South Africa Beat India After WTC 2025-27 Points Table : कोलकाता येथील ईडन गार्डन्स स्टेडियममध्ये दक्षिण आफ्रिकेविरुद्ध खेळल्या गेलेल्या 2 सामन्यांच्या कसोटी मालिकेतील पहिल्या सामन्यात भारताला 30 धावांनी पराभवाचा सामना करावा लागला. तिसऱ्या दिवशी भारतास विजयासाठी 124 धावांचे लक्ष्य मिळाले होते, पण भारतीय संघ फक्त 93 धावांवर ऑलआऊट झाला आणि टीम इंडियाला पराभव स्वीकारावा लागला. या पराभवाचा थेट परिणाम वर्ल्ड टेस्ट चॅम्पियनशिप (WTC 2025-27 Points Table) 2025–27 च्या गुणतालिकेवरही झाला असून भारत आता चौथ्या स्थानावर घसरला आहे.
WTC पॉइंट्स टेबलमध्ये टीम इंडियाची मोठी घसरण
दक्षिण आफ्रिकेविरुद्धची मालिका सुरू होण्यापूर्वी भारत तिसऱ्या स्थानावर होता. मात्र कोलकाता कसोटीमधील पराभवानंतर भारत चौथ्या स्थानावर घसरला असून त्यांचे गुण टक्केवारी आता 54.17 आहे. भारताने या चक्रात आतापर्यंत 8 सामने खेळले आहेत, ज्यात 4 विजय आणि 3 पराभव झाले आहेत.
दक्षिण आफ्रिकेची चौथ्या स्थानावरून थेट दुसऱ्या क्रमांकावर उडी...
दुसरीकडे, कोलकाता कसोटी मधील विजयामुळे दक्षिण आफ्रिका चौथ्या स्थानावरून थेट दुसऱ्या क्रमांकावर उडी घेतली आहे. त्यांनी या चक्रात आतापर्यंत 3 सामने खेळले असून 2 विजय आणि 1 पराभवामुळे त्यांची गुण टक्केवारी 66.67 आहे.
ऑस्ट्रेलिया टेबल टॉपर, तर श्रीलंका तिसऱ्या स्थानी
वर्ल्ड टेस्ट चॅम्पियनशिप 2025–27 गुणतालिकेत ऑस्ट्रेलिया 100% गुणांसह पहिल्या क्रमांकावर आहे. त्यानंतर श्रीलंका 66.67% गुणांसह तिसऱ्या स्थानी आहे. पाकिस्तान 50% गुणांसह पाचव्या, तर इंग्लंड 43.33% गुणांसह सहाव्या स्थानी आहे. अंतिम तीन स्थानी बांगलादेश, वेस्ट इंडीज आणि न्यूझीलंड या संघांचा समावेश आहे. त्यापैकी न्यूझीलंडने अद्याप या चक्रातील एकही सामना खेळलेला नाही.
टेम्बा बावुमाने विक्रम ठेवला कायम
नाणेफेक जिंकल्यानंतर टेम्बा बावुमाने प्रथम फलंदाजी करण्याचा निर्णय घेतला. दक्षिण आफ्रिकेने पहिल्या डावात 159 धावा केल्या. पहिल्या डावात भारताकडून जसप्रीत बुमराहने पाच बळी घेतले. पण, भारताने पहिल्या डावात केवळ 189 धावा केल्या आणि केवळ 30 धावांची आघाडी घेतली. जेव्हा दक्षिण आफ्रिका दुसऱ्या डावात 153 धावांवर कोसळली तेव्हा लक्ष्य फक्त 124 धावांचे होते. असे वाटत होते की भारत सामना सह जिंकले. पण पराभवाचा सामना करावा लागला. टेम्बा बावुमाने कर्णधार म्हणून 11 कसोटी सामने खेळले आहेत, त्यापैकी दक्षिण आफ्रिकेने 10 जिंकले आणि एक अनिर्णित राहिला. या विजयासह भारताने मालिकेत 1-0 अशी आघाडी घेतली आहे. दुसरी कसोटी 22 नोव्हेंबरपासून गुवाहाटी येथे खेळवली जाईल.
हे ही वाचा -