When Will Virat Kohli and Rohit Sharma Play Next Match : भारत–दक्षिण आफ्रिका यांच्यातील तीन सामन्यांची वनडे मालिका संपली आहे. टीम इंडियाने 2-1 असा विजय मिळवत कसोटी मालिकेतील पराभवाची सल थोडीफार कमी केली. या मालिकेत विराट कोहली आणि रोहित शर्मा दोघांनीही दमदार कामगिरी केली. कोहलीच्या बॅटने दोन शतके झळकली, तर रोहितने दोन अर्धशतके ठोकली. या वर्षी भारताचे आणखी कोणतेही वनडे सामने नसल्यामुळे हे दोन्ही दिग्गज आता पुढील वर्षीच निळ्या जर्सीत दिसणार आहेत. रोहित आणि विराट भारतासाठी पुढील वनडे जानेवारी 2026 मध्ये न्यूझीलंडविरुद्ध खेळतील.
2025 मधील विराट-रोहितची धमाकेदार कामगिरी
भारताने शनिवारी दक्षिण आफ्रिकेविरुद्धची तीन सामन्यांची वनडे मालिका संपवली. 2025 मध्ये विराट आणि रोहित यांनी आपले सर्व आंतरराष्ट्रीय सामने पूर्ण केले. विराटने पहिल्या दोन सामन्यांत सलग शतके (135 आणि 102) ठोकत आपली फॉर्म सिद्ध केली. रोहितनेही पहिल्या सामन्यात 57, निर्णायक तिसऱ्या सामन्यात 75 अशी महत्त्वाची खेळी केली.
आता रोहित-विराट पुढील वर्षीच भारताच्या जर्सीत दिसणार
विराट कोहली आणि रोहित शर्मा आता फक्त वनडे क्रिकेट खेळतात. दोघांनी कसोटी आणि टी20 क्रिकेटमधून निवृत्ती घेतली आहे. दक्षिण आफ्रिकेविरुद्धची मालिका संपताच आता ते पुढील वर्षी जानेवारीच्या दुसऱ्या आठवड्यातच पुन्हा मैदानात दिसतील.
भारताची पुढील वनडे मालिका न्यूझीलंडविरुद्ध 11 जानेवारीला वडोदरा येथे सुरू होईल. नंतर राजकोट आणि इंदूर येथे उर्वरित सामने खेळले जातील. आजपासून 35 दिवसांनी भारत–न्यूझीलंड वनडे मालिकेचा पहिला सामना रंगणार आहे.
विजय हजारे ट्रॉफीत खेळणार का विराट आणि रोहित?
दिल्ली आणि मुंबईच्या संघांची अधिकृत घोषणा अद्याप झालेली नसली, तरी मिळालेल्या माहितीनुसार विराट आणि रोहित दोघेही यंदा विजय हजारे ट्रॉफीत खेळू शकतात. 24 डिसेंबर ते 18 जानेवारी दरम्यान हा स्पर्धा होणार आहे. वर्षाच्या सुरुवातीला बीसीसीआयने सर्व वरिष्ठ खेळाडूंना घरगुती क्रिकेट खेळण्याचे निर्देश दिले होते. याच कारणास्तव विराट आणि रोहित यांनी यंदा आपल्या राज्यसंघासाठी रणजी ट्रॉफीचा एक सामना खेळला होता.
दोघांचाही लक्ष्य 2027 वनडे वर्ल्डकपर्यंत क्रिकेट खेळण्याचा असल्याने त्यांना विजय हजारे ट्रॉफीत नियमित खेळणे आवश्यक आहे. विराटचा सहभाग जवळपास निश्चित मानला जात आहे, तर रोहितही मुंबईकडून खेळण्यासाठी तयार आहे, औपचारिक घोषणेची प्रतीक्षा आहे.
हे ही वाचा -