Vaibhav Suryavanshi Century : 8 षटकार, 8 चौकार... वैभव सूर्यवंशीचा पुन्हा धमाका, अंडर-19 वर्ल्डकपच्या फायनलमध्ये ठोकले वादळी शतक; मोडले अनेक विक्रम
IND U19 vs ENG U19 World Cup final : वैभव सूर्यवंशीने अंडर-19 वर्ल्ड कपच्या अंतिम सामन्यात इंग्लंडविरुद्ध आपल्या बॅटने ऐतिहासिक वादळ शतक ठोकले.
Vaibhav Suryavanshi Century News : भारतीय क्रिकेटचा उगवता तारा वैभव सूर्यवंशीने अंडर-19 वर्ल्ड कपच्या अंतिम सामन्यात इंग्लंडविरुद्ध आपल्या बॅटने ऐतिहासिक वादळ शतक ठोकले. इंग्लंडच्या गोलंदाजांची धुलाई करत वैभवने अवघ्या 55 चेंडूत आपले धडाकेबाज शतक पूर्ण केले. या खेळीसह त्याने क्रिकेट विश्वात नव्या विक्रमांची नोंद केली आहे.
𝗛.𝗨.𝗡.𝗗.𝗥.𝗘.𝗗 💯
— BCCI (@BCCI) February 6, 2026
Cometh the hour, cometh Vaibhav Sooryavanshi 👏
He smashes a 55-ball century in the #U19WorldCup Final 🫡
Updates ▶️ https://t.co/hisult7mtv pic.twitter.com/vNZY4ZoLJ3
वैभवचे अंडर-19 वर्ल्ड कपमधील पहिले शतक
वैभवने सुरुवातीपासूनच आक्रमक पवित्रा घेतला होता. त्याने अवघ्या 32 चेंडूत आपले अर्धशतक पूर्ण करून इरादे स्पष्ट केले होते. त्यानंतरही त्याचा वेग कमी झाला नाही. त्याने आपल्या खेळीत 8 षटकार आणि 8 चौकार मारत 55 चेंडूत शंभर धावांचा टप्पा ओलांडला. बातमी लिहिली जात असताना वैभव 100 धावांवर नाबाद खेळत होता. युवा वनडे क्रिकेटमधील हे त्याच्या कारकिर्दीतील चौथे शतक आहे. अवघ्या 14 वर्षे 316 दिवसांच्या वयात हा पराक्रम साधत तो अंडर-19 वर्ल्ड कप फायनलमध्ये शतक करणारा सर्वात तरुण खेळाडू ठरला.
सर्वात तरुण शतकवीर होण्याचा मान
या शतकी खेळीसह वैभव सूर्यवंशी अंडर-19 वर्ल्ड कपच्या फायनलमध्ये शतक झळकावणारा सर्वात कमी वयाचा खेळाडू ठरला आहे. वयाच्या इतक्या कोवळ्या टप्प्यावर इतक्या मोठ्या मंचावर दाखवलेला हा संयम आणि आक्रमकता पाहून क्रिकेट तज्ज्ञांकडून त्याचे कौतुक होत आहे.
Fireworks from the teenage prodigy 🔥
— ESPNcricinfo (@ESPNcricinfo) February 6, 2026
Vaibhav Sooryavanshi produces his best for last 💯
LIVE: https://t.co/AtjH6Qft3f pic.twitter.com/9Iebm1CvQT
फायनलमध्ये भारताकडून सर्वात वेगवान शतक
अंडर-19 वर्ल्ड कप फायनलमध्ये भारताकडून सर्वात वेगवान शतक (55 चेंडू) करण्याचा विक्रमही वैभवने आपल्या नावावर केला.
डेवाल्ड ब्रेविसचा विक्रम मोडला
इंग्लंडविरुद्धच्या फायनलमध्ये 5 षटकार पूर्ण करताच वैभवने अंडर-19 वर्ल्ड कपच्या एका हंगामात सर्वाधिक षटकार मारण्याचा विक्रम केला. यापूर्वी हा विक्रम डेवाल्ड ब्रेविसकडे होता, ज्याने 2022 मध्ये 18 षटकार मारले होते. बातमी लिहिली जात असताना वैभवने 19 षटकार ठोकून ब्रेविसला मागे टाकले.
अंडर-19 वर्ल्ड कपच्या एका सत्रात सर्वाधिक षटकार
- 19 षटकार – वैभव सूर्यवंशी (2026)*
- 18 षटकार – डेवाल्ड ब्रेविस (2022)
- 15 षटकार – जॅक बर्नहॅम (2016)
- 14 षटकार – मायकेल हिल (2008)
- 14 षटकार – निकोलस पूरन (2014)
हे ही वाचा -
महत्त्वाच्या बातम्या
