Virat Kohli Ind vs Pak : कोहली 41 धावांवर बाद झाला असता...; शतक झळकवल्यानंतरही सुनील गावसकरांनी सुनावले, सामन्यात काय घडलेलं?, Video
Virat Kohli Survives 'Obstructing The Field' Dismissal : भारतीय संघाने चॅम्पियन्स ट्रॉफीतील पाकिस्तानविरुद्धचा सामना 6 विकेट्सने जिंकला.
Ind vs Pak Champions Trophy 2025 : भारतीय संघाने चॅम्पियन्स ट्रॉफीतील पाकिस्तानविरुद्धचा सामना 6 विकेट्सने जिंकला. भारतीय संघाच्या विजयात टीम इंडियाचा माजी कर्णधार विराट कोहलीने महत्त्वाची भूमिका बजावली. कोहलीने नाबाद 100 धावा करत भारतीय संघाला विजय मिळवून दिला, या खेळीत त्याने 7 चौकार मारले. हे कोहलीच्या एकदिवसीय आंतरराष्ट्रीय कारकिर्दीतील 51 वे शतक होते.
...तर विराट कोहली शतक करू शकला नसता.
या सामन्यात एक क्षण असा होता, जेव्हा विराट कोहली आऊट होऊ शकला असता. तेही स्वतःच्या चुकीमुळे. खरं तर, कोहलीने एकदा पाकिस्तानी क्षेत्ररक्षकाचा थ्रो हाताने थांबवला होता. जर कोणत्याही पाकिस्तानी खेळाडूने अपील केले असते तर विराट कोहलीला 41 धावांवर पॅव्हेलियनमध्ये परतावे लागले असते. समालोचन करत असलेले भारतीय दिग्गज सुनील गावसकर विराट कोहलीला याबद्दल सांगितले. तो म्हणाला की, विराटने अशी चूक करायला नको होती. जर अपील केले तर त्याला बाहेर जावे लागेल.
#INDvPAK
— Kshitij Sharma (@kshx_76) February 23, 2025
Virat kohli have started fielding for pakistan, it's getting boring for him. pic.twitter.com/tzo6Arx5Qq
ऑब्स्ट्रक्टिंग द फील्ड हा एक नियम आहे. त्या नियमानुसार, जर फलंदाजाने जाणूनबुजून मैदानात अडथळा आणला, तर त्याला बाद दिले जाऊ शकते. यामध्ये फलंदाजाने हातने चेंडू हाताळण्याचाही समावेश होतो. दरम्यान, फलंदाजाकडून चुकून किंवा दुखापत टाळण्यासाठी चेंडू हाताळला गेला असेल, तर त्याला नाबादही दिले जाते. विराट कोहलीनेही मुद्दाम थ्रो पकडण्याचा प्रयत्न केला. जर पाकिस्तानने येथे अपील केले असते तर विराट कोहलीला मैदान सोडावे लागले असते अशी शक्यता आहे.
What just happened? Sunil Gavaskar hints that Virat Kohli could've been given out for 'Obstructing the Field,' but Pakistan's players didn't appeal, looks like they are not aware of the rules 🇮🇳🇵🇰🤯#ViratKohli #INDvsPAK #ChampionsTrophy pic.twitter.com/9CNJ0RuoJm
— Mursaleen wafai (@MursaleenWafai) February 23, 2025
सुनील गावसकर काय म्हणाले?
सुनील गावसकर समालोचन करताना म्हटले की, त्याने (कोहली) हे करायला नको होते. जर पाकिस्तानी खेळाडूंनी त्याच्याविरुद्ध विकेटचे अपील केले असते, तर कदाचित पंचांना त्याला बाद द्यावे लागले असते. तो खेळात अडथळा आणल्याबद्दल आऊट होऊ शकला असता.
कोहलीने ठोकले 82 वे आंतरराष्ट्रीय शतक
पाकिस्तानविरुद्ध विराट कोहली जबरदस्त फॉर्ममध्ये दिसत होता. त्याने त्याचे 51 वे एकदिवसीय आणि आंतरराष्ट्रीय क्रिकेटमध्ये 82 वे शतक ठोकले. कोहलीने 111 चेंडूत खेळलेल्या 100 धावांच्या खेळीत 7 चौकार मारले. याआधी कोहलीने त्याच्या एकदिवसीय कारकिर्दीतील 14 हजार धावाही पूर्ण केल्या.
हे ही वाचा -
महत्त्वाच्या बातम्या
