Akeal Hosein on Cristiano Ronaldo : मला वाचवा... भारतात अडकलेल्या वेस्ट इंडिज खेळाडूची इन्स्टाग्रामवर 60 कोटी पेक्षा जास्त फॉलोअर्स असलेल्या सुपरस्टारकडे धाव, नेमकं काय घडलं?
West Indies Stranded In India : टी-20 वर्ल्ड कप 2026 मधील वेस्ट इंडिजचा प्रवास 1 मार्चलाच संपला.
Iran Israel Conflict Affect In India : टी-20 वर्ल्ड कप 2026 मधील वेस्ट इंडिजचा प्रवास 1 मार्चलाच संपला. सुपर-8 सामन्यात त्यांना टीम इंडियाकडून पराभव पत्करावा लागला आणि स्पर्धेतून बाहेर पडावे लागले. मात्र स्पर्धेतून बाहेर पडल्यानंतरही वेस्ट इंडिजचे खेळाडू अजून आपल्या देशात परतू शकलेले नाहीत. त्यामुळे संघाचा अष्टपैलू खेळाडू अकील हुसेन याने नाराजी व्यक्त केली आहे.
इस्रायल आणि इराण तणावामुळे परिणाम
अमेरिका, इस्रायल आणि इराण यांच्यात वाढलेल्या तणावामुळे आंतरराष्ट्रीय प्रवासावर परिणाम झाला आहे. या परिस्थितीत अनेक उड्डाणे रद्द करण्यात आली असून वेस्ट एशियातील अनेक विमानतळांवर अलर्ट वाढवण्यात आला आहे. या पार्श्वभूमीवर वेस्ट इंडिजचे खेळाडू अजूनही भारतात अडकून पडले आहेत. याच परिस्थितीचा एक मजेशीर व्हिडिओ शेअर करत अकील हुसेनने ख्रिस्टियानो रोनाल्डोला टॅग केले. इन्स्टाग्रामवर 60 कोटींपेक्षा जास्त फॉलोअर्स असलेल्या रोनाल्डोकडे धाव घेतली.
दरम्यान, अकील हुसेनने X (माजी ट्विटर) वर एक पोस्ट करत हलक्या-फुलक्या अंदाजात पोर्तुगालचा फुटबॉल सुपरस्टार क्रिस्टियानो रोनाल्डोकडे मदतीची मागणी केली. “मला इथून बाहेर काढण्यासाठी क्रिस्टियानो रोनाल्डोने चॉपर पाठवला तर बरे होईल,” असे त्याने मजेशीर शैलीत लिहिले. “हो… आणि स्वतःही यावं,” असेही त्याने त्या पोस्टमध्ये नमूद केले होते. मात्र काही वेळानंतर अकील हुसेनने ही पोस्ट डिलीट केली. तरीही त्याची ही पोस्ट सोशल मीडियावर मोठ्या प्रमाणात व्हायरल झाली आहे.
What exactly is the drama from some West Indies players right now? After Daren Sammy, now Sherfane Rutherford and Akeal Hosein are posting “please let us go home”, “just want to leave” as if they’re trapped in Iran. They’re in India, safe and comfortable. Their departure is… pic.twitter.com/DtktkVT3P7
— Sir Cricket Analyst (@Shahnoo00115827) March 6, 2026
दरम्यान, क्रिकेट वेस्ट इंडिज (CWI) ने गुरुवारी सांगितले की, खेळाडूंना मायदेशी परत पाठवण्यासाठी चार्टर फ्लाइटची व्यवस्था करण्याचे प्रयत्न सुरू आहेत आणि पुढील 24 तासांत त्यांना रवाना करण्याचा प्रयत्न केला जात आहे. वेस्ट इंडिज संघासाठी विशेष विमानाची व्यवस्था करण्यात आली आहे. मात्र स्थानिक सूत्रांच्या माहितीनुसार, ‘एअर ट्रॅफिक’ची अंतिम परवानगी मिळण्याची प्रतीक्षा अजूनही सुरू आहे.
बंगाल क्रिकेट संघटनेच्या (CAB) एका अधिकाऱ्याने पीटीआयशी बोलताना सांगितले की, “वेस्ट इंडिज आणि दक्षिण आफ्रिका या दोन्ही संघांच्या रवाना होण्याबाबतची अधिकृत माहिती अद्याप मिळालेली नाही.” पण, दक्षिण आफ्रिकेचे चार खेळाडू आगामी द्विपक्षीय मालिकेसाठी शुक्रवारी रात्री न्यूझीलंडला रवाना होऊ शकतात, अशी शक्यता त्यांनी व्यक्त केली. “दक्षिण आफ्रिकेचे चार खेळाडू आज रात्री न्यूझीलंडला जाऊ शकतात, मात्र औपचारिक पुष्टीची प्रतीक्षा आहे,” असेही त्यांनी सांगितले.
हे ही वाचा -
महत्त्वाच्या बातम्या
