यांमध्ये 8.89 च्या इकॉनॉमीने 14 बळी घेतले आहेत. चेन्नई सुरुवातीपासूनच दुखापतींच्या समस्येशी झुंजत आहे. आयुष म्हात्रे आणि खलील अहमद हे आधीच दुखापतीमुळे संघाबाहेर आहेत.

All Yellove to you, Jamie! 💛#WhistlePodu #Yellove pic.twitter.com/yfrt1wVzir
— Chennai Super Kings (@ChennaiIPL) May 15, 2026

चेन्नई सुपर किंग्सने त्यांच्या अधिकृत 'एक्स' हँडलवरील एका पोस्टमध्ये ही घोषणा केली. चेन्नईने लिहिले की, "जेमी ओव्हरटनला उजव्या मांडीला दुखापत झाली असून तो पुढील तपासणी आणि उपचारांसाठी यूकेला परत जाईल." जेमी ओव्हरटनने निर्माण केलेली पोकळी चेन्नई कशी भरून काढते हे पाहणे बाकी आहे. चेन्नईच्या अंशुल कंबोजने या आयपीएल हंगामात 11 सामन्यांमध्ये 9.20 च्या इकॉनॉमीने 19 बळी घेतले आहेत. संजू सॅमसनने 11 सामन्यांमध्ये 169.29 च्या स्ट्राईक रेटने 430 धावा केल्या आहेत.

सीएसकेची प्लेऑफमध्ये पोहोचण्याची शक्यता काय

चेन्नई सुपर किंग्सच्या (CSK) सलग तिसऱ्या विजयामुळे त्यांच्या प्लेऑफमध्ये पोहोचण्याच्या शक्यता लक्षणीयरीत्या वाढल्या आहेत. चेन्नईसाठी त्यांचे उर्वरित तीन सामने अत्यंत महत्त्वाचे आहेत. चेन्नईने 11 सामने खेळले असून 12 गुणांसह गुणतालिकेत 5 व्या स्थानावर आहे. चेन्नईचा सध्याचा नेट रन रेट +0.185 आहे. जर चेन्नईने आपले उर्वरित तीन सामने जिंकले, तर त्यांचे 18 गुण होतील.

सीएसके अजून संपलेली नाही

दुसरीकडे, हंगामाच्या सुरुवातीला सलग तीन पराभवांनंतर, चेन्नई सुपर किंग्स स्पर्धेतून जवळजवळ बाहेर पडली आहे असे मानले जात होते. पण हाच संघ आता पुन्हा प्लेऑफच्या शर्यतीत परतला आहे. गेल्या आठ सामन्यांतील सहा विजयांनी सीएसकेला नवसंजीवनी दिली आहे. संघाचा अनुभव, शांत स्वभाव आणि दबावाखाली खेळण्याची क्षमता पुन्हा एकदा कामी आली आहे. आता समीकरण स्पष्ट आहे, चेन्नईला आपले उर्वरित तिन्ही सामने जिंकावेच लागतील. लखनौ, हैदराबाद आणि गुजरातविरुद्धचे सामने सोपे नाहीत, पण आयपीएलचा इतिहास सांगतो की जेव्हा दबाव वाढतो, तेव्हा एमएस धोनीच्या सीएसकेला हलक्यात घेता येत नाही.

इतर महत्वाच्या बातम्या

IPL 2026: टी-20 मध्ये टीम इंडियाचा कॅप्टन बदलाची चर्चा शिगेला पोहोचली असताना आता आयपीएलमध्येही तब्बल तीन कॅप्टनवर टांगती तलवार!

Delhi Capitals: दिल्ली कॅपिटल्सच संपूर्ण कोचिंग स्टाफ बस्तान गुंढाळणार? आयपीएल 2026 मधील निराशाजनक कामगिरीनंतर अक्षर पटेलचं कर्णधारपद जाण्याचीही शक्यता

विशाल देवकर — Fri, 15 May 2026 09:39:54 +0530

IPL 2026 Delhi Capitals: आयपीएल 2026 हे वर्ष दिल्ली कॅपिटल्ससाठी (Delhi Capitals) चांगले ठरलेले नाही. अक्षर पटेल (Axar Patel) आणि त्याचा संघ अद्याप अधिकृतपणे प्लेऑफच्या शर्यतीतून बाहेर पडलेला नाही, परंतु तिथे पोहोचण्यासाठी त्यांना आता एका चमत्काराचीच गरज पडणार आहे. कारण दिल्लीने आपल्या 12 सामन्यांपैकी सात सामने गमावले आहेत. 10 गुणांसह संघाचा नेट रन रेट -0.093 इतका आहे. परिणामी दोन्ही सामने जिंकूनही संघ केवळ 14 गुणांपर्यंतच पोहोचू शकेल, असे चित्र आहे. दरम्यान, दिल्ली कॅपिटल्सच्या (Delhi Capitals IPL 2026) निराशाजनक कामगिरीनंतर, आगामी हंगामापूर्वी दिल्लीच्या कोचिंग स्टाफमध्ये मोठे बदल होण्याची शक्यता आहे. पीटीआय या वृत्तसंस्थेच्या वृत्तानुसार, 2027 मध्ये अक्षर पटेल कर्णधारपदी कायम राहण्याची शक्यता कमी आहे.

Axar Patel: कर्णधार म्हणून निराशाच, तर वैयक्तिक कामगिरीही खराब

अक्षरने केवळ कर्णधार म्हणून निराशाच केली नाही, तर त्याची वैयक्तिक कामगिरीही खराब राहिली आहे. 32 वर्षीय अक्षर पटेलने आयपीएल 2026 मध्ये नऊ डावांमध्ये पहिल्या पाचमध्ये फलंदाजी करताना 12.50 च्या सरासरीने 100 धावा केल्या आहेत. यापैकी, त्याने एका डावात 53 धावा केल्या, म्हणजेच इतर आठ डावांमध्ये त्याने एकूण 44 धावा केल्या. अक्षरची गोलंदाजीची कामगिरीही अपेक्षेपेक्षा कमी पडली. त्याने 12 सामन्यांमध्ये 36 षटके गोलंदाजी करून केवळ 10 बळी घेतले. त्याने जास्त धावा दिल्या नसल्या तरी, त्याचा इकॉनॉमी रेट 8.8 होता.

IPL 2026 Delhi Capitals: निराशाजनक कामगिरीनंतर अक्षर पटेलचं कर्णधारपद जाण्याचीही शक्यता

अहवालात म्हटले आहे की, दिल्ली कॅपिटल्सची मालकी 50-50 अशी विभागलेली आहे. जेएसडब्ल्यू आणि जीएमआर आळीपाळीने संघाचे व्यवस्थापन करतात आणि पुढील हंगामात क्रिकेटशी संबंधित सर्व कामकाज पार्थ जिंदाल आणि जेएसडब्ल्यू सांभाळतील. अक्षर पटेलच्या कर्णधारपदावरही प्रश्नचिन्ह उपस्थित केले जात आहे, कारण त्याला बहुतेक निर्णयांसाठी हेमांग बदानी आणि वेणुगोपाल राव यांच्यावर अवलंबून राहावे लागले. त्यामुळे, पुढील वर्षी तो दिल्ली कॅपिटल्सचे कर्णधारपद भूषवेल याची शक्यता खूपच कमी आहे.

नाव न सांगण्याच्या अटीवर एका सूत्राने पीटीआयला सांगितले कि, "पुढील वर्षी संपूर्ण कोचिंग स्टाफ कायम ठेवला जाईल याची शक्यता कमी आहे." अक्षर पटेलच्या कर्णधारपदावर अनेक प्रश्न उपस्थित झाले आहेत. त्याने अभिषेक पोरेलसारख्या फलंदाजांकडे दुर्लक्ष केले आणि माधव तिवारीसारख्या अष्टपैलू खेळाडूंना पुरेसा वाव दिला नाही. 2027 च्या मेगा लिलावापूर्वी, दिल्ली कॅपिटल्स अक्षर पटेलला संघात कायम ठेवू शकते, परंतु त्याला कर्णधारपदावरून हटवून नवीन कर्णधाराचा शोध घेण्याची दाट शक्यता आहे.

इतर महत्वाच्या बातम्या

IPL Playoffs Qualification Scenarios 2026: मुंबईच्या विजयानंतर 8 संघांचं गणित फिस्कटलं, प्लोऑफसाठी चुरस वाढली; पाहा आयपीएलचे Points Table

IPL Playoffs Qualification Scenarios 2026: मुंबईच्या विजयानंतर 8 संघांचं गणित फिस्कटलं, प्लेऑफसाठी चुरस वाढली; पाहा आयपीएलचे Points Table

मुकेश चव्हाण — Fri, 15 May 2026 07:49:05 +0530

IPL Playoffs Qualification Scenarios 2026: आयपीएल 2026 च्या हंगामात (IPL 2026) काल (15 मे) मुंबई इंडियन्स आणि पंजाब किंग्स (Mumbai Indians vs Punjab Kings) यांच्यात सामना खेळवण्यात आला. या सामन्यात मुंबई इंडियन्सने पंजाब किंग्सचा 6 विकेट्सने पराभव केला. पंजाब किंग्सने सलग 5 सामने गमावल्याने आता प्लेऑफसाठी पात्र ठरण्याच्या शक्यता कठीण झाल्या आहेत.

आयपीएल 2026 च्या पहिल्या सात सामन्यांमध्ये पंजाब किंग्सने सहा सामने जिंकले होते आणि एक सामना रद्द झाला होता. त्यावेळी पंजाब केवळ प्लेऑफसाठी पात्र ठरणार नाही, तर पहिल्या दोन स्थानांवरही राहील असे दिसून येत होते. मात्र त्यानंतर सलग पाच सामने गमावल्यानंतर पंजाब किंग्स संघासाठी प्लेऑफसाठी पात्र ठरणेही कठीण झाले आहे. दरम्यान, मुंबई इंडियन्स आणि लखनौ सुपर जायंट्स आयपीएलच्या प्लेऑफच्या पात्रतेतून आधीच बाहेर झाले आहेत. त्यामुळे दहा संघांमधून आठ संघांमध्ये सध्या प्लेऑफसाठी चुरसीची लढत सुरु आहे. (IPL Playoffs Qualification Scenarios 2026)

🚨 TILAK VARMA HANDED PUNJAB KINGS THEIR 5TH CONSECUTIVE DEFEAT. 🚨

- The celebration from MI camp says it all. 🔥 pic.twitter.com/SHWDMxYI8v
— Mufaddal Vohra (@mufaddal_vohra) May 14, 2026

मुंबई इंडिन्सचा विजय, पण इतर सर्व संघांचं गणित फिस्कटलं- (IPL Playoffs Qualification Scenarios 2026)

मुंबईच्या विजयानंतर इतर 8 संघांचं प्लेऑफसाठीचं गणित फिस्कटलं आहे. पंजाब किंग्सने आपल्या 12 सामन्यांपैकी सहा सामने जिंकले आहेत, पाच गमावले आहेत आणि कोलकाताविरुद्धचा एक सामना रद्द झाला होता. 13 गुण आणि +0.355 च्या नेट रन रेटसह, पंजाब गुणतालिकेत चौथ्या स्थानावर कायम आहे. पण अव्वल चारमध्ये टिकून राहणे दिवसेंदिवस कठीण होत चालले आहे. पंजाब किंग्सचे आता दोन सामने शिल्लक आहेत. त्यांचा पुढचा सामना रविवारी (17 मे) रॉयल चॅलेंजर्स बंगळुरुविरुद्ध आहे आणि त्यांचा शेवटचा सामना 24 मे रोजी कोलकाता नाईट रायडर्सविरुद्ध आहे. पंजाबला आधी आपले दोन्ही सामने जिंकावे लागतील. पंजाब किंग्सला आपले दोन्ही सामने जिंकल्यासच 17 गुणांपर्यंत पोहोचता येईल, तर चेन्नई सुपर किंग्स आणि राजस्थान रॉयल्स त्यांच्यापेक्षा चांगल्या स्थितीत आहेत. सीएसके आणि आरआरने प्रत्येकी 11 सामने खेळले असून, प्रत्येकी 6 सामने जिंकले आहेत. याचा अर्थ दोन्ही संघांना प्रत्येकी 18 गुणांपर्यंत पोहोचण्याची संधी आहे.

आरसीबी आणि गुजरात केवळ एका विजयापासून दूर- (IPL Points Table 2026)

रॉयल चॅलेंजर्स बंगळुरु आणि गुजरात टायटन्स सध्या सर्वोत्तम स्थितीत आहेत. दोघांनीही 12 पैकी 8 सामने जिंकले असून आता ते प्रत्येकी 16 गुणांवर आहेत. आता, फक्त एक विजय मिळवल्यास दोन्ही संघ आपले प्लेऑफमधील स्थान निश्चित करतील. पंजाब किंग्सच्या अडचणी आणखी वाढल्या आहेत कारण सनरायझर्स हैदराबादलाही 18 गुणांपर्यंत पोहोचण्याची संधी आहे, तर पंजाब दोन्ही सामने जिंकूनही केवळ 17 गुणांपर्यंतच पोहोचेल. परिणामी, पंजाब इतर संघांच्या निकालांवरही अवलंबून आहे.

SRH - 14 Points. (vs CSK & RCB)
PBKS - 13 Points. (vs RCB & LSG)
CSK - 12 Points. (vs LSG, SRH & GT)
RR - 12 Points. (vs DC, LSG & MI)

THIRD & FOURTH SPOT IN IPL 2026 🥶 pic.twitter.com/XhUtI6BBnE
— Johns. (@CricCrazyJohns) May 14, 2026

Mumbai Indians : जसप्रीत बुमराह कॅप्टन बनला अन् तिलक वर्माकडून मुंबईला विजयाचा तिलक, पंजाबचा सलग पाचवा पराभव

जगदीश ढोले — Thu, 14 May 2026 23:45:45 +0530

Mumbai Indians : जसप्रीत बुमराह कॅप्टन बनला अन् तिलक वर्माकडून मुंबईला विजयाचा तिलक, पंजाबचा सलग पाचवा पराभव

मिशेल मार्शची वादळी फलंदाजी

चेन्नईची वाट खडतर

पंजाब किंग्जचं प्लेऑफचं समीकरण

पंजाबच्या खराब कामगिरीचं कारण काय?

Kuldip Yadav : कुलदीप यादव चेन्नईच्या ताफ्यात

रिचर्ड ग्लीसन आरसीबीच्या ताफ्यात

'हा तर निव्वळ मूर्खपणाचा विषय, मी जर माझं घरदार सोडून करत असेल तर..' किंग कोहली गंभीर आणि आगरकरांवर भलताच संतापला

मला वारंवार विचारले जाते, मी विश्वचषक खेळणार का?

'आदर आणि महत्त्व दोन्ही बाजूंनी मिळायला हवं'

'मला माझी योग्यता आणि महत्त्व सिद्ध करावं लागेल'

'प्रामाणिकपणे बोला किंवा मला शांतपणे खेळू द्या'

नेमकं प्रकरण काय आहे?

संजू सॅमसनने सर्व प्रश्नांना पूर्णविराम दिला- रवी शास्त्री (Ravi Shastri On Team India T20 Captain)

श्रेयस अय्यरचं नाव आघाडीवर, पण आता हार्दिक पांड्याचीही चर्चा- (Team India T20 Captain)

संबंधित बातमी:

सीएसकेची प्लेऑफमध्ये पोहोचण्याची शक्यता काय

सीएसके अजून संपलेली नाही

IPL Playoffs Qualification Scenarios 2026: मुंबईच्या विजयानंतर 8 संघांचं गणित फिस्कटलं, प्लेऑफसाठी चुरस वाढली; पाहा आयपीएलचे Points Table

मुंबई इंडिन्सचा विजय, पण इतर सर्व संघांचं गणित फिस्कटलं- (IPL Playoffs Qualification Scenarios 2026)

आरसीबी आणि गुजरात केवळ एका विजयापासून दूर- (IPL Points Table 2026)

संबंधित बातमी-

Mumbai Indians : जसप्रीत बुमराह कॅप्टन बनला अन् तिलक वर्माकडून मुंबईला विजयाचा तिलक, पंजाबचा सलग पाचवा पराभव