Vaibhav Sooryavanshi : वैभव सूर्यवंशीच्या एन्ट्रीने टीम इंडियासमोरच मोठं संकट, संजू, अभिषेक की ईशान, प्लेईंग 11 मधून कोण OUT, कोण IN?
Vaibhav Sooryavanshi T20 Selection Team India playing XI : आयपीएल 2026 मध्ये आपल्या स्फोटक फलंदाजीने संपूर्ण क्रिकेटविश्वाचे लक्ष वेधून घेणाऱ्या वैभव सूर्यवंशीला अखेर भारतीय टी-20 संघात स्थान मिळाले आहे.
Vaibhav Sooryavanshi T20 Selection Team India playing XI : आयपीएल 2026 मध्ये आपल्या स्फोटक फलंदाजीने संपूर्ण क्रिकेटविश्वाचे लक्ष वेधून घेणाऱ्या वैभव सूर्यवंशीला अखेर भारतीय टी-20 संघात स्थान मिळाले आहे. आयर्लंड आणि इंग्लंड दौऱ्यासाठी जाहीर झालेल्या संघात या 15 वर्षीय युवा फलंदाजाची निवड करण्यात आली असून आता सर्वात मोठा प्रश्न असा आहे की, वैभवला प्लेइंग इलेव्हनमध्ये संधी मिळाल्यास कोणाला बाहेर बसावे लागणार?
वैभव सूर्यवंशी हा सलामीवीर आहे. त्याने आयपीएलमध्ये सुरुवातीपासूनच आक्रमक खेळी करत गोलंदाजांवर दबाव निर्माण केला. त्यामुळे भारतीय संघ व्यवस्थापन त्याला मधल्या फळीत खेळवण्याचा धोका पत्करेल, अशी शक्यता कमी आहे. त्यामुळे त्याला सलामीलाच उतरवले जाऊ शकते.
A maiden #TeamIndia call-up at the age of 1️⃣5️⃣ 🌟
— BCCI (@BCCI) June 6, 2026
Congratulations to Vaibhav Sooryavanshi on setting a remarkable record 👏 pic.twitter.com/htOt9kci4p
वैभव सूर्यवंशी कोणाच्या जागी खेळणार? (Vaibhav Sooryavanshi Team India playing XI)
सध्या भारतीय टी-20 संघात अभिषेक शर्मा आणि संजू सॅमसन ही सलामीची जोडी आहे. अभिषेक शर्मा गेल्या काही महिन्यांपासून सातत्याने दमदार कामगिरी करत असल्याने त्याची जागा धोक्यात असल्याचे दिसत नाही. त्यामुळे वैभवला संधी द्यायची झाल्यास सर्वात मोठा फटका संजू सॅमसनला बसू शकतो.
संजू सॅमसनला संघ व्यवस्थापन मधल्या फळीत खेळवण्याचा पर्याय नक्कीच उपलब्ध आहे. मात्र संघ संयोजन, विकेटकीपरची भूमिका आणि इतर फलंदाजांची उपस्थिती पाहता त्याला बाहेर बसवण्याचाही निर्णय घेतला जाऊ शकतो. विशेषतः जर संघाला भविष्यासाठी वैभवसारख्या युवा खेळाडूला जास्तीत जास्त सामने देण्याची इच्छा असेल तर संजूला काही सामने बाकावर बसावे लागू शकतात.
आयपीएल 2026 मध्ये धमाकेदार कामगिरी (Vaibhav Sooryavanshi IPL 2026)
वैभव सूर्यवंशीची निवड केवळ भविष्यातील गुंतवणूक म्हणून झालेली नाही. त्याने आयपीएल 2026 मध्ये केलेली कामगिरी त्याला थेट प्लेइंग इलेव्हनसाठी दावेदार बनवते. या हंगामात त्याने 16 डावांत तब्बल 776 धावा केल्या. विशेष म्हणजे त्याचा स्ट्राइक रेट 237.30 इतका अविश्वसनीय होता. त्याने विराट कोहली, शुभमन गिल आणि केएल राहुल यांसारख्या दिग्गजांना मागे टाकत ऑरेंज कॅप जिंकली. याशिवाय वैभवने संपूर्ण स्पर्धेत 72 षटकार ठोकले. त्यामुळे त्याने ख्रिस गेलच्या 59 षटकारांच्या विक्रमालाही मागे टाकले. त्याच्या आक्रमक शैलीमुळे पॉवरप्लेमध्ये भारताला जलद सुरुवात मिळू शकते, ही बाबही संघ व्यवस्थापनासाठी महत्त्वाची ठरणार आहे.
आयर्लंडविरुद्धच्या मालिकेत जर वैभवला पदार्पणाची संधी मिळाली, तर तो भारताकडून खेळणारा सर्वात युवा पुरुष क्रिकेटपटू ठरेल. सध्या हा विक्रम सचिन तेंडुलकरच्या नावावर आहे. त्यामुळे आगामी मालिकांमध्ये वैभव सूर्यवंशीवर सर्व क्रिकेटप्रेमींच्या नजरा असतील. निवड समितीने संधी दिली गौतम गंभीर देणार का?, याकडेच सर्वांचे लक्ष लागले आहे.
आयर्लंड दौऱ्यासाठी भारतीय टी-20 संघ (India Squad For Ireland and England Series)
श्रेयस अय्यर (कर्णधार), अभिषेक शर्मा, संजू सॅमसन, इशान किशन, शिवम दुबे, तिलक वर्मा (उपकर्णधार), नितीश रेड्डी, अक्षर पटेल, वॉशिंग्टन सुंदर, वरुण चक्रवर्ती, मोहम्मद सिराज, अर्शदीप सिंग, प्रिन्स यादव, वैभव सूर्यवंशी.
इंग्लंड दौऱ्यासाठी भारतीय टी-20 संघ (INDIA SQUAD FOR England SERIES)
श्रेयस अय्यर (कर्णधार), अभिषेक शर्मा, संजू सॅमसन, इशान किशन, शिवम दुबे, तिलक वर्मा (उपकर्णधार), नितीश रेड्डी, अक्षर पटेल, वॉशिंग्टन सुंदर, वरुण चक्रवर्ती, मोहम्मद सिराज, अर्शदीप सिंग, प्रिन्स यादव, वैभव सूर्यवंशी.
हे ही वाचा -
महत्त्वाच्या बातम्या
